सेफन्‍याह 2:15 - Sunuwar Bible

¹⁵ मेको महिंथु थुं नाइश्‍शा बाक्‍ब सहर मबाक्‍बा ङा? मेकोमी आंम कली “गो गोन नङ। आं क्‍येङा लाक्‍शा अरु सुइ मबाक्‍नीम” देंत। मेको मुल दोदेंशो पा ब्रेश्‍शो दुम्‍मे? मेको ब्‍वाकी ङा जन्‍तु आन बाक्‍तीके दुम्‍त। मेको लां रे पा गाक्‍ब नेल्‍ल मेको तशा आबी, दे हिंशा ख्रिंख्रि पाइनीम। यसैया ४७:८

सेफन्‍याह 2:15 ပူးပေါင်းရင်းမြစ်များ

अय्‍युब 16:4

गे आं खोदेंशो बाक्‍नी हना, गो यो इन खोदेंशो पा लोव़ पने चबु वा। गो इन कली यो मोदेंशो लोव़ पङ वा। गो इन कली शुक्‍शी पा आं पिया हिक्‍शा कोंइदन्‍नी वा। भजन संग्रह २२:८

अय्‍युब 27:23

मेको फशेमी मेको आन कली तशा, आन गुइ फ्रेक्‍नीम। मेको आन बाक्‍तीकेम मेको आन कली शुक्‍शी पाइब” देंमाक्‍त।

यसैया 22:2

गे, ग्रांग्‍ये माग्‍ये नु रेयकेम ब्रीशो सहर, इ बेक्‍शो मुरपुकी तरवारम क्‍योरशा साइश्‍शो मनम। लडाइम साइश्‍शो यो मनम।

यसैया 32:11

गे ठेयब लेश्‍शो मीश मुर ख्रिंख्रि पने। गे काइ महिंबपुकी ख्रिंख्रि पा हिनीन। इन वा प्रुइश्‍शा अरन्‍डी फेक्‍सीन।

यसैया 32:14

मारदे हना दरवार ङा मुर नेल्‍ल प्रोक्‍नीम। शुश मुर बाक्‍शो सहर श्‍येत्‍थ दुम्‍ब। ओफेल माइश्‍शो ग्‍येत्‍थ लुक्‍च गाक्‍तीक लां नु मेकेर खाल पाइब मुर आन बाक्‍तीक गेना हना यो पुक्‍खी दुम्‍नीम। मेकेर ब्‍वाकी ङा गधा ग्‍येरसीशा बाक्‍नीम। मिनु क्‍यारश भेडा आन जोतीक दुम्‍ब।

यसैया 32:9

गे ठेयब लेश्‍शो मीश मुरपुकी बोक्‍कीन। मिनु आं लोव़ नेनीन। गे काइ महिंथु बाक्‍ब तमीपुकी इन नोफा दाइश्‍शा, आं लोव़ नेनीन। यसैया ३:१६-४:१

यसैया 47:10

गे, परमप्रभु यावे आ अरेशो मटिथु ‘आं कली सुइम मताइब’ दे हेम्‍मा पा बाक्‍शा, मिम्‍ताक्‍वी। मिनु इ शुश तुइक्‍तीके नु जोक्‍तीकेम इ कली दूली लां खोइक्‍पाइक्‍तु। इ थुंमी ‘गो नङ। आं क्‍येङा लाक्‍शो अरु सुइ मबाक्‍नीम’ देंते। भजन संग्रह १०:११

येरमीया 18:16

मेकोपुकीम आन रागी हिंचा ङा सेल्‍तेक्‍म। मिनु मेको रागी गेना हना यो शुक्‍शी पतीक दुम्‍त। मेकेर रे सु सु गाक्‍मा मेको ग्रीचोक पा हिंनीम। मिनु ‘आबी, आबी’ देंनीम। येरमीया १९:८

येरमीया 19:8

मिनु गो मेको सहर कली हिंचा ङा सेल्‍नुङ। मिनु मेको सहर गेना हना यो शुक्‍शी पतीक दुम्‍ब। मेकेर रे सु सु गाक्‍मा, मेको ग्रीचोक पा हिंनीम। मिनु आ खतम दुम्‍तीके आ पर्बम आबी, आबी देंनीम। येरमीया १८:१६

येरमीया 50:13

परमप्रभु यावे आ चुर‍तीकेमी मेकेर सुइ मबाक्‍नीम। मेको थम श्‍येत्‍थ रागी दुम्‍ब। बेबीलोन रे पा गाक्‍ब मेको तशा हिंनीम। मिनु मेको आ श्‍येत तशा शुक्‍शी पाइनीम। येरमीया ५१:३७

बिलाप 1:1

मेको सहरम गिश श्‍येत्‍थ दुम्‍मे। ङोंइती मेकेर शुश मुर बाक्‍तेक्‍म। मेको आ वोंइश बेक्‍शो मीश मुर खोदेंशो दुम्‍त। मेको ङोंइती रागी रागी आन दातेमी ठेयब बाक्‍त। मेको रागी पिप आ तमी खोदेंशो बाक्‍त। मुल मेको सहर वाइल खोदेंशो दुम्‍त। येरमीया ५१:५

बिलाप 2:1

परमप्रभु गाइश्‍शा, सियोन आ तमी कली मुने तोक्‍तु। इस्राएल आ दारस कली सरीङ रे पा रागीमी तोक्‍तु। आ गाइश्‍शो नाक्‍ती आंम खोइल वोइक्‍तीक सियोन कली यो प्रेंताक्‍व। भजन संग्रह १३२:७-८

बिलाप 2:15

इ नेक्‍था रे पा लाइब नेल्‍लेमी इ कली तशा शुक्‍शी पाइनीम। यरूसलेम आ तमी तशा शुक्‍शी पा आन पिया हिम्‍नीम। मेकोपुकीमी “एको सहर कली नेल्‍ल क्‍येङा दारशो नु रागी ङा नेल्‍ल क्‍येङा दाक्‍शो सहर देंनीमी, ममाइ ङा?” देंनीम। भजन संग्रह ४८:३; इजीकीएल १६:१४

इजीकीएल 27:36

मिनु रागी रागी ङा ग्‍याप्‍तीक लेयतीक गेय पाइबपुकीम इ कली शुक्‍शी पाइनीम। इ हिंचा ङा नुप्‍तीक नाक्‍त जाक्‍शो बाक्‍त” देंत। इजीकीएल २८:१९

इजीकीएल 28:2

मार लोव़ पाप्‍तु देंशा हना “ए मुर, टायर ङा पिप आ तौ कली परमप्रभु, परमप्रभु यावेमी ‘गे इ थुं ङा ठेयब लेत्‍तीकेम, गो परमप्रभु नङ। गो समुन्‍द्र आ दातेम देवी देवता आन बाक्‍‍तीकेम बाक्‍नुङ’ देंते। तन्‍न गे मुर ला बाक्‍नेवे। परमप्रभु मनवे। गे ठेयब लेश्‍शा, इ थुंम ‘परमप्रभु खोदेंशो जोक्‍ब तुइक्‍ब बाक्‍नुङ’ दे मिम्‍साक्‍वे। यसैया ३१:३; दानीएल ५:२०; प्रेरित १२:२३

इजीकीएल 28:9

मिनु मार, इ कली साइक्‍ब आन ङोंइती गे मुर दुम्‍शा यो ‘गो देवता का नङ’ देंनेवे ङा? ‘इ कली साइक्‍ब आन गुइमी बाक्‍शा यो मोदेंशो लोव़ पाइनेवे?

इजीकीएल 29:3

मिनु परमप्रभु, परमप्रभु यावेमी मेको कली ‘ए इजीप्‍त ङा पिप फाराओ, गो इ कली सजाइ गे‍नुङ। गे खोला आन दातेम बाक्‍ब समुन्‍द्र ङा ठेयब जन्‍तु खोदेंशो बाक्‍नेवे। मिनु नील खोला आं केन बाक्‍ब। मेको आं सेल्‍शो बाक्‍ब’ देंते। इजीकीएल ३२:२

दानीएल 4:27

हजुर पिप, मोपतीके आं गेशो अर्ती इन कली दुम्‍ल। इन पाप कली ठीक पतीकेमी क्‍याम्‍दीन। मिनु इन मरिम्‍शो पशो, श्‍येत जाइब आन कली शिशी पतीकेमी क्‍याम्‍दीन। मो पाइतीनी हना, इन रिम्‍शो बाक्‍तीक शुश नाक्‍त सम्‍म लीब” देंत। हितोपदेस १९:१७; मत्ती ५:७

नहुम 3:19

इ गार कली मारेइम यो सापाइक्‍ने मजाप्‍ब। इ गार बेक्‍चा ङा बाक्‍ब। मिनु इ पर्बम लोव़ नेंब मुर नेल्‍ल शुश हिंनीमी। मारदे हना इ गेनायो मनुप्‍ब मरिम्‍शो पतीकेमी सुइ ब्रोंइने मचाप्‍शो बाक्‍तेक्‍म” देंत।

हबकुक 1:7

मेकोपुकी श्‍येत गेब नु शुश हिंचा ङा बाक्‍नीम। मिनु ‘मार ठीक निसाफ पतीके बाक्‍बा? सु मान ताइब बाक्‍बा’ दे आंमान दें‍नीम।

मत्ती 27:39

मिनु कोव़ब मुर शुश जाक्‍शा, आन पिया हिम्‍शा भजन संग्रह २२:८