सेफन्‍याह 2:11 - Sunuwar Bible

¹¹ परमप्रभु यावेमी मेको आन कली थम मरिम्‍शो पाइब। रागी ङा देवी देवता नेल्‍ल आन कली खतम पोक्‍ब। नेल्‍ल आन बाक्‍तीकेमी बाक्‍शा, मेको आ ङोंइती बाप्‍चा माल्‍नीम। रागी रागी समुन्‍द्र आ सुंगी नु टापु ङा मुर नेल्‍ल परमप्रभु यावे आ ङोंइती बाप्‍नीम’ देंत।

सेफन्‍याह 2:11 ပူးပေါင်းရင်းမြစ်များ

उत्पत्ती 10:5

मेको मुरपुकी रे समुन्‍द्र आ नेक्‍था बाक्‍ब जरमेशो बाक्‍मा बाक्‍त। मेकोपुकी यफेथ आ चच युइ बाक्‍मा बाक्‍त। मेकोपुकी आंम रागीम बाक्‍शो बाक्‍मा बाक्‍त। मिनु आंम रागी रागीमी, आंम खिं खिं ङा मुरुमी आंम लोव़ ब्‍वाक्‍मा बाक्‍त।

भजन संग्रह 138:4

परमप्रभु यावे, रागी ङा पिप नेल्‍लेमी इन लोव़ नेंतेक्‍म। मोपतीके मेकोपुकीमी इन कली ठेयब सेल्‍मेक्‍ल। यसैया २:३

भजन संग्रह 72:17

मेको आ नें गेना हना यो लील। नां बाक्‍म सम्‍म आ नें ठेयब बाक्‍ल। रागी रागी ङा मुर नेल्‍लेम मेको रे पा आसीक तामेक्‍ल। मिनु मेकोपुकीमी मेको आ पर्बम “ग्‍येरसीशो मुर बाक्‍ब” देंमल। उत्‍पत्ती १२:३; उत्‍पत्ती २२:१८

भजन संग्रह 86:9

परमप्रभु, इन सेल्‍शो रागी रागी ङा मुर इन ङोंइती बाप्‍शा, इन नें थिशा, इन कली ठेयब सेल्‍चा माल्‍नीम।

यसैया 2:18

मेना मूर्ति नेल्‍ल जाम्‍नीम।

यसैया 2:20

मेको नाक्‍ती मुरपुकीम आन पूजा पचा कली सुन चांदी के सेल्‍शो मूर्ति थाक्‍यु नु पकातिक्‍ती आन ङोंइती ताइक्‍नीम। यसैया ३१:७

यसैया 42:10

परमप्रभु यावे कली नक कुम्‍सो का पने। रागी आ सुर ङा मुरपुकी परमप्रभु यावे कली कुम्‍सो पशा ठेयब सेलीन। समुन्‍द्र नु समुन्द्रम बाक्‍बपुकी परमप्रभु कली ठेयब सेलीन। समुन्‍द्र आ नेक्‍था बाक्‍ब नेल्‍लेमी मेको कली ठेयब सेलीन। भजन संग्रह ३३:३

यसैया 42:4

मेकोम रागी नेल्‍लेम मुर आन कली ठीक निसाफ पतीक लां मकोंइदा सम्‍म ग्‍युम्‍शा मगोल्‍ब। समुन्‍द्र आ नेक्‍थाम बाक्‍ब मुरपुकी आ शेंशो नेंचा दाक्‍शा, मेको कली रिम्‍नीम” देंत।

यसैया 49:1

गे समुन्‍द्र आ नेक्‍था बाक्‍बपुकी, होस पने। गे ङोन रागी ङा मुरपुकी, होस पने। परमप्रभु यावेमी आं कली आ जरमेचा क्‍येङा ङोंइती रेन ब्रेश्‍शो बाक्‍त। गो आं ममा आ कोव़जीम बाक्‍ङानु, मेकोमी आं कली नें गेती।

येरमीया 10:11

गे मेको आन कली “मेको सरीङ नु रागी मसेल्‍ब देवी देवता रागी नु सरीङ आगा रे क्‍याम्‍चा पुंइसीनीम।

येरमीया 46:25

मुर नेल्‍ल आन परमप्रभु यावे, इस्राएली आन परमप्रभुम “गो थेबेस सहर ङा आमोन फाराओ, इजीप्‍त रागी नु आ देवी देवता नु आ पिप आन कली सजाइ गेनुङ। गो फाराओ नु मेको आ सक्ति कली थमा सुइक्‍ब नेल्‍ल आन कली सजाइ गेनुङ। येरमीया ४३:१२-१३; यसैया २४:२१

दानीएल 11:18

मिनु नोले मेकोमी समुन्‍द्र आ नेक्‍था बाक्‍शो रागी नु लडाइ पा, शुश रागी आंम के सेल्‍ब। तन्‍न आ लडाइ पाइब आन ठेयब मुर कामी मेको आ ठेयब लेश्‍शो थुं थमा पा खतम पोक्‍‍शा गेब।

होसे 2:17

गो बाल देवता आन नें यो मेको आ शोव़ रे ग्रुंइ‍नुङ। मिनु लेंशा मेकोमी मेको आन नें गेनायो मथोइब।

योएल 2:11

मिनु परमप्रभु यावे आ लडाइ पाइब आन ङोंइती ठेयब सेंदा पा लोव़ पाइब। मेको आ लडाइ पाइब सक्ति पाइश्‍शो नु शुश बाक्‍नीम। मिनु मेको आ देंशो टीब हिक्‍ने मचाप्‍चा ङा बाक्‍नीम। परमप्रभु यावे आ निसाफ पतीक नाक्‍ती ठेयब नु थम हिंचा ङा बाक्‍ब। मेको सुम फाल्‍ने चाप्‍नीमी ङा?

सेफन्‍याह 1:4

गो यहूदा रागी नु यरूसलेममी बाक्‍ब मुर नेल्‍ल आन पर्बम आं गुइ क्‍युक्‍नुङ। मिनु मेकेर बाल देवता कली पूजा पतीके नु मेको कली चढ़ेब आन नें मलीचा ङा पा क्‍याम्‍नुङ। २राजा २३:५; होसे १०:५

सेफन्‍याह 3:9

मेना जात जात ङा मुर आन कली रिम्‍शो लोव़ पाइब सेल्‍नुङ। मिनु मेको नेल्‍लेमी परमप्रभु यावे कली पुंइशा ठेयब सेल्‍मेक्‍ल। मेको नेल्‍ल गारशा आ गेय पामेक्‍ल।

जकरिया 13:2

मुर नेल्‍ल आन परमप्रभु यावेमी मार देंत देंशा हना मेको नाक्‍ती “गो रागी रे मूर्ति आन नें क्‍याम्‍‍नुङ। मिनु सुइमी मेको आन कली ममिम्‍नीम। मिनु गो मेको रागी रे जोल पा नोले दुम्‍ब लोव़ पाइब नु ग्रांग्रा दिशो वोल आन कली ग्रुंइशा खेरनुङ। मीका ५:१२; येरमीया २९:८-९

जकरिया 2:11

मेको नाक्‍त शुश रागी ङा मुरपुकी परमप्रभु यावे नु गारचा कली जाक्‍‍नी‍म। मेको नाक्‍ती मेको आं मुर दुम्‍नी‍म। मिनु गो गे इन दातेमी बाक्‍नुङ। मिनु गेपुकीमी मुर नेल्‍ल आन परमप्रभु यावेमी आं कली इन कली लोव़ पथ सोइश्‍‍शो बाक्‍ब, दे तुइक्‍नी‍नी” दे परमप्रभु यावेमी देंत। यसैया ११:१०

जकरिया 8:20

मुर नेल्‍ल आन परमप्रभु यावेमी “शुश सहर ङा मुर तेम्‍शा जाक्‍नी‍म।

जकरिया 8:23

मुर नेल्‍ल आन परमप्रभु यावेमी मार देंत देंशा हना “मेको नाक्‍ती रागी रागी ङा आन आन लोव़ ब्‍वाक्‍ब १० जना मुरपुकीमी यहूदी का आ वा ग्‍याइश्‍शा ‘गो गे नु लाइनीकी। मारदे हना परमप्रभु यावे गेपुकी नु बाक्‍ब देंशो नेंशो बाक्‍नीक’ देंनीम” दे परमप्रभुमी देंत।

मलाकी 1:11

“नां दाप्‍तीक रे नां पेरतीक सम्‍म रागी रागी ङा मुर आन दातेमी आं नें ठेयब बाक्‍ब। रागी नेल्‍ल ङा मुरपुकीमी आं कली धूप चोशा, रिम्‍शो थोव़क चढ़ेनीम। मारदे हना रागी रागी ङा मुर आन दातेमी आं नें ठेयब बाक्‍ब” दे मुर नेल्‍ल आन परमप्रभु यावेमी देंत। यसैया ६०:१-७

मलाकी 1:14

“सु सुमी आंम बस्‍तु आन बगाल रे पा ‘रिम्‍शो बस्‍तु चढ़ेनुङ’ देंनीमी, तन्‍न नोले मरिम्‍शो चढ़ेनीमी, मेको जोल पाइब सराप राइनीम। मारदे हना गो ठेयब पिप नङ। आं नें रागी रागी नेल्‍ल ङा मुर आन दातेमी हिंचा ङा बाक्‍ब” दे मुर नेल्‍ल आन परमप्रभु यावेमी देंत। लेवी २२:१९

ब्‍यवस्‍था 32:38

आन क्‍योरशा चढ़ेतीके ङा बोंसो सुमी ब्‍ववा? मिनु तूचा थोव़क चढ़ेतीके रे सुम तूङा? मेकोपुकी बोक्‍शा इन कली वारच पामेक्‍ल। मिनु इन कली प्रोन्‍मेक्‍ल। न्‍यायाधीस १०:१४; येरमीया २:२८

१ तिमोथी 2:8

तेइ तेइ ङा वोंइश मुरपुकीमी प्रार्थना पचा माल्‍नीम। परमप्रभु यावे कली थुं नेल्‍लेम थमा सुइक्‍ब गे गुइ पोक्‍शा, मगाइक्‍ब नु मजीब दुम्‍शा, परमप्रभु यावे नु लोव़ पशो तचा दाक्‍नुङ।

प्रकाश 11:15

मिनु मेको नोले ङा परमप्रभु यावे आ स्‍वर्ग ङा गेय पाइबमी आ तुराही ताप्‍तु। मिनु स्‍वर्गमी ठेयब सेंदापुकी नेंता। मेकोपुकीमी “आंइ परमप्रभु नु आ ख्रीस्‍तमी रागी नेल्‍ल कली सासन पाइब दुम्‍ताक्‍से। मिनु गेना हना यो सासन पना पन बाक्‍नीसी” देंशो नेंता।