सेफन्‍याह 1:8 - Sunuwar Bible

⁸ परमप्रभु यावे आ चढ़ेतीक नाक्‍त गो सरकार आ ठेयब मुर, पिप आ तौपुकी नु अर्को रागी ङा मुर आन वा फेक्‍ब नेल्‍ल आन कली सजाइ गेनुङमी। हबकुक २:२०

सेफन्‍याह 1:8 ပူးပေါင်းရင်းမြစ်များ

२ राजा 10:22

मिनु मेकोमी वा वोइक्‍ब आन कली “बाल आ नोले खोइक्‍ब नेल्‍ल आन कली वा ग्रुंइदीन” दे माइक्‍मी बाक्‍त। मिनु मेकोम मेको आन कली वा ग्रुंइदमे बाक्‍त।

यसैया 10:12

मिनु परमप्रभुमी सियोन डांडा नु यरूसलेमम पशो गेय थुमा नोले मेकोमी अस्‍सुर ङा ठेयब लेश्‍शो नु बोरशो पिप कली सजाइ गेब। यसैया ३७:३६

यसैया 2:6

याकूब आ खिं ङा मुर, गे इन ङोंइती ङा लां प्रोंइतीनी। गे इन थुं पूर्ब ङा मुर आन पतीक गेयम ब्रीशो बाक्‍ब। गे पलिस्‍ती खोदेंशो पा लिंक्‍यु कोव़ब दुम्‍तीनी। अर्को जात ङा मुर नु खाल्‍साक्‍नी।

यसैया 24:21

मेको नाक्‍ती परमप्रभु यावेमी स्‍वर्गम बाक्‍ब सक्ति पाइश्‍शो आन कली सजाइ गेब। मिनु रागी कली सासन पाइब पिप आन कली सजाइ गेब। दानीएल १०:१३; येरमीया ४६:२५

यसैया 39:7

मिनु इ तौ कोइ कोइ आन कली लाइश्‍शा, बेबीलोन ङा पिप आ दरवारमी गेय पाइब सेल्‍नीम” दें‍त।

हबकुक 1:10

मिनु पिप आन पर्बम शुक्‍शी पाइनीम। हुकुम पाइब आन पर्बम तोक्‍शो लोव़ पा रित्‍नीम। मेकोपुकीमी बोल्‍यो दरवार आन पर्बम ‘गो ग्रानय’ दे खप तेल्‍शा ङोइश्‍शा लशा, आंम के सेल्‍नीम।

ब्‍यवस्‍था 22:5

मीश मुरुमी वोंइश मुर आन फेक्‍तीक वा मफेक्‍सीन। वोंइश मुरुमी मीश मुर आन फेक्‍तीक वा मफेक्‍सीन। सु सुमी मेको पाइबा, मेको परमप्रभु यावे, इन परमप्रभु कली ग्रांग्रा बाक्‍ब।