सेफन्‍याह 1:4 - Sunuwar Bible

⁴ गो यहूदा रागी नु यरूसलेममी बाक्‍ब मुर नेल्‍ल आन पर्बम आं गुइ क्‍युक्‍नुङ। मिनु मेकेर बाल देवता कली पूजा पतीके नु मेको कली चढ़ेब आन नें मलीचा ङा पा क्‍याम्‍नुङ। २राजा २३:५; होसे १०:५

सेफन्‍याह 1:4 ပူးပေါင်းရင်းမြစ်များ

२ राजा 21:13

गो सामरीया कली पुक्‍तीकेमी यरूसलेम कली पुक्‍नुङ। गो आहाब आ खिं कली थाप्‍शो डोरीम यरूसलेम कली थाप्‍नुङ। मुरपुकीम दोपा थाल शेक्‍शा गुक्‍शा वोइक्‍नीमी, मोपा गो यरूसलेम कली शेक्‍शा गुक्‍शा वोइक्‍नुङ।

२ राजा 23:12

आहाज आ तार ङा कोठा ङा कौसीम यहूदा ङा पिपपुकीम सेल्‍शो चढ़ेतीकपुकी नु परमप्रभु यावे आ खिं ङा लाङगा निम्‍फा गे ङा मनस्‍सेम सेल्‍शो चढ़ेतीकपुकी प्रेश्‍शा, फस पोक्‍शा, मेको नेल्‍ल किद्रोन खोल्‍साम ताइक्‍पदा बाक्‍त। २इतिहास २८:२४; २राजा २१:४-५

२ इतिहास 34:4

मिनु पिप आ ङोंइती बाल देवता आन चढ़ेतीकपुकी प्रेप्‍पदा बाक्‍त। मिनु मेको इच्‍का इर बाक्‍शो धूप चोतीकपुकी नु चढ़ेतीक प्रोल्‍शा खतम पोक्‍गा बाक्‍त। मिनु मेकोमी मूर्ति पाइश्‍शो थाम, चेम्‍शा सेल्‍शो मूर्तिपुकी फस पोक्‍मी बाक्‍त। मिनु मेको कली चढ़ेब आन तुरस तारी फ्रवा बाक्‍त।

प्रस्‍थान 15:12

इन ग्‍युरा गुइ दिंनीनु, रागीम मेको आन कली दाक्‍तु।

येरमीया 15:6

गे आं कली प्रोंइशो बाक्‍नेवे। गे नोले शोंइसीन सीन बाक्‍नेवे। मोपतीके गो आं गुइ क्‍युक्‍शा इ कली साइक्‍नुङ। मुल गो आं गाइश्‍शो मतेक्‍नुङ।

येरमीया 6:12

मारदे हना गो आं गुइ मेको रागीम बाक्‍ब आन तार दिंनुङ, मेको आन खिं अर्को आन के दुम्‍नीम। आन रू नु आन मीश यो अरु आन के दुम्‍नीम” दे परमप्रभु यावेम देंत।

इजीकीएल 25:7

मोपतीके गो आं गुइ गे इन पर्बम क्‍युक्‍नुङ। मिनु गो इन कली रागी रागी ङा मुर आन गुइम गेनुङ। मिनु गो जात जात ङा मुर आन दाते रे इन नें क्‍याम्‍नुङ। मिनु गो इन कली रागी नेल्‍ल रे क्‍‍याम्‍नुङ। गो इन कली खतम पोक्‍नन्‍नी। मेना गेपुकीम गोन परमप्रभु यावे नङ, दे तुइक्‍नीनी” देंत।

इजीकीएल 6:14

गो आं गुइ मेको आन पर्बम क्‍युक्‍नुङ। मिनु आन रागी रे श्‍येत्‍थ नु मुर मबाक्‍तीक सेल्‍नुङ। मेको गोरशो रागी रे रिब्‍ला सम्‍म मोदेंशो पाइनुङ। मेना मेकोपुकीमी गो परमप्रभु यावे नङ, दे तुइक्‍नीम” देंत। २राजा २५:२१

होसे 10:5

सामरीयामी बाक्‍ब मुरपुकी बेथ-आवेन ङा बाछा आ मूर्ति आ पर्बम हिंनीम। ङोंइती मेको मूर्ति आ दारस तशा, ग्‍येरसीशो मुरपुकी मेको आ पर्बम रोंका पाइनीम। चढ़ेबपुकी यो मेको आ पर्बम रोंका पाइनीम। मारदे हना मेको मूर्ति ङोन लाइक्‍सीशो बाक्‍ब। होसे ४:१५

मीका 5:13

गो इन दा‍ते ङा मूर्ति नेल्‍ल खतम पोक्‍नुङ। इन पूजा पचा कली ख्रुक्‍‍शो फुल्‍लु खतम पोक्‍नुङ। मिनु इन गुइमी सेल्‍शो थोव़क आन ङोंइती मबाप्‍नीनी।

सेफन्‍याह 2:11

परमप्रभु यावेमी मेको आन कली थम मरिम्‍शो पाइब। रागी ङा देवी देवता नेल्‍ल आन कली खतम पोक्‍ब। नेल्‍ल आन बाक्‍तीकेमी बाक्‍शा, मेको आ ङोंइती बाप्‍चा माल्‍नीम। रागी रागी समुन्‍द्र आ सुंगी नु टापु ङा मुर नेल्‍ल परमप्रभु यावे आ ङोंइती बाप्‍नीम’ देंत।

सेफन्‍याह 2:13

मेकोमी उत्तर गे आ गुइ दिंशा अस्‍सुर कली खतम पोक्‍ब। निनवे कली कोक्‍त नु गोरशो रागी खोदेंशो सेल्‍ब। नहुम १:१