सेफन्‍याह 1:16 - Sunuwar Bible

¹⁶ गारोम हिरशो सहरपुकी नु गारो ङा कुनाम बाक्‍शो लाइश्‍शो खिं आन कली लडाइ तोचा कली तुराही ताप्‍शो नु लडाइ ङा रेयके पशो नेंसीब। येरमीया ३०:७

सेफन्‍याह 1:16 ပူးပေါင်းရင်းမြစ်များ

यसैया 27:13

मेको नाक्‍ती ठेयब तुराही का ग्रीब। मिनु अस्‍सुर रागीम जाम्‍शो नु इजीप्‍त रागीम खेदा पचा पुंइसीशो मुरपुकी जाक्‍नीम। मिनु यरूसलेम ङा परमप्रभु यावे आ डांडामी आ कली ठेयब सेल्‍नीम। यसैया ११:११-१२; योएल ३:५

यसैया 32:14

मारदे हना दरवार ङा मुर नेल्‍ल प्रोक्‍नीम। शुश मुर बाक्‍शो सहर श्‍येत्‍थ दुम्‍ब। ओफेल माइश्‍शो ग्‍येत्‍थ लुक्‍च गाक्‍तीक लां नु मेकेर खाल पाइब मुर आन बाक्‍तीक गेना हना यो पुक्‍खी दुम्‍नीम। मेकेर ब्‍वाकी ङा गधा ग्‍येरसीशा बाक्‍नीम। मिनु क्‍यारश भेडा आन जोतीक दुम्‍ब।

यसैया 59:10

मिक्‍च मताइब खोदेंशो पा गारो सुल्‍शा गाक्‍नीकी। मिक्‍च मपाइश्‍शो मुर खोदेंशो पा सुल्‍‍नीकी। नाक्‍दो खोदेंशो पा नाक्‍ती यो दाइल पांइ‍सीनीकी। गो बोल्‍यो मुर आन दातेम बेक्‍शो मुर खोदेंशो दुम्‍तक। ब्‍यवस्‍था २८:२९

येरमीया 6:1

परमप्रभु यावेमी “बेन्‍यामीन आ आलपुकी ब्रोंइशा बाक्‍चा कली यरूसलेम रे प्रोक्‍कीन। तेकोहा सहरमी तुराही ताप्‍पीन। बेथ-हक्‍केरेम तार चिन्‍ड कोंइशा वोतीन। मारदे हना उत्तर रे मरिम्‍शो पतीक नु खतम दुम्‍तीके यिशो बाक्‍ब। आमोस १:१; येरमीया १:१४

येरमीया 8:16

मिनु “दान रे जोरी सत्रु आन शारा आन सोंव सोंव पशो नेंसाक्‍व। मेको आन शारा आन ग्रीशो आ पर्बम रागी नेल्‍ल ख्रिंख्रि पाइब। मेकोपुकी रागी नु मेकेर बाक्‍शो मारेइ मारेइ, सहर नु मेकेर बाक्‍ब नेल्‍ल आन कली दाक्‍चा कली जाक्‍शो बाक्‍नीम। येरमीया ४:१५

इजीकीएल 7:7

गे रागीम बाक्‍ब इन खतम दुम्‍तीके जाक्‍ब। नुप्‍तीक नाक्‍ती जाक्‍शा, इन नेक्‍था बाक्‍ब। डांडापुकीम कुम्‍सो पतीके ममाइ, ग्रांग्‍ये माग्‍ये दुम्‍शो बाक्‍ब।

होसे 5:8

गिबामी तुराही नु रामाह सहरमी ग्रोव़ ताप्‍पीन। बेथ-आवेनमी लडाइ ङा तुराही ताप्‍पीन। बेन्‍यामीन ङा मुरपुकी ङोंइती बारीन। २राजा १५:३७; यसैया ७:१-९; होसे ४:१५

होसे 8:1

मिनु “तुराही ता‍पो। ककाकुली का परमप्रभु यावे आ खिं तारी बेरना बेरन बाक्‍ब। मारदे हना मुरपुकीमी आं पशो कबल प्रोंइतेक्‍म। आं अरेशो लोव़ मटीम। यसैया ५८:१; ब्‍यवस्‍था २८:४९; होसे ६:७

योएल 2:1

सियोनमी तुराही ताप्‍पीन। आं डांडामी शुश ग्रीब ताप्‍तीक ग्रोव़ ताप्‍पीन। रागीम बाक्‍ब मुर नेल्‍ल गिक गिक पा ख्रिंख्रि पामेक्‍ल। मारदे हना परमप्रभु यावे आ जाक्‍‍शो नाक्‍त नेक्‍था जाक्‍शो बाक्‍ब। मेको जाक्‍चा चिक्‍शो बाक्‍ब। योएल १:१५

आमोस 3:6

मार, तेकोइ सहरमी तुराही ताप्‍शोनु, मुर महिंनीमी ङा? मार, सहरम श्‍येत दुम्‍मेनु, मेको परमप्रभु यावे आ सोइश्‍शो ममाइ ङा? यसैया ४५:७; बिलाप ३:३७

हबकुक 3:6

मेको गाक्‍‍शा नाइश्‍शा, रागी हिम्‍पाइक्‍तु। मेकोमी कोव़ङानु, रागी रागी ङा मुर आन कली ख्रिंख्रि पपाइक्‍तु। गेना हना यो बाक्‍ब डांडा ब्रेत्‍नीम। मेको गेना हना यो लीब पहाड नेल्‍ल यशो खोदेंशो पा दिंम दुम्‍तेक्‍म। मेकोमी साइ ङोंइती रे मोदेंशो पशो बाक्‍त। भजन संग्रह १०४:३२

ब्‍यवस्‍था 28:52

मिनु मेकोपुकीमी इन सहर नेल्‍ल आन कली पुम्‍नीम। मिनु गेपुकीमी ‘सुइम आंइ कली मफ्रुइब’ दे इन बोल्‍यो नु ग्‍येत्‍थ लाइश्‍शो ठेयब गारो कली थमा सुइक्‍तीनी, तन्‍न मेकोपुकीमी परमप्रभु यावे, इन परमप्रभुमी इन कली गेशो रागी ङा सहर नेल्‍ल पुम्‍शा, गारो प्रेत्‍नीम।

यहोसु 6:20

मिनु मुरपुकी वाइ ब्रेश्‍शा ग्रीतेक्‍‍म। मिनु चढ़ेबपुकीमी ग्रोव़ ताम्‍ना ताम्‍न बाक्‍तेक्‍म। मुरपुकीमी ग्रोव़ ताप्‍शो नेंशा, शुश ग्री‍तेक्‍म। मिनु मेको गारो ब्रेत्‍त। मिनु मुरपुकी ग्‍येत्‍थ बारशा, मेको सहर आंम के सेल्‍तेक्‍म। हिब्रू ११:३०