सेफन्‍याह 1:14 - Sunuwar Bible

¹⁴ परमप्रभु यावे आ ठेयब नाक्‍त जाक्‍चा चिक्‍शो बाक्‍ब। मेको रीब पा जाक्‍ब। नोफा दाइश्‍शा नेनीन। परमप्रभु यावे आ ठेयब नाक्‍त, श्‍येत ङा नाक्‍त बाक्‍ब। लडाइ पाइबपुकी थम ठेयब सेंदा पा ग्रीनीम। योएल १:१५

सेफन्‍याह 1:14 ပူးပေါင်းရင်းမြစ်များ

यसैया 15:4

हेश्‍बोन नु एलेआले सहर ङा मुर वाइ ब्रेश्‍शा ङाक्‍नीम। मेको आन ङाक्‍शो याहास सम्‍म नेंसीब। मोपतीके मोआब ङा लडाइ पाइबपुकी ख्रिंख्रि पा आन थुं लुक्‍च लाइब। यसैया १६:९-११

यसैया 33:7

नेनीन, मेको आन बोल्‍यो मुरपुकी लांम ग्रीनीमी। गारपइक्‍तीक लोव़ चाक्‍ब मुर हुइ हुइ पा ङाक्‍‍नीम। यसैया २९:१

यसैया 66:6

नेनीने, सहर रे ठेयब रेयके नेंसीब। परमप्रभु यावे आ खिं रे सेंदा का नेंसीब। मेको परमप्रभु यावे आ सेंदा बाक्‍ब। आ जोरी सत्रु आन कली क्‍येक्‍क लेत्‍चा कली ठेयब सेंदा पा लोव़ पाइब” देंतेक्‍म।

यसैया 8:22

मेकोपुकीमी खप गे कोव़शा, आन पिया खुक्‍नीम। मिनु मेकेर श्‍येत नु छिङछिङ ताइनीम। हिंचा ङा श्‍येत थम क्‍येर नाक्‍दो ला ताइनीम। मेको आन दातेम छेङछेङ मबाक्‍ब। मिनु आन थुं लुक्‍च लाइब।

येरमीया 25:36

गोठला आन ङाक्‍शो नेनीन। बगाल आन कली लां कोंइब आन हिंमा क्‍येम्‍स पशो नेनीन। मारदे हना परमप्रभु यावेम मेको आन बस्‍तु योव़तीके क्‍याम्‍चा चिक्‍शो बाक्‍ब।

येरमीया 30:7

आबी, मेको नाक्‍त दोदेंशो हिंचा ङा नाक्‍त दुम्‍बा। मेको नाक्‍ती खोदेंशो अर्को तेकोइ नाक्‍ती मदुम्‍नीम। मेको नाक्‍ती याकूब कली शुश हिंचा ङा श्‍येत जतीक नाक्‍ती दुम्‍ब। तन्‍न मेको श्‍येत रे प्रोंइचा पुंइसीब” देंत। योएल २:११; सेफन्‍याह १:१४-१५

येरमीया 46:5

गो मारदे मेको आन कली हिंशो तङमी? मेकोपुकी नोले शोंइसीशो बाक्‍नीम। मेको आन लडाइ पाइबपुकी आन थुं लुक्‍च लत। मेकोपुकी रीब पा प्रोक्‍तेक्‍म। मेकोपुकीमी नोले लेश्‍शा मकोव़नीम। तेइ तेइ हिंतीकेइ हिंतीके बाक्‍ब” दे परमप्रभु यावेम देंत। येरमीया २०:३

येरमीया 48:41

केरयोथ नु अरु सहर ब्रुइनीम। आन जोरी सत्रुमी मेको आन हिरशो सहर आन के सेल्‍नीम। मेको नाक्‍ती मोआब ङा लडाइ पाइब आन थुं सुत्‍केरी रोइ प‍शो मीश मुर आन थुं खोदेंशो दुम्‍नीम।

इजीकीएल 12:23

मोपतीके मेको आन कली ‘परमप्रभु, परमप्रभु यावेमी, गो मेको मो देंतीक लोव़ आ अर्थ साम्‍नुङ। मिनु मेकोपुकीम इस्राएलम मेको देंतीक लोव़ गेनायो मदेंनीम’ दे माइक्‍मी। मेको आन कली ‘नाक्‍त नेक्‍थान जाक्‍शो बाक्‍नीम। कोंइतीक नेल्‍ल गाप्‍ब। हबकुक २:३

इजीकीएल 30:3

मारदे हना मेको नाक्‍त नेक्‍थान जाक्‍ना जाक्‍न बाक्‍‍ब। परमप्रभु यावे आ नाक्‍त नेक्‍थान जाक्‍शो बाक्‍ब। मेको गोस्‍सुम सुम्‍शो नाक्‍त बाक्‍ब। मेको रागी रागी ङा मुर आन कली हिंचा ङा नाक्‍त दुम्‍ब। योएल १:१५; सेफन्‍याह १:१४

इजीकीएल 7:12

मेको खतम दुम्‍तीके जाक्‍चा चिक्‍शो बाक्‍ब। ग्‍याप्‍बपुकी मग्‍येरसमल। लेयबपुकी रोंका मपामेक्‍ल। मारदे हना मेको नेल्‍लेम परमप्रभु आ गाइश्‍शो ताइनीम।

इजीकीएल 7:16

मिनु ब्रोंइशा प्रोक्‍शो नेल्‍ल बेंसी ङा ढुकुर खोदेंशो पा पहाडम बाक्‍नीम। मेको आन मरिम्‍शो पशो आ पर्बम रोंका पा बाक्‍नीम।

योएल 1:15

मिनु योएलमी “परमप्रभु यावे आ जाक्‍चा चिक्‍शो नाक्‍त आ पर्बम आबी आबी, मारदे हना मुल मेको नाक्‍त जाक्‍ब। नेल्‍ल क्‍येङा सक्ति पाइश्‍शो खतम पोक्‍‍तीके जाक्‍ब। योएल २:१; यसैया १३:६

योएल 2:1

सियोनमी तुराही ताप्‍पीन। आं डांडामी शुश ग्रीब ताप्‍तीक ग्रोव़ ताप्‍पीन। रागीम बाक्‍ब मुर नेल्‍ल गिक गिक पा ख्रिंख्रि पामेक्‍ल। मारदे हना परमप्रभु यावे आ जाक्‍‍शो नाक्‍त नेक्‍था जाक्‍शो बाक्‍ब। मेको जाक्‍चा चिक्‍शो बाक्‍ब। योएल १:१५

योएल 2:11

मिनु परमप्रभु यावे आ लडाइ पाइब आन ङोंइती ठेयब सेंदा पा लोव़ पाइब। मेको आ लडाइ पाइब सक्ति पाइश्‍शो नु शुश बाक्‍नीम। मिनु मेको आ देंशो टीब हिक्‍ने मचाप्‍चा ङा बाक्‍नीम। परमप्रभु यावे आ निसाफ पतीक नाक्‍ती ठेयब नु थम हिंचा ङा बाक्‍ब। मेको सुम फाल्‍ने चाप्‍नीमी ङा?

योएल 2:31

परमप्रभु यावे आ ठेयब हिंचा ङा नाक्‍त जाक्‍चा क्‍येङा ङोंइती नां छिङछिङ दुम्‍ब। मिनु तास्‍ला हुश दुम्‍ब” देंशो बाक्‍ब। योएल २:२,१०,११; मत्ती २४:२९; प्रकाश ६:१२

योएल 3:14

मिनु निसाफ पतीक दिंममी शुश मुर जाक्‍स ङा जाक्‍स बाक्‍नीम। मारदे हना मेको दिंममी परमप्रभु यावे आ निसाफ पतीक नाक्‍ती जाक्‍चा चिक्‍शो बाक्‍ब।

योएल 3:16

परमप्रभु यावेम सियोन रे ठेयब सेंदा पा लोव़ पाइब। यरूसलेम रे पा आ सेंदा नेंपाइक्‍ब। सरीङ नु रागी ख्रिंख्रि पाइनीस। तन्‍न परमप्रभु यावे आ मुर आन कली ख्रुइश्‍शा बाक्‍तीक नु इस्राएल ङा मुर आन कली बोल्‍यो ब्रोंइशा बाक्‍तीक दरवार दुम्‍ब। आमोस १:२

आमोस 8:2

मिनु मेकोमी आं कली “आमोस, गे मार तवी?” दे हिल्‍लो पती। मिनु गो “मीशो फोव़शीम ब्रीशो डालो का ताता” देंती। मिनु परमप्रभु यावेमी आं कली “आं मुर, इस्राएली आन नाक्‍त गाप्‍त। मुल गो मेको आन नेक्‍था बाक्‍शा, मार मार पाइनीमी, मेको कोव़नुङमी। आमोस ७:८

सेफन्‍याह 1:10

मिनु परमप्रभु यावेमी “मेको नाक्‍त ङांइ लाप्‍चो रे ठेयब सेंदा पा ङाक्‍शो, नक सहर रे रोंका पशो नु डांडा रे पा ठेयब रेयके पशो नेंसीब।

सेफन्‍याह 1:7

परमप्रभु, परमप्रभु यावे आ ङोंइती सिक्‍सी पने। मारदे हना परमप्रभु यावे आ नाक्‍त जाक्‍चा चिक्‍शो बाक्‍ब। परमप्रभु यावेमी चढ़ेतीक चाड का ठीक पाप्‍तु। परमप्रभु यावेमीआ ब्रेश्‍शो मुर आन कली ठीक सेल्तीमी। हबकुक २:२०

मलाकी 4:5

नेनीन, आं ठेयब नु हिंचा ङा नाक्‍त जाक्‍चा क्‍येङा ङोंइती आं लोव़ पाइब एलीया कली इन बाक्‍तीकेम सोइक्‍नुङ। मत्ती ११:१४; १७:११-१३; योएल ३:४

प्रेरित 2:20

नां छिङछिङ दुम्‍ब। तास्‍ला हुश खोदेंशो लल दुम्‍शो तांइसीब। मेको प्रभु आ ठेयब नाक्‍त आ क्‍येङा ङोंइती मोदेंशो दुम्‍ब।

फिलिप्‍पी 4:5

इन रिम्‍शो पतीके मुर नेल्‍ल आन कली कोंइदीने। प्रभु जाक्‍चशो बाक्‍ब। तीतस ३:२

१ थिस्‍सलोनिकी 4:16

मारदे हना प्रभुमी आ मुर आन कली “कुन” दे ब्रेत्‍तानु, नेल्‍ल क्‍येङा ठेयब परमप्रभु यावे आ स्‍वर्ग ङा गेय पाइबमी यो ब्रेप्‍ब। परमप्रभु यावे आ तुराही ताप्‍शो नेंनीम। मेना प्रभु सरीङ रे यीब। ख्रीस्‍त कली थमा सुइश्‍शा बेक्‍शो मुरपुकी ङोंइती सेंसीनीम।

हिब्रू 12:26

परमप्रभु यावेमी लोव़ पवानु, ख्रिनु कुशो खोदेंब पा रागी नेल्‍ले हिम्‍से बाक्‍त। मुल इं कली मार लोव़ पाइब देंशा हना “मुल यो लेंशा काले रागी ला ममाइ, सरीङ यो हिम्‍नुङ” देंब। हग्‍गै २:६

याकूब 5:9

आं दाक्‍शो लोक्‍बपुकी, गेपुकीमी अरु थमा सुइक्‍ब आन पर्बम गन गन मपने। मो पाइतीनी हना, निसाफ पचा पुंइसीनी। नेनीन इन निसाफ पाइब जाक्‍चान चिक्‍शो बाक्‍ब।

२ पत्रुस 2:3

मेको आन शीम पतीकेमी इन कली दूली लोव़ पा, इन क्‍येट योल्‍नीम। मेकोपुकी ङोंइती रे नरक लचा चिक्‍शो बाक्‍नीम।