सेफन्‍याह 1:10 - Sunuwar Bible

¹⁰ मिनु परमप्रभु यावेमी “मेको नाक्‍त ङांइ लाप्‍चो रे ठेयब सेंदा पा ङाक्‍शो, नक सहर रे रोंका पशो नु डांडा रे पा ठेयब रेयके पशो नेंसीब।

सेफन्‍याह 1:10 ပူးပေါင်းရင်းမြစ်များ

२ सामुएल 5:7

मो हना यो दाऊदमी गारो हिरशो सियोन ग्रामाक्‍त। मिनु मेको दाऊद आ सहर दुम्‍माक्‍त।

२ सामुएल 5:9

मिनु दाऊद मेको गारो हिरशो सहरम बाक्‍शा, मेको आ नें दाऊद आ सहर वोदा बाक्‍त। मिनु दाऊदमी मिल्‍लो रे पा आगा एर ओंथ नेल्‍ल सहर सेला बाक्‍त।

२ राजा 22:14

मोपतीके चढ़ेब हिल्‍कीयाह, अहीकाम, आकबोर, शाफान नु आसायाह पिप आ खिंम वासी कोव़ब हारहास आ चच, तिकवाह आ तौ शाल्‍लुम आ मीश परमप्रभु यावे आ लोव़ पाइब हुल्‍दा आ बाक्‍तीके यरूसलेमम हिल्‍लो पथ लमा बाक्‍त। मेको आ खिं यरूसलेम ङा नक सहरम बाक्‍बाक्‍माक्‍त।

२ इतिहास 3:1

मिनु सोलोमनमी यरूसलेम ङा मोरीयाह डांडाम परमप्रभु यावे आ खिं सेल्‍चा गोवा बाक्‍त। ङोंइती परमप्रभु यावेमी आ आफ दाऊद कली मेको मोरीयाह डांडाम कोंइशो बाक्‍माक्‍त। मिनु दाऊदमी “परमप्रभु आ खिं यबुसी ओरनान आ चेरब तुप्‍तीकेम सेल्‍चा माल्‍ब” दे माइश्‍शो बाक्‍माक्‍त। १इतिहास २१:१८-२६

२ इतिहास 32:22

मोपा परमप्रभु यावेम हिज्‍कीयाह नु यरूसलेमम बाक्‍ब मुर आन कली अस्‍सुर ङा पिप सन्‍हेरीब नु मेको आन जोरी सत्रु नेल्‍ल आन गुइ रे प्रोना बाक्‍त। परमप्रभु यावेमी मेको रागी कली नाइक्‍चा गेवा बाक्‍त।

२ इतिहास 33:14

मिनु मेको लेश्‍शा नोले दाऊद आ सहर ङा लाङगाम अर्को गारो गिहोन आ पच्‍छिम गे सेला बाक्‍त। मेको ओफेल हिरशा, ङांइ लाप्‍चो सम्‍म सेला बाक्‍त। मेकोमी मेको गारो शुश दुइश्‍शो सेला बाक्‍त। मिनु मेकोमी यहूदा ङा बोल्‍यो सहर नेल्‍लेमी कप्‍तानपुकी वोइक्‍पदा बाक्‍त। २इतिहास २७:३

२ इतिहास 34:22

मोपतीके हिल्‍कीयाह नु पिपम सोइश्‍शो मुरपुकी परमप्रभु यावे आ लोव़ पाइब हुल्‍दा आ बाक्‍तीकेम हिल्‍लो पथ लमा बाक्‍त। मेको पिप आ दरवार ङा वासी कोव़ब हास्रा आ चच तोखाथ आ तौ शाल्‍लुम आ मीशे बाक्‍माक्‍त। मेको यरूसलेम ङा नक सहरम बाक्‍बाक्‍माक्‍त। मिनु मेको कली नेल्‍ल लोव़ देंमा बाक्‍त।

नेहेम्‍याह 12:39

मिनु नोले एफ्राइम लाप्‍चो, माइत गारो ङा ठेयब लाप्‍चो, ङांइ लाप्‍चो, हानानेल माइश्‍शो लाइश्‍शो खिं, मेआ माइश्‍शो लाइश्‍शो खिं लाक्‍शा, भेडा लाप्‍चो गे लाइतक। मिनु मेकोपुकी जेल्‍खान लाप्‍चोम जाक्‍दीशा नांइसाक्‍म।

नेहेम्‍याह 3:3

मिनु हास्‍सेनाह आ तौपुकीमी ङांइ लाप्‍चो सेल्‍तेक्‍म। मेकोपुकीमी ठेयब लाप्‍चो ङा शी वोइश्‍शा, ठेयब लाप्‍चो थारशा, लाप्‍चो नु चोक्‍तीके आग्‍लो वोइक्‍तेक्‍म।

यसैया 59:11

गो नेल्‍ल वां खोदेंशो पा ग्रीनीकी। ढुकुर खोदेंशो पा रोंका पाइनीकी। गो ठीक निसाफ माल्‍ना माल्‍न बाक्‍नीकी, तन्‍न मथित्‍नीकी। पाप रे ब्रोंइतीक माल्‍नीकी, तन्‍न मेको आंइ क्‍येङा ङोन बाक्‍ब।

येरमीया 39:2

मिनु सिदकीयाहम सासन पशो ११ बर्स ४ महिना ९ नाक्‍ती मेको सहर ङा गारो प्रेश्‍शा ओव़तेक्‍म।

येरमीया 4:31

गो सुत्‍केरी रोइ पशो मीश मुर आ सेंदा खोदेंशो नेंता। मेको ङोंइती ङा आल थिचा चिक्‍शो मीश मुर आ सेंदा खोदेंशो बाक्‍त। सियोन आ तमीमी आ गुइ दिंशा आ सास कीशा ‘आबी, आं कली साइक्‍ब आन ङोंइती थाइनुङ’ देंत” दे परमप्रभु देंत।

इजीकीएल 6:13

मेको आन साइश्‍शो मुर आन मूर्ति आन दाते आन चढ़ेतीक आन एर ओंथ बाक्‍नीम। नेल्‍ल डांडा ङा थानम, नेल्‍ले पहाडम, नेल्‍ल रवा आन पुंम, शुश गिग रवा आन पुंम, नु मूर्ति आन कली धूप चोतीके नेल्‍लेम मोदेंशो बाक्‍ब। १राजा १४:२३

आमोस 8:3

मेको नाक्‍ती दरवारम कुम्‍सो पाइब आन कुम्‍सो रोंका पतीके दुम्‍नीम” दे परमप्रभु यावेमी देंत। मिनु मेकोमी “बेक्‍शो मुर शुश बाक्‍नीम। लाङगाम ग्रुंइशा ताइक्‍नीम। गे सिक्‍सी पावो” देंत। आमोस ६:१०

सेफन्‍याह 1:15

मेको नाक्‍त गाइक्‍चा ङा नाक्‍त दुम्‍ब। श्‍येत नु हिंचा ङा नाक्‍त दुम्‍ब। नेल्‍ल ब्रेत्‍तीक नु खतम दुम्‍तीक नाक्‍त दुम्‍ब। मेको नाक्‍त छिङछिङ नु हिंचा ङा दुम्‍ब। गोस्‍सुम गिल्‍शो नु शुश छिङछिङ ङा नाक्‍त दुम्‍ब।

सेफन्‍याह 1:7

परमप्रभु, परमप्रभु यावे आ ङोंइती सिक्‍सी पने। मारदे हना परमप्रभु यावे आ नाक्‍त जाक्‍चा चिक्‍शो बाक्‍ब। परमप्रभु यावेमी चढ़ेतीक चाड का ठीक पाप्‍तु। परमप्रभु यावेमीआ ब्रेश्‍शो मुर आन कली ठीक सेल्तीमी। हबकुक २:२०