जकरिया 9:9 - Sunuwar Bible

⁹ सियोन आ तमी, साप्‍पा ग्‍येरसो। यरूसलेम आ तमी ग्‍येरशा ठेयब सेंदा पा ग्रीङो। मारदे हना इ पिप इ बाक्‍तीकेमी जाक्‍ना जाक्‍न बाक्‍ब। मेको ग्राशा ग्‍येरसीशा जाक्‍ब। मेको ब्रेम्‍शो बाक्‍ब। मेको गधा तार ङोइश्‍शा जाक्‍ब। गधा आ चाइक्‍ब तार ङोइश्‍शा जाक्‍ब। सेफन्‍याह ३:१४; मत्ती २१:५

जकरिया 9:9 ပူးပေါင်းရင်းမြစ်များ

१ राजा 1:38

मिनु चढ़ेब सादोक, परमप्रभु यावे आ लोव़ पाइब नाथान, येहो-यादा आ तौ बेनायाह नु केरेथी नु पेलेथी उइ ब्रुप्‍शा सोलोमन कली दाऊद पिप आ खच्‍चरम ङोइक्‍पाइश्‍शा गिहोन सम्‍म लदमे बाक्‍त। २सामुएल ८:१८

भजन संग्रह 149:2

इस्राएल आ कली सेल्‍ब आ पर्बम ग्‍येरसेक्‍ल। सियोन ङा मुर आन पिप आ पर्बम ग्‍येरसमल। भजन संग्रह १००:३; भजन संग्रह ९३:१

भजन संग्रह 2:6

मिनु मेकोमी “गो आं सियोन डांडामी आं तेल लुक्‍शा सोइश्‍शो पिप कली वोइक्‍ता” देंत। जकरिया ८:३

भजन संग्रह 45:1

आं थुं रिम्‍शो लोव़मी ब्रीतीके गो पिप कली कुम्‍सो पाइक्‍नुङ। आं लें थाम्‍पा ब्रेक्‍स जोक्‍ब मुर आन कलम खोदेंशो दुम्‍शो बाक्‍ब।

यसैया 12:6

सियोनम बाक्‍बपुकी ठेयब सेंदा पा ग्‍येरशा परमप्रभु कली ठेयब सेल्‍शा कुम्‍सो पने। मारदे हना इस्राएली आन का ला बाक्‍शो परमप्रभु इन दातेमी ठेयब बाक्‍ब।

यसैया 30:6

मिनु परमप्रभु यावेमी दक्‍खिन ङा नेगेब ङा जन्‍तु आन पर्बम यसैया कली मेको रागी हिंचा ङा नु श्‍येत ङा रागी बाक्‍ब। मेकेर गुप्‍सनी नु ग्रीब गुप्‍स, बुस्‍स नु बीस पाइश्‍शो बेरब बुस्‍स बाक्‍नीम। मिनु मुरपुकीमी आन शोंप गधा आन तारी नु शुश क्‍येट लाइब थोव़क दलओंठ आन तारी कुरपाइश्‍शा गाक्‍नीम। मेको शोर गाक्‍शो नु वारच मपाइब आन कली गेचा कली कुरपाइक्‍नीम। ब्‍यवस्‍था ८:१५

यसैया 33:22

मारदे हना परमप्रभु यावे आंइ कली निसाफ पाइब बाक्‍ब। परमप्रभु यावे आंइ कली सासन पाइब बाक्‍ब। परमप्रभु यावे आंइ पिप बाक्‍ब। मेकोमी आंइ कली श्‍येत रे प्रोंइब।

यसैया 40:9

“गे ठेयब डांडा ङोंइसीन। सियोन रिम्‍शो लोव़ कुरब बाक्‍ब। ठेयब सेंदा पा शेंदो। यरूसलेम रिम्‍शो लोव़ कुरब बाक्‍ब। महिंथु, ठेयब सेंदा पा शेंदो। यहूदा सहर ङा मुर आन कली ‘इन परमप्रभु एकेर बाक्‍ब’ देनो।

यसैया 43:11

गो परमप्रभु यावे नङ। आं क्‍येङा लाक्‍शा पाप रे प्रोंइब मबाक्‍ब। यसैया ४५:२१; ब्‍यवस्‍था ३२:३९

यसैया 43:3

मारदे हना गो परमप्रभु यावे, इ परमप्रभु नङ। गो इस्राएली आन का ला बाक्‍शो परमप्रभु नङ। गो इ कली पाप रे प्रोंइब नङ। गो इजीप्‍त रागी इ पा ङा गेता। मिनु एथीयोपीया नु सेबा रागी इ कली प्रोंइचा कली गेता। यसैया ४१:१४

यसैया 45:21

इ लोव़ शेंशा, लोव़ पावो। लोव़ पमुने। साइ ङोंइती एको लोव़ सुम देंमे? सुमी तुइक्‍पदा? मेको नोले दुम्‍ब लोव़ सुम पवा? गो, परमप्रभु यावे मनङा ङा? आं ङा लाक्‍शा, अरु सुइ परमप्रभु मबाक्‍ब। गो ठीक पाइब नु श्‍येत रे प्रोंइब परमप्रभु यावे नङ। आं ङा लाक्‍शा, अरु सुइ परमप्रभु मबाक्‍ब।

यसैया 52:7

डांडा मेरे ग्‍येरपाइक्‍ब लोव़ शेंशा गाक्‍ब आन खोइली शुश रिम्‍शो बाक्‍नीम। मेकोपुकीमी थुं नाइक्‍चा आ पर्बम लोव़ शेंनीम। मेकोपुकी रिम्‍शो लोव़ पाइब बाक्‍नीम। पाप रे प्रोंइतीक शेंनीम। सियोन कली “इ परमप्रभुम सासन पाइब” देंनीम। यसैया ४१:२७; नहुम २:१; रोमी १०:१५

यसैया 57:15

मिनु ठेयब नु इर ङा, गेना हना यो बाक्‍ब आ नें का ला बाक्‍शो परमप्रभुमी “गो नेल्‍ल क्‍येङा इर ङा आं बाक्‍तीकेमी बाक्‍नुङ। मिनु गो थुं लुक्‍च लशो नु दिप्‍चा पुंइसीशो मुर नु बाक्‍नुङ। गो दिप्‍शो मुर नु आन थुं लुक्‍च लशो आन थुं बारपाइक्‍चा कली मेकोपुकी नु बाक्‍नुङ। भजन संग्रह ११३:५-९; यसैया ६६:१-२; भजन संग्रह ५०:१९

यसैया 62:11

परमप्रभु यावेमी रागी आ सुर सम्‍म ङा मुर नेल्‍ल आन कली “सियोन आ तमी कली ‘इ कली पाप रे प्रोंइब जाक्‍ना जाक्‍न बाक्‍ब। इ कली गेतीक इनाम मेको नु बाक्‍ब। मेको इ ततीक इनाम आ ङोंइती गाक्‍ब’ देंशो बाक्‍ब। जकरिया ९:९; यसैया ४०:९-१०

येरमीया 30:9

तन्‍न मेकोपुकीम परमप्रभु यावे, आन परमप्रभु, आं कली नु आं सेल्‍शो पिप दाऊद आ गेय पाइनीम।

इजीकीएल 21:32

गे मी कली शी दुम्‍नीनी। इन हुश खपीम शाइक्‍ब। इन कली लेंशा गेनायो ममिम्‍नीम। मारदे हना गो, परमप्रभु यावेमी एको लोव़ पाता” देंत।

होसे 1:7

मिनु गो यहूदा आ खिं कली शिशी कोंइनुङ। मिनु मेको आन कली जोरी सत्रु आन गुइ रे पा प्रोंइनुङ। लिब्रा, तरवार नु लडाइ पाइब शारा नु शारा ङोइक्‍बपुकी रे ममाइ, तन्‍न गो मेको आन कली आंमान प्रोंइनुङमी” दे परमप्रभु यावे, आन परमप्रभुमी देंत। लो-रूहामा आ अर्थ “मदाक्‍नुङ” देंशो बाक्‍ब।

मीका 4:8

आं बगाल बाक्‍तीक डांडा, सियोन आ तमी इ सांद मिग्‍दाल-एदेर सहर सम्‍म जाक्‍दीप्‍ब। गे ङोंइती ङा राज्‍य लेंशा ताइनेवे। यरूसलेम ङा तमीम आ राज्‍य लेंशा ताइ‍ब।

मीका 5:2

तन्‍न गे बेथलेहेम एफ्राथाह, गे यहूदा ङा सहर आन दाते ङा आइक्‍च बाक्‍ते हना यो, इ रे पा आं पा ङा इस्राएल कली हुकुम पाइब का जाक्‍ब। मेको साइ ङोंइती रेन बाक्‍शो बाक्‍त। यसैया ४:१७; यसैया ११:१२

जकरिया 2:10

सियोन आ तमी, ग्‍येरशा सोम्‍शा कुम्‍सो पावो। मारदे हना गो इन दा‍तेमी बाक्‍थ जाक्‍नुङ।

मत्ती 1:21

नोले तौ का थीब। मेको कली येसु नें वोतो। मारदे हना मेकोमी आ मुर आन कली पाप रे प्रोंइब” दे तुइक्‍पदा बाक्‍त। लूका २:२१; प्रेरित ४:१२; भजन संग्रह १३०:८

मत्ती 11:29

आं जवा लाम्‍सीशा, गो नु शेंसीने। मारदे हना गो शिशी पाइब नु ब्रेम्‍शो थुं ङा नङ। मिनु गे इन थुं नाइक्‍चा ताइनीनी। यसैया २८:१२; येरमीया ६:१६

मत्ती 2:2

मिनु यरूसलेममी जाक्‍शा “यहूदी आन पिप ते जरमेसे? मारदे हना गोपुकीमी पूर्ब ङा रागीम आ सोरुल ताइतक। मिनु गो मेको कली ठेयब सेल्‍थ जाक्‍तक। ते बाक्‍मा?” देंमा बाक्‍त। गन्‍ती २४:१७

मर्कूस 11:7

मिनु गधा आ चाइक्‍ब चाक्‍ग्‍से बाक्‍त। मिनु आन वासी ब्रामे बाक्‍त। मिनु येसु ङोंइसे बाक्‍त।

लूका 24:27

साइ नेसी मोसा नु परमप्रभु यावे आ लोव़ पाइबपुकीमी ख्रीस्‍त आ पर्बम मार मार ब्रेक्‍शो बाक्‍मा, मेको नेल्‍ल शेंदीम्‍सी बाक्‍त। ब्‍यवस्‍था १८:१५; भजन संग्रह २२:-; यसैया ५२:१३-५३

यूहन्‍ना 1:49

मिनु नथानेलमी “शेंब, गे परमप्रभु यावे आ तौ ननी। गे इस्राएल ङा मुर आन पिप ननी” देंत। यूहन्‍ना ६:६९; भजन संग्रह २:७; येरमीया २३:५; मत्ती १४:३३; मत्ती १६:१६

यूहन्‍ना 19:15

मिनु यहूदीपुकीमी “सतीन, सतीन, एको कली शीमी क्‍येप्‍शा कांटी थोक्‍तीन” दे ग्रीतेक्‍म। पिलातसमी “गो इन पिप कली शीमी क्‍येप्‍शा कांटी थोक्‍नुङा ङा?” दे माइक्‍तीमी। मिनु ठेयब चढ़ेबपुकीमी “गो आंइ के सिजर का ला पिप बाक्‍ब” देंतेक्‍म। यूहन्‍ना १८:३७

न्‍यायाधीस 10:4

मेको आ तौ ३० जना बाक्‍मा बाक्‍त। मेकोपुकी ३० ओटा गधाम ङोइक्‍बाक्‍मा बाक्‍त। मिनु गिलाद ङा ३० ओटा सहर मेको आन के बाक्‍माक्‍‍त। मुल सम्‍म मेको सहर आन नें हव्‍वोथ-याइर देंनीम। मेको गिलाद रागीम बाक्‍नीम। ब्‍यवस्‍था ३:१४