जकरिया 9:6 - Sunuwar Bible

⁶ अश्‍दोद सहरमी खाल्‍सीशो मुरपुकी बाक्‍नीम। मिनु गो पलिस्‍ती आन ठेयब लेत्‍तीक खतम पा गे‍नुङ। ब्‍यवस्‍था २३:३

जकरिया 9:6 ပူးပေါင်းရင်းမြစ်များ

उपदेसक 6:2

परमप्रभुमी मुर आन कली शोंप, रू नु मान ततीक गेब। मोपा मेको कली आ दाक्‍शो प‍चा कली मारेइ श्‍येत मदुम्‍ब। तन्‍न परमप्रभुम मेको कली मेको ग्‍येरशा जचा मगेथु, अर्को मुर कली ग्‍येरशा जचा गेब। मेको यो जाम्‍शा लाइब बाक्‍ब।

यसैया 23:9

मिनु मुर नेल्‍ल आन परमप्रभु यावेमी मेको मिम्‍ताक्‍व। आ शुश दारस आ पर्बम ठेयब लेत्‍तीके खतम सेल्‍चा नु आ मान पाइक्‍चा पुंइसीब आन कली मुने तोक्‍चा कली मिम्‍ताक्‍व।

यसैया 28:1

आबी, गे एफ्राइम ङा दुक्‍शो ठेयब लेश्‍शो मुरपुकी, इन दारस फू खोदेंशो पा बेक्‍ब। मेकेर ब्रोव़शो जाइब नु दुक्‍शो मुर ला बाक्‍नीम। अङगुर शांबुम मेको आन कली नेक्‍शो बाक्‍ब।

येरमीया 47:1

फाराओमी गाजा कली लडाइ तोचा क्‍येङा ङोंइती, पलिस्‍ती आन पर्बम परमप्रभु यावेम आ लोव़ पाइब येरमीया कली लोव़ पाप्‍तु।

दानीएल 4:37

मुल गो, नेबुकदनेसरमी ‘स्‍वर्ग ङा पिप ठेयब बाक्‍ब’ दे मान पाइनुङ। मारदे हना आ पशो नेल्‍ल थमा बाक्‍ब। आ पतीके नेल्‍ल ठीक बाक्‍नीम। मेकोमी ठेयब लेश्‍शो मुर आन कली ब्रेम्‍शो सेल्‍ने चाप्‍ब” दे पिपमी देंत। लूका १:५१; लूका १८:१४

आमोस 1:8

गो अश्‍दोद सहरम बाक्‍ब मुर आन कली नु अश्‍कलोन ङा पिप कली क्‍याम्‍‍नुङमी। गो एक्रोन कली युक्‍नुङ। मिनु लीशो पलिस्‍ती नेल्‍ल जाम्‍शा लाइनीम” दे परमप्रभु यावेमी देंत।

सेफन्‍याह 2:10

मेको आन ठेयब लेश्‍शो आ पा ङा मोदेंशो ताइनीम। मारदे हना मेकोपुकीमी मुर नेल्‍ल आन परमप्रभु यावे आ मुर आन कली शुक्‍शी पा आंम कली ठेयब सेल्‍शो बाक्‍नीम।

सेफन्‍याह 2:4

गाजा मुर मबाक्‍थु, श्‍येत्‍थ दुम्‍ब। अश्‍कलोन नेल्‍ल ब्रेश्‍शा खतम दुम्‍शा प्रोंइसीब। नाक्‍ती उइक्‍थ दुम्‍मेनु अश्‍‍दोद ङा मुर खेरचा पुंइसीनीम। एक्रोन चहिं तुल्‍चा पुंइसीब।

जकरिया 9:5

मिनु अश्‍कलोन मेको तशा हिंब। गाजा हिं‍शा ख्रिंख्रि पाइब, एक्रोन शुश सुर्ता पा आ आस पशो जाम्‍शा लाइब। गाजा ङा पिप जाम्‍शा लाइ‍ब। अश्‍कलोनमी मुर मबाक्‍तीक दुम्‍ब। येरमीया ४७:-

जकरिया 9:7

गो मेको आन शोव़ रे पा हुश नु मेको आन ख्रुइ रे ग्रांग्रा दि‍‍चा ङा थोव़क ग्रुंइ‍नुङ। ली‍शो मुरपुकी आंइ परमप्रभु आ मुर दुम्‍नीम। मेकोपुकी यहूदा आ थर ङा मुर खोदेंशो दुम्‍नीम। एक्रोन ङा मुर चहिं यबुसी खोदेंशो दुम्‍नीम। उत्‍पत्ती ९:४; यहोसु १५:६३; २सामुएल २४:१८

१ पत्रुस 5:5

मिनु गे ठिटापुकी, शेंब खाल्‍पा आन देंशो लोव़ टिने। गे नेल्‍ल ब्रेम्‍शो थुं पाइश्‍शो दुम्‍शा, गेय पमुने। मारदे हना परमप्रभु यावेमी ठेयब लेश्‍शो मुर आन कली मकोव़ब, ब्रेम्‍शो थुं पाइश्‍शो मुर आन कली ला शिशी पाइब। एफिसी ५:२१; अय्‍युब २२:२९; हितोपदेस ३:३४; मत्ती २३:१२; याकूब ४:६