जकरिया 9:3 - Sunuwar Bible

³ टायरमी आंम पर्बम बोल्‍यो दरवार का सेल्‍शो बाक्‍ब। मेकोमी फुरक खोदेंशो पा चांदी नु लां मेर ङा हिलो खोदेंशो पा सुन तेल्‍शो बाक्‍ब।

जकरिया 9:3 ပူးပေါင်းရင်းမြစ်များ

२ सामुएल 24:7

मिनु नोले गारो हिरशो सहर टायर, हिव्‍वी नु कनानी आन सहर नेल्‍ल लमा बाक्‍त। नोले यहूदा ङा नेगेब ङा बेयर-शेबा सहर सम्‍म लमा बाक्‍त।

१ राजा 10:21

पिप सोलोमन आ तूतीक कचौरा नेल्‍ल सुन के बाक्‍मा बाक्‍त। मिनु लेबानोन ङा ब्‍वाकी माइश्‍शो पिप आ खिंम बाक्‍शो ग्‍योंब नेल्‍ले क्‍येख सुन के बाक्‍मा बाक्‍त। चांदी के मारेइ मबाक्‍मा बाक्‍त। मारदे हना सोलोमन आ पालाम चांदी मारेइ खोदेंशो मबाक्‍माक्‍त।

१ राजा 10:27

पिपमी यरूसलेमम चांदी फुल्‍लु खोदेंशो पा तेल्‍मी बाक्‍त। मिनु लेबानोन ङा लाइश्‍शो रवा आ शी चहिं शेफेलाह ङा फोव़शी रवा खोदेंशो पा शुश तेल्‍मी बाक्‍त।

अय्‍युब 22:24

गे सुन फुरक खोदेंशो मिम्‍ताक्‍नी हना, ओफीर ङा सुन कली खोला ङा फुल्‍लु खोदेंशो मिम्‍ताक्‍नी हना,

अय्‍युब 27:16

मेकोपुकीम फुरक खोदेंशो पा चांदी खुप्‍ताक्‍म हना यो, खप खोदेंशो पा शुश वासी तेल्‍तेक्‍म हना यो,

अय्‍युब 3:15

शुश सुन पाइश्‍शो तौ नु बाक्‍ङ वा। मेकोपुकीम आन खिं चांदीम प्रिंनीम।

यसैया 23:11

परमप्रभु आ गुइ समुन्‍द्र तार दिंशो बाक्‍ब। मिनु राज्‍य राज्‍य आन कली हिम्‍पाइश्‍शो बाक्‍ब। परमप्रभु यावेमी कनान रागी ङा बोल्‍यो दरवार आन कली खतम सेल्‍चा” दे अरेशो बाक्‍ब।

यसैया 23:8

सुमी टायर कली मोदेंशो पचा मिम्‍ता? ङोंइती टायर सिरपेच योक्‍ब बाक्‍त। आ ग्‍याप्‍ब लेयब मुर पिप आ तौ खोदेंशो बाक्‍तेक्‍म। आ ग्‍याप्‍ब लेयबपुकी रागीम मान पाइक्‍चा पुंइसीब बाक्‍तेक्‍म।

इजीकीएल 26:12

मेकोपुकीम इ शोंप रोइश्‍शा योल्‍नीम। इ लेयचा कली वोइश्‍शो थोव़क रोइश्‍शा लाइक्‍‍नीम। मेकोपुकीम इ गारो नु इ दारदारशो खिं प्रेश्‍शा खतम पोक्‍नीम। मिनु इ फुल्‍लु, खिं सेल्‍तीक शी नु खप समुन्‍द्रम ताइक्‍नीम।

इजीकीएल 27:27

मिनु इ खतम दुम्‍तीक नाक्‍ती इ शोंप, इ ग्‍याप्‍तीक लेयतीक मार मार, इ गेय पाइब, इ कली चलेब, इ जहाज कली सेल्‍ब, इ ग्‍याप्‍ब लेयब, इ लडाइ पाइब नु गे नु बाक्‍ब मुर नेल्‍ले समुन्‍द्र आ दातेमी ग्रुम्‍शा खतम दुम्‍नीम।

इजीकीएल 27:33

समुन्‍द्रम इ ग्‍याप्‍तीक लेयतीक मार मार चाक्‍गमेनु, गे शुश मुर आन कली आन थुं ग्‍येरपाइक्‍तीवी। गे इ शुश शोंप नु इ ग्‍याप्‍तीक लेयतीक मार मारम रागी ङा पिप आन कली शोंप पाइश्‍शो सेल्‍तीवी।

इजीकीएल 27:34

मुल समुन्‍द्रम ख्रुम्‍चा पुंइसाक्‍वे। इ ग्‍याप्‍तीक लेयतीक मार मार नु इ मुर नेल्‍ल गे नु ग्रुम्‍तेक्‍म।

इजीकीएल 28:1

परमप्रभु यावेमी आं कली लोव़ पाप्‍तु।

आमोस 1:9

मिनु परमप्रभु यावेमी “गो टायर आ ३ खेयप नु ४ खेयप मरिम्‍शो प‍शो आ पर्बम ततीके सजाइ मतेक्‍नुङ। मारदे हना मेकोमी शुश मुर आन कली एदोम आ गुइमी गेप्‍तु। मिनु आंम लोक्‍ब आन दातेम पशो कबल प्रेंताक्‍व। यसैया २३:-; योएल ४:४; १राजा ५:२६

यहोसु 19:29

मिनु मेको सांद रामाह नु गारो पाइश्‍शो टायर सहर गे हिरशो बाक्‍त। मेको सांद लशा, होसाह गे समुन्‍द्र आ नेक्‍था ङा अक‍जीब सहरमी नुप्‍शो बाक्‍त। यहोसु १५:४४; न्‍यायाधीस १:३१