जकरिया 9:2 - Sunuwar Bible

² शुश जोक्‍ब तुइक्‍ब बाक्‍तेक्‍म हना यो, हमाथ, टायर नु सीदोन सहर आन पर्बम परमप्रभु यावेमी लोव़ पशो बाक्‍ब। यसैया २३:-; येरमीया ४७:४; इजीकीएल २६:-; इजीकीएल २८:-

जकरिया 9:2 ပူးပေါင်းရင်းမြစ်များ

१ राजा 17:9

मार लोव़ पवा बाक्‍त देंशा हना “मुल गे सीदोन ङा चारेफाथ सहर लावो। गो मेकेर इ कली थुल्‍चा कली आ वोंइश बेक्‍शो मीश मुर का कली अरेता” देंमाक्‍त। लूका ४:२५-२६

२ राजा 23:33

मिनु फाराओ नेकोमी मेकोम यरूसलेमम सासन मपवल, दे साङलोम फ्रेंशा हमाथ रागी ङा रिब्‍लामी चोक्‍शा वोदा बाक्‍त। मिनु मेकोमी यहूदा कली सहे का टलेन्‍ट चांदी नु टलेन्‍ट का सुन तिरो थाप्‍पदा बाक्‍त। टलेन्‍ट का ३४ किलो बाक्‍ब। इजीकीएल १९:४

२ राजा 25:21

मिनु बेबीलोन ङा पिपम मेको आन कली हमाथ आ रागीम रिब्‍लाम साइक्‍पाइक्‍मी बाक्‍त। मोपा यहूदा ङा मुर आन रागी रे ग्‍याइश्‍शा लाइक्‍चा पुंइसमा बाक्‍त। २राजा २३:३३

येरमीया 25:22

टायर नु सीदोन ङा पिप नेल्‍ले, समुन्‍द्र आइक्‍ची हांबु ङा पिप नेल्‍ल आन कली,

येरमीया 47:4

मारदे हना पलिस्‍ती नेल्‍ल आन कली खतम पोक्‍शा साइक्‍तीक नाक्‍ती जाक्‍शो बाक्‍ब। टायर नु सीदोन आस कली वारच पाइक्‍ने चाप्‍ब नेल्‍ल बेक्‍नीम। मारदे हना परमप्रभु यावेम पलिस्‍ती आन कली साइक्‍चा चिक्‍शो बाक्‍ब। काफ्‍‍तोर ङा टापु आ शुंइचीम रे जाक्‍शो लीशो नेल्‍ल आन कली साइक्‍चा चिक्‍शो बाक्‍ब। आमोस १:६-७; सेफन्‍याह २:४; जकरिया ९:५; यूहन्‍ना १:२२; येरमीया १६:६; येरमीया ४८:३७; आमोस ९:७

येरमीया 49:23

परमप्रभु यावेमी दमस्‍कस आ पर्बम “हमाथ नु अरपाद वाम ग्‍याम दुम्‍शो बाक्‍नीस। मारदे हना मेको निक्‍शीमी मरिम्‍शो लोव़ नेंताक्‍स। मेको हिंशा आस थुं ग्‍येत्‍थ लुक्‍च दुम्‍शो बाक्‍नीस। मिनु समुन्‍द्र खोदेंशो पा सिक्‍सी पा बाक्‍ने मचाप्‍नीस।

इजीकीएल 27:1

परमप्रभु यावेमी आं कली लोव़ पाप्‍तु।

इजीकीएल 28:1

परमप्रभु यावेमी आं कली लोव़ पाप्‍तु।

इजीकीएल 28:12

मार लोव़ पाप्‍तु देंशा हना “ए मुर, टायर ङा पिप आ पर्बम रोंका पावो। मिनु मेको कली परमप्रभु, परमप्रभु यावेमी इ कली ‘गे रिम्‍शो पा थोक्‍शो छाप खोदेंशो बाक्‍ते। मिनु रुप्‍तीक थुंम ब्रीशो नु थम दारशो बाक्‍ते। इजीकीएल २७:२

इजीकीएल 47:16

मेको सांद बेरोथाह नु सिब्रैम सम्‍म दुम्‍चा माल्‍‍ब। मेको दमस्‍कस नु हमाथ आस दातेम बाक्‍शो बाक्‍नीस। मेको सांद हासेर-हात्‍तीकोन सम्‍म जाक्‍दीप्‍ब। मेको हौरान ङा सांद आ नेक्‍था बाक्‍ब।

आमोस 1:3

मिनु परमप्रभु यावेमी मार देंत देंशा हना “गो दमस्‍कस आ ३ खेयप नु ४ खेयप मरिम्‍शो प‍शो आ पर्बम ततीके सजाइ मतेक्‍नुङ। मारदे हना मेकोपुकीमी गिलाद ङा मुर आन कली फलाम के ख्रुइ पाइश्‍शो दांदेमी दांइ पाम्‍तेक्‍म। यसैया १७:१-३

आमोस 6:14

ए इस्राएल आ खिं ङा मुरपुकी, गो इन पर्बम रागी का ङा मुर आन कली पोक्‍नुङमी। मिनु मेकोपुकीमी इन कली लेबो-हेमाथ रे अराबाह ङा खोला सम्‍म श्‍येत गेशा खेदा पाइनीम” दे मुर नेल्‍ल आन परमप्रभु यावेमी देंत।

ओबदिया 1:20

मिनु ग्‍याइश्‍शा लाइक्‍चा पुंइसीशो हालाहम बाक्‍शो इस्राएलीपुकीमी फोनीचीआ रे चारेफाथ सम्‍म ङा रागी आन के सेल्‍नीम। मिनु यरूसलेम रे ग्‍याइश्‍शा लाइक्‍चा पुंइसीशो सेफाराद सहरम बाक्‍शो मुरपुकीम नेगेब ङा सहर आन के सेल्‍नीम।

गन्‍ती 13:21

मिनु मेकोपुकी ग्‍येत्‍थ लशा, जीन ङा गोरशो रागी रे रेहोब सम्‍म मेको रागी क्‍यारी पाम्‍तेक्‍म। रेहोब लेबो-हमाथ आ नेक्‍था बाक्‍माक्‍त।