जकरिया 8:14 - Sunuwar Bible

¹⁴ मिनु मुर नेल्‍ल आन परमप्रभु यावेमी “गो मोपा इन किकी पिपी आन कली आं कली गाइक्‍पाइक्‍तीके श्‍येत गेतामी। मिनु गो शिशी मपङ।

जकरिया 8:14 ပူးပေါင်းရင်းမြစ်များ

२ इतिहास 36:16

तन्‍न परमप्रभु आ लोव़ पाइब आन कली शुक्‍शी पामे बाक्‍त। आ लोव़ मटिथु, आ लोव़ पाइब आन कली तोक्‍शा लोव़ पामे बाक्‍त। मोपतीके परमप्रभु यावे आ गाइश्‍शो मबेक्‍माक्‍त। लूका २०:१०-१२; प्रेरित ७:५२

भजन संग्रह 33:11

परमप्रभु यावे आ मिम्‍शो गेना हना यो लीब। आ थुंम मिम्‍शो नेल्‍ल पाला सम्‍म लीब।

यसैया 14:24

मिनु मुर नेल्‍ल आन परमप्रभु यावेमी कसम जशा “थमा पा, आं ङोंइती मिम्‍शो खोदेंशो पा दुम्‍पाइक्‍नुङ। गो आं देंशो पाइनुङ।

येरमीया 20:16

परमप्रभु यावेमी मेको मुर कली शिशी मपथु, मेको मुर खतम पोक्‍शो सहर खोदेंशो दुम्‍ल। मेकोमी सुनी ङाक्‍शो ब्रेश्‍शो नु नाक्‍ती लडाइ ङा तुराही ताप्‍शो नेनल। उत्‍पत्ती १९:२४-२८

येरमीया 29:11

मारदे हना गो इन पर्बम शुश मिम्‍शो बाक्‍नुङ। गो मेको मिम्‍शो तुइक्‍नुङ। आं मिम्‍शो इन कली रिम्‍शो दुम्‍चा कली बाक्‍ब। मरिम्‍शो दुम्‍पाइक्‍चा कली ममाइ।

येरमीया 31:28

गो दोपा मेको आन कली तुल्‍चा, प्रेत्‍चा, ताइक्‍चा नु खतम पोक्‍चा कली मरिम्‍शो पङा, मोपा गो मेको आन कली सेल्‍चा नु ख्रुम्‍चा कली कोव़नुङ। येरमीया १:१०

येरमीया 32:42

परमप्रभु यावेमी “दोपा गो एको मुर आन कली ओं पा शुश श्‍येत गेङा, मोपा गो मुल आं देंशो रिम्‍शो पतीक नेल्‍लेम, मेको आन कली रिम्‍शो पाइक्‍नुङमी।

येरमीया 4:28

मोपतीके रागीम रोंका पचा माल्‍ब। मिनु सरीङ छिङछिङ दुम्‍चा माल्‍ब। मारदे हना गो लोव़ पाता। गो ङोंइती मिम्‍ताक्‍ङ। आं थुं मलेप्‍ब। आं थुं महिरब।

इजीकीएल 24:14

गो, परमप्रभु यावेमी एको लोव़ पाता। गो आं गेय पतीक नाक्‍ती जाक्‍शो बाक्‍ब। गो नोले मशोंइसीनुङ। गो इ कली सुर्ता मपथु, शिशी मपाइक्‍नुङ। इ पशो खोदेंशो पा इ कली निसाफ पाइनुङ’ ” दे परमप्रभु, परमप्रभु यावेमी देंत। येरमीया १३:१४

जकरिया 1:2

“परमप्रभु यावे इन किकी पिपी आन पर्बम शुश गाइक्‍ताक्‍व।

जकरिया 1:6

तन्‍न गो आं गेय पाइब, आं लोव़ पाइब आन कली पशो लोव़ नु आं फुल्‍लुम मुशा ब्रेक्‍शो लोव़ इन किकी पिपी आन पाला रे मुल सम्‍म मबाक्‍म ङा?’ मिनु मेकोपुकी परमप्रभु यावे गे लेत्‍चा माल्‍‍शा, मेकोपुकीमी ‘मुर नेल्‍ल आन परमप्रभु यावेमी आंइ मरिम्‍शो लां नु आंइ मरिम्‍शो पशो आ पर्बम आ देंशो खोदेंशो पा पाप्‍तु’ देंतेक्‍म” दे मुर नेल्‍ल आन परमप्रभु यावेमी देंत।