जकरिया 7:11 - Sunuwar Bible11 तन्न मेकोपुकीमी एको लोव़ मनेनेम। काइ मटीब दुम्शा, आन नोफा सुम्तेक्म। အခန်းကိုကြည့်ပါ။ |
जकरिया 7:11
41 ပူးပေါင်းရင်းမြစ်များ
इन कली टिने मबिस्सम। आन दातेमी पशो इन चिन्ड नु छक लाक्चा ङा गेय ममिम्शो बाक्तेक्म। मेकोपुकी इन देंशो मटीब दुम्शो बाक्तेक्म। मिनु आन काइ मटितीकेमी इजीप्त रागी लेश्शा लशा, लेंशा वाइलीम वाइल दुम्चा कली थुंम वोइश्शो बाक्तेक्म। गे चहिं आंइ मरिम्शो पशो क्याम्शा गेब परमप्रभु बाक्नीनी। शिशी पाइब नु गेना हना यो दाक्ब बाक्नीनी। गे ओंखां पा चुरब बाक्शा, गेना हना यो दाक्तीके पाइश्शो बाक्नीनी। मोपतीके गे इन मुर आन कली दाक्शा मप्रोंइनी। प्रस्थान ३४:६
तन्न गेपुकीम आं लोव़ मनेंतीनी हना, नाइक्तीक नाक्ती आं नाक्त बाक्ब, दे ममिम्ताक्नी हना नु नाइक्तीक नाक्त भारी कुरशा यरूसलेम ङा ठेयब लाप्चो आगा ओव़तीनी हना, आं देंशो मबिस्साक्नी हना, गो यरूसलेम ङा ठेयब लाप्चोमी गेनायो मकाप्ब मी जेत्नुङ। मिनु मेकोमी यरूसलेम ङा दरवार दाक्ब” दे परमप्रभु यावेमी देंत। इजीकीएल २०:१२-१३
गो इन कली आं गेय नु आं लोव़ पाइब आन कली सोइक्ना सोइक्न बाक्ती। मेकोपुकीमी इन कली ‘गे नेल्ल इन मरिम्शो लां रे लेतीन। मिनु इन मरिम्शो गेय रिम्शो सेलीन। मिनु देवी देवता आन कली पूजा पचा नु आन नोले खोइक्चा प्रोनीन। मिनु गे इन किकी पिपी आन कली गेशो रागीम बाक्चा ताइनीनी’ देंती। तन्न गेपुकीम आं देंशो लोव़ मनेंनी नु मटिनी। मत्ती २३:३७
मिनु “परमप्रभु यावे, गे थमा लोव़ तचा ममाल्नीनी ङा? गे मेको आन कली तुप्तीनी। तन्न मेकोपुकी मखाइक्म। गे मेको आन कली खतम सेल्तीनी। तन्न मेकोपुकीमी इन देंशो पचा मबित्नीम। मेकोपुकीम आन कुल फुल्लु क्येङा यो खकटा सेल्तेक्म। मेकोपुकी लेश्शा जाक्ने मबिस्सम। येरमीया २:३०; येरमीया७:२८; येरमीया ९:२; यसैया ४८:४
साइ ङा आं लोव़ पाइबपुकीमी इन किकी पिपी आन कली लोव़ पाम्तेक्म। मेकोपुकीमी मुर नेल्ल आन परमप्रभु यावेमी इन कली मार लोव़ पाप्तु देंशा हना इन मरिम्शो लां रे नु इन मरिम्शो पतीके रे परमप्रभु आ लां गे लेतीन, दे लोव़ पाम्तेक्म। तन्न इन किकी पिपीमी आं लोव़ मनेंथु मटीम। गेपुकी मेको आन खोदेंशो मपने। येरमीया ३:१२; इजीकीएल ३३:११
ကြော်ငြာတွေ