जकरिया 7:10 - Sunuwar Bible

¹⁰ वोंइश बेक्‍शो मीश मुर, रोम रोइक्‍च, अर्को रागी ङा मुर नु प्रुङग आन कली मदिपीन। मरिम्‍शो पमुचा ममिम्‍तीन। प्रस्‍थान २२:२०-२१

जकरिया 7:10 ပူးပေါင်းရင်းမြစ်များ

भजन संग्रह 140:2

मेकोपुकीमी आन थुंमी मरिम्‍शो पतीक मिम्‍ना मिम्‍न बाक्‍नीम। मिनु जिचा पोक्‍नीम।

भजन संग्रह 21:11

मेकोपुकीमी इन कली मरिम्‍शो पचा, दे मिम्‍शो बाक्‍तेक्‍म हना यो, आन मिम्‍शो पने मचाप्‍नीम। यसैया ८:१०

भजन संग्रह 36:4

मेको आन ब्राख्‍येम बाक्‍मानु, आन मरिम्‍शो पतीक ला मिम्‍ना मिम्‍न बाक्‍नीम। मेको मरिम्‍शो लां खोइक्‍नीम। मेकोमी आन थुंमी “मरिम्‍शो पशो ग्रांग्रा दिशा मपाइनीकी” दे मदेंनीम। मीका २:१

भजन संग्रह 72:4

मेकोमी मुर आन दातेमी प्रुङग आन कली कोव़ङल। मिनु श्‍येत जाइब आन तमी तौ आन कली प्रोनल। मेकोमी दिप्‍ब आन कली खतम पोक्‍गल।

प्रस्‍थान 23:9

मिनु अर्को रागी ङा मुर आन कली मदिपीन। मारदे हना गेपुकी यो इजीप्‍त रागीम अर्को रागी ङा मुर दुम्‍शा, अर्को रागी ङा मुर आन थुं तुइक्‍नीनी। प्रस्‍थान २२:२०

हितोपदेस 3:29

इ नेक्‍था बाक्‍ब कली मरिम्‍शो पचा ममिम्‍तो। मारदे हना इ कली थमा सुइश्‍शा, इ नेक्‍था बाक्‍ब।

हितोपदेस 6:18

मरिम्‍शो पचा कली मिम्‍ब थुं, मरिम्‍शो पचा चुइक्‍तीके,

यसैया 1:23

इ सासन पाइबपुकी मटीब नु खुइ आन वारच दुम्‍शा, घूस जशा, क्‍येट ताक्‍चा दाक्‍नीम। मेकोपुकीम रोम रोइक्‍च आन कली ठीक निसाफ मपाइनीम। वोंइश बेक्‍शो मीश मुर आन लोव़ मनेंनीम” देंत।

येरमीया 18:18

मिनु मेकोपुकीम “मुल गोपुकीम येरमीया कली दोस गेय। मारदे हना चढ़ेब आन शेंशो लोव़ मग्‍याम्‍ब। जोक्‍ब तुइक्‍ब आन अर्ती यो मग्‍याम्‍ब। मिनु परमप्रभु यावे आ लोव़ पाइब आन देंशो लोव़ यो मजाम्‍ब। मोपतीके मुल गो येरमीया कली दोस गेय। मिनु मेको आ देंशो तेकोइ लोव़ मनेंय” देंतेक्‍म।

येरमीया 21:12

गे दाऊद आ खिं ङा मुर सुनी कुस कुस ठीक निसाफ पने। रोइक्‍चा पुंइसीशो आन कली मरिम्‍शो पाइब आन गुइ रे प्रोनीन। मो मपाइतीनी हना, इन मरिम्‍शो पतीके आं गाइक्‍तीके मी खोदेंशो पा ब्राइब। मेको सुइम काप्‍ने मचाप्‍चा ङा पा ब्राइब। येरमीया २२:३; येरमीया ७:२०

येरमीया 49:11

इ रोम रोइक्‍च आन कली प्रोंइशा वोतो। गो मेको आन कली कोव़नुङमी। मिनु वोंइश बेक्‍शो मीश मुरपुकीमी यो आं कली थमा सुइक्‍चा तामेक्‍ल” देंत।

येरमीया 5:28

मेकोपुकी दोम्‍शा लल जिशो नु शोंप पाइश्‍शो दुम्‍शो बाक्‍नीम। मेको आन परमप्रभु यावे आ अरेशो मटितीके कली तेक्‍तीक मारेइ मबाक्‍ब। मेकोपुकीम रोम रोइक्‍च आन कली रिम्‍शो दुम्‍ल, दे मेको आन कली ठीक निसाफ मगेनीम। मेकोपुकीमी क्‍येट मथीब आन कली वारच पा ठीक निसाफ मपाइनीम। प्रस्‍थान २२:२१; यसैया १:१७

येरमीया 7:6

गेपुकीमी अर्को रागी ङा मुर आन कली, रोम रोइक्‍च नु आन वोंइश बेक्‍शो मीश मुर आन कली मदिप्‍तीनी हना, दोस मताइब मुर आन कली मसाइक्‍तीनी हना नु आंम इन कली श्‍येत सेल्‍चा, दे देवी देवता आन नोले मखोइक्‍तीनी हना, येरमीया ५:२८

इजीकीएल 18:12

प्रुङग नु मारेइ मथीब आन कली दिप्‍ब, मुर आन मार मार रोइक्‍ब। जाकटी वोइश्‍शो थोव़क मलेप्‍ब, मूर्ति आन कली पूजा पाइब नु ग्रांग्रा दिशो गेय पाइब।

इजीकीएल 22:12

मेकेर मुरपुकीम मुर साइक्‍चा कली घूस ताक्‍नीम। गे मुर आन कली जेर गेशा आ चाइक्‍ब के यो चाइक्‍ब ताक्‍नेवे। आंम नेक्‍था ङा मुर आन कली दिप्‍शा आंम कली रिम्‍शो दुम्‍तीक गेय पाइनेवे। गे आं कली प्रेंताक्‍यी” ’ दे परमप्रभु, परमप्रभु यावेमी” देंत। प्रस्‍थान २२:२४

इजीकीएल 22:29

मिनु मेको रागी ङा मुरपुकीम गेन कि गेन, दे क्‍येट लाइक्‍नीम। मेकोपुकीमी मार मार रोइक्‍नीम। मेकोपुकीम प्रुङग नु मारेइ मथीब आन कली दिप्‍नीम। मिनु अर्को रागी ङा मुर आन कली दला दाक्‍स पाइनीम।

इजीकीएल 22:7

मिनु मेकेरन आल आन आम आफ तशा महिक्‍नीम। मेकेरन अर्को रागी ङा मुर आन कली दिप्‍‍नीम। मिनु रोम रोइक्‍च नु आन वोंइश बेक्‍शो मीश मुर आन कली मरिम्‍शो पाइनीम। प्रस्‍थान २२:२०-२१

आमोस 4:1

सामरीया ङा डांडाम बाक्‍ब, बाशान ङा बी खोदेंशो दोम्‍शो मीश मुर, गे प्रुङग आन कली दिप्‍नीनी। मारेइ मथीब आन कली फस पोक्‍नीनी। मिनु इन वोंइश आन कली “आंइ कली तूचा कली मार मार चाक्‍कीन” देंनीनी।

जकरिया 8:17

इन दातेमी थुंम मिम्‍शा, मरिम्‍शो मपमुने। जोल पा कसम मजने। मारदे हना मेको नेल्‍ल गो ग्रांग्रा दी‍नुङ” दे परमप्रभु यावेमी देंत। जकरिया ७:१०

मलाकी 3:5

तन्‍न मेको क्‍येङा ङोंइती “गो निसाफ पचा कली इन बाक्‍तीकेमी जाक्‍नुङ। गो टुना मुना पाइबपुकी, मुर आन मीश वोंइश नु इप्‍बपुकी, जोल पा कसम जाइबपुकी, गेय पाइब आन कली गाल्‍च मगेबपुकी, वोंइश बेक्‍शो मीश मुर, रोम रोइक्‍च, नु अर्को रागी ङा मुर आन कली निसाफ पा मगेबपुकी नु आं क्‍येङा महिंब नेल्‍ल आन कली निसाफ पथ जाक्‍नुङ” दे मुर नेल्‍ल आन परमप्रभु यावेमी देंत।

मत्ती 23:13

सास्‍त्री नु फरिसीपुकी, गे कपटी, इन कली तशा थुं खाइक्‍ती। मारदे हना स्‍वर्ग ङा राज्‍य ओव़तीक लां तेक्‍नीनी। गे मओव़नीनी, मिनु अरु आन कली यो ओव़चा मगेनीनी।

१ कोरिन्‍थी 6:10

खुइ पाइनीमी, शिं‍म पाइनीमी, शांबु राकसीमी दुक्‍शा गाक्‍नीमी, शुक्‍शी लोव़ पा गाक्‍नीमी, मुर आन के बाक्‍शो थोव़क रोइश्‍शा, श्‍येत गेनीमी। मोदेंशो पाइबपुकी परमप्रभु यावे आ राज्‍यम ओव़चा मताइनीम।

ब्‍यवस्‍था 27:19

मिनु “सु मुरुमी अर्को रागी ङा मुर, रोम रोइक्‍च नु वोंइश बेक्‍शो मीश मुर आन कली ठीक निसाफ मपाइबा, मेको मुर सराप राइब” देंतेक्‍म। मिनु मुर नेल्‍लेमी “आमेन, मोदेंशो दुम्‍ल” देंचा माल्‍नीम। प्रस्‍थान २२:२०-२१

याकूब 5:4

इन रूम गेय पाइब आन गाल्‍च मुल सम्‍म जोल पा मगेनी। मेको खेत्‍ला आन कली मगेशो गाल्‍चम आ मुर नेल्‍ल आन परमप्रभु यावे नु लोव़ पाप्‍तु। मिनु मेकोमी मेको खेत्‍ला आन पुंइशो लोव़ नेंने थुम्‍तु। ब्‍‍यवस्‍था २४:१४-१५

१ यूहन्‍ना 3:15

सुम थमा सुइक्‍ब लोक्‍ब आन कली मदाक्‍बा, मेको मुर साइक्‍ब बाक्‍ब। मिनु सुम थमा सुइक्‍ब लोक्‍ब आन कली साइक्‍बा, मेको गेना हना यो ब्रोंइशा बाक्‍चा मताइब, दे तुइक्‍नीनी। मत्ती ५:२१-२२