जकरिया 6:6 - Sunuwar Bible

⁶ क्‍येर शारा पाइश्‍शो बग्‍गी उत्तर रागी गे लाइ‍ब। बुश शारा पाइश्‍शो बग्‍गी पच्‍छिम रागी गे लाइ‍ब। पाङग्रे शारा पाइश्‍शो बग्‍गी दक्‍खिन रागी गे लाइ‍ब” देंत।

जकरिया 6:6 ပူးပေါင်းရင်းမြစ်များ

यसैया 30:6

मिनु परमप्रभु यावेमी दक्‍खिन ङा नेगेब ङा जन्‍तु आन पर्बम यसैया कली मेको रागी हिंचा ङा नु श्‍येत ङा रागी बाक्‍ब। मेकेर गुप्‍सनी नु ग्रीब गुप्‍स, बुस्‍स नु बीस पाइश्‍शो बेरब बुस्‍स बाक्‍नीम। मिनु मुरपुकीमी आन शोंप गधा आन तारी नु शुश क्‍येट लाइब थोव़क दलओंठ आन तारी कुरपाइश्‍शा गाक्‍नीम। मेको शोर गाक्‍शो नु वारच मपाइब आन कली गेचा कली कुरपाइक्‍नीम। ब्‍यवस्‍था ८:१५

यसैया 43:6

गो उत्तर कली ‘प्रोंइशा सोइक्‍तीमी’ माइक्‍नुङ। दक्‍खिन कली ‘मतेक्‍मी’ आं तौ आन कली ङोन रागी रे चाक्‍कीन। मिनु आं तमी आन कली रागी आ सुर रे चाक्‍कीन।

येरमीया 25:9

गो उत्तर ङा जात नेल्‍ल नु आं गेय पाइब बेबीलोन ङा पिप नेबुकदरेसर कली ब्रेश्‍शा चाक्‍नुङमी। गो मेको आन कली एको रागी ङा मुर नु एर ओंथ ङा जात नेल्‍ल आन पर्बम चाक्‍नुङमी। मिनु गो मेको नेल्‍ल आन कली साइक्‍पाइक्‍नुङमी। गो मेको आन कली शुश हिंचा ङा, शुक्‍शी पाइक्‍चा पुंइसीब नु शिशी मताइब सेल्‍नुङमी। दानीएल ३:३१-३३

येरमीया 4:6

सियोन गे लचा कली छेदर क्‍युक्‍कीन। ब्रोंइचा आ पर्बम देश मपथु रीब पा प्रोक्‍शा लने। मारदे हना गो उत्तर रे ठेयब श्‍येत नु खतम दुम्‍तीके चाक्‍नुङ। येरमीया १:१४

येरमीया 46:10

मेको नाक्‍ती परमप्रभु, मुर नेल्‍ल आन परमप्रभु यावे आ नाक्‍त बाक्‍ब। मेको क्‍येक्‍क लेत्‍तीक नाक्‍ती बाक्‍ब। आंम जोरी सत्रु आन कली क्‍येक्‍क लेत्‍तीक नाक्‍ती बाक्‍ब। मुरुम तरवारम साइक्‍नीम। तरवार हुश तूशा, आ तूतू दाक्‍शो रू‍ब। मारदे हना मुर नेल्‍ल आन परमप्रभु यावेमी उत्तर गे ङा रागीमी, युफ्रेटीस खोला आ नेक्‍था क्‍योरशा चढ़ेब। यसैया २:१२; ब्‍यवस्‍था ३२:४१-४२

येरमीया 51:48

मिनु नोले सरीङ, रागी नु मेकेर बाक्‍ब नेल्‍लेमी बेबीलोन ब्रुशो आ पर्बम ग्‍येरशा वाइ ब्रेत्‍नीम। मारदे हना मेको आन कली क्‍येक्‍क लेप्‍ब उत्तर रे जाक्‍नीम” दे परमप्रभु यावेम देंत। प्रकाश १८:२०

येरमीया 6:1

परमप्रभु यावेमी “बेन्‍यामीन आ आलपुकी ब्रोंइशा बाक्‍चा कली यरूसलेम रे प्रोक्‍कीन। तेकोहा सहरमी तुराही ताप्‍पीन। बेथ-हक्‍केरेम तार चिन्‍ड कोंइशा वोतीन। मारदे हना उत्तर रे मरिम्‍शो पतीक नु खतम दुम्‍तीके यिशो बाक्‍ब। आमोस १:१; येरमीया १:१४

इजीकीएल 1:4

मिनु गो कोव़ङुनु, उत्तर रे फश गिवार यिशो ताता। ठेयब छेङछेङ पाइश्‍शो गोस्‍स ताता। मेको आ दाते रे चिला दाप्‍शो खोदेंशो पा आ एर ओंथ नेल्‍ल छेङछेङ दुम्‍शो बाक्‍त। मिनु चिला खोदेंशो पा एर ओंथ दोरत। मिनु मेको मी आगा रे कांसा खोदेंशो जिल जिल पा ब्रशो तांइसाक्‍व। प्रकाश ४:-

दानीएल 11:40

मिनु नोले ङा नाक्‍ती दक्‍खिन ङा पिपमी मेको कली लडाइ तोइब। मिनु उत्तर ङा पिपमी फश गिवार खोदेंशो पा मेको नु लडाइ पाइब। मेकोमी बग्‍गी, शारा ङोइक्‍ब नु लडाइ पाइब जहाज शुश चाक्‍शा लडाइ पाइब।

दानीएल 11:9

मिनु नोले उत्तर ङा पिपमी दक्‍खिन ङा पिप कली लडाइ तोइब। तन्‍न मेको आंम आ रागीमी लेश्‍शा लाइब।

प्रकाश 6:5

मिनु पाठामी मेको लीशो ५ ओटा छाप रे का प्राक्‍गानु, अर्को सेस जन्‍तुमी “पिवो” दे ब्रेश्‍शो नेंता। मिनु गो क्‍येर शारा का ताता। मेको शारा ङोइक्‍बमी तुला का ग्‍याइश्‍शो बाक्‍त।