जकरिया 6:12 - Sunuwar Bible

¹² मिनु मेको कली मुर नेल्‍ल आन परमप्रभु यावेमी मार देंत देंशा हना ‘मेकेर मुर का बाक्‍ब। मेको आ नें राशी बाक्‍ब। मेको राशी आ बाक्‍तीकेमी बारशा, परमप्रभु यावे आ खिं सेल्‍चा माल्‍ब।

जकरिया 6:12 ပူးပေါင်းရင်းမြစ်များ

२ सामुएल 7:13

मिनु मेकोमी आं नेंमी खिं का सेल्‍ब। गो मेको आ राज्‍य गेना हना यो बाक्‍ब सेल्‍नुङ। १राजा ५:१९; १राजा ६:१२; भजन संग्रह ८९:४-५; यसैया ९:६

एज्रा 3:10

मिनु परमप्रभु यावे आ खिं सेल्‍बपुकीमी जग वोइक्‍तेक्‍म। चढ़ेबमी आन वा फेक्‍शा तुराही ताप्‍तेक्‍म। आसाफ आ तौ लेवीपुकीम बुप्‍केल ताप्‍तेक्‍म। इस्राएल ङा पिप दाऊदमी अरेशो खोदेंशो पा परमप्रभु यावे कली ठेयब सेल्‍चा कली आन आन बाक्‍तीकेमी राप्‍तेक्‍म।

एज्रा 3:8

मिनु मुरपुकी यरूसलेममी बाक्‍शो परमप्रभु आ खिं जाक्‍शो बर्स निक्‍शी नु महिना निक्‍शी दुम्‍माक्‍त। मिनु शाल्‍तीएल आ तौ जेरूब-बाबेल, योसादाक आ तौ येशुआ नु मेको आस लीशो लोक्‍ब, चढ़ेबपुकी, लेवीपुकी नु बेबीलोन रे लेश्‍शा यरूसलेम जाक्‍ब नेल्‍लेमी परमप्रभु आ खिं लेंशा सेल्‍चा गोम्‍तेक्‍म। मिनु परमप्रभु यावे आ खिं सेल्‍तीक गेय कोव़चा कली २० बर्स जाक्‍दीश्‍शो नु मेको क्‍येङा लाक्‍शो लेवी आन कली योव़शा वोइक्‍तीमी।

यसैया 11:1

येस्‍से आ ठुटा रे ठोसा का दाप्‍ब। मेको आ शाक्‍श रे वाशो राशीम फल फुल सिप्‍ब।

यसैया 4:2

मेको नाक्‍ती परमप्रभु यावे आ राशी दारशो नु थम रिम्‍शो बाक्‍ब। मिनु रागी आ दारसम ब्रोंइशा लीशो इस्राएली आन कली आन थुं बारपाइश्‍शा, ग्‍येरपाइक्‍ब दुम्‍ब। येरमीया ३३:१५

यसैया 53:2

मेको आ ङोंइती बिरवा खोदेंशो पा कोल्‍त। सोव़शो खपीम शाक्‍श खोदेंशो पा कोल्‍‍त। मिनु मुरुम मेको कली कोव़चा थुं मपाम। मेको दारशो नु मान ताइब खोदेंशो काइ मतांइसीशो बाक्‍त। मेको मदारशो ममाल्‍चा ङा मुर खोदेंशो बाक्‍त। यसैया ११:१

येरमीया 23:5

परमप्रभु यावेम “गो दाऊद आ मुर रे ठीक पाइब राशी का वा‍पाइक्‍नुङ। मेको नाक्‍त थमा पा जाक्‍ना जाक्‍न बाक्‍ब। पिप कामी आ जोक्‍तीक तुइक्‍तीकेम सासन पाइब। मिनु मेकोमी आ रागीमी ठीक निसाफ नु ठीक गेय पाइब। जकरिया ३:८; यसैया ३२:१

येरमीया 33:15

मेको नाक्‍ती, मेना गो दाऊद आ खिं रे ठीक पाइब राशी का दाप्‍पाइक्‍नुङ। मिनु मेकोमी रागीम ठीक निसाफ नु ठीक गेय पाइब।

इजीकीएल 37:25

मिनु मेकोपुकी आं गेय पाइब याकूब कली गेशो रागीम बाक्‍नीम। मेकेर आन किकी पिपी बाक्‍शो बाक्‍तेक्‍म। मिनु मेकेर मेको आन आल, चच युइ गेना हना यो बाक्‍नीम। मिनु आं गेय पाइब दाऊद गेना हना यो मेको आन कली सासन पाइब दुम्‍ब। लूका १:३२-३३

इजीकीएल 41:1

मिनु नोले मेकोम आं कली परमप्रभु यावे आ खिं आ नेक्‍था चाक्‍ती। मिनु मेको आ लाप्‍चो निक्‍शी पटटी ङा थाम पुक्‍तु। मेको ६ कुबीत ब्रेम्‍शो बाक्‍तेक्‍म। कुबीत का ०.५ मिटर बाक्‍ब।

आमोस 9:11

परमप्रभु यावे, इन परमप्रभुमी “गो मेको नाक्‍त दाऊद आ ब्रेश्‍शो खिं आन कली लेंशा सेल्‍नुङ। मिनु मेको आ ब्रेश्‍शो गारो आ पोव़ला सुइ‍नुङ। मिनु मोपा नेल्‍ल साइ ङोंइती ङा खोदेंशो सेल्‍नुङ। १राजा १२:१९; प्रेरित १५:१६-१७

मीका 5:5

मिनु मेकोमी थुं नाइक्‍चा गेब। मिनु अस्‍सुर ङा मुर इं रागी ओव़शा लडाइ पचा गोम्‍तेक्‍म हना, गोपुकीमी ७ जना गोठला नु ८ जना हुकुम पाइब वोइक्‍नीकी।

जकरिया 13:7

मिनु मुर नेल्‍ल आन परमप्रभु यावेमी मार देंत देंशा हना ‘तरवार, आं गोठला आ पर्बम बोक्‍को। नेल्‍ल क्‍येङा आं नेक्‍था ङा मुर आन पर्बम बोक्‍को। गोठला कली तुपो। मिनु भेडापुकी ब्रमल। मिनु गो आं गुइ आइक्‍च गोठला आन पर्बम क्‍युक्‍नुङ। मत्ती २६:३१

जकरिया 3:8

यहोसु, नेल्‍ल क्‍येङा ठेयब चढ़ेब नु इ नेक्‍था बाक्‍ब इ खोदेंशो गेय पाइबपुकी नोफा दाइश्‍शा नेनीन। गो नोले आं गेय पाइब, राशी माइश्‍शो चाक्‍नुङ, मेकोपुकी मेको आ पर्बम चिन्‍ड बाक्‍नीम। यसैया ८:१८; जकरिया ६:१२; येरमीया २३:५; येरमीया ३३:१५

जकरिया 8:9

मुर नेल्‍ल आन परमप्रभु यावेमी मार देंत देंशा हना “गेपुकी शुश गेय पने। ङोंइती गे आं लोव़ पाइबपुकीम लोव़ पशो नें‍तीनी। मेकोपुकी मुर नेल्‍ल आन परमप्रभु यावे आं खिं लेंशा सेल्‍ची ना ङा जग वोइक्‍ची ना बाक्‍तेक्‍म। यसैया ३५:३

मत्ती 16:18

गे पत्रुस नवे, एको सेरथे फुल्‍लु तारी आं खिं सेल्‍नुङ। नरकमी मेको कली ग्राने मचाप्‍ब। यूहन्‍ना १:४२; एफिसी २:२०

मत्ती 26:61

“एको ग्‍याइश्‍शो मुरुमी साबेर मार देंत देंशा हना ‘परमप्रभु यावे आ खिं प्रेश्‍शा, नाक्‍त सांमी नक सेल्‍नुङ’ देंत” देंसा बाक्‍त। प्रेरित ६:१४; यूहन्‍ना २:१९-२१

मर्कूस 14:58

‘एको गुइमी सेल्‍शो परमप्रभु यावे आ खिं प्रेश्‍शा, नाक्‍त सांमी अर्को सेल्‍नुङ। मेको चहिं गुइमी सेल्‍शो ममाइ’ देंशो नेंतक” देंमा बाक्‍त। यूहन्‍ना २:१९-२१

मर्कूस 15:29

मेकेर कोव़ब शुश मुर बाक्‍मा बाक्‍त। मेकोपुकीम आन पिया हिम्‍शा “परमप्रभु यावे आ खिं प्रेश्‍शा, नाक्‍त सांमी नक सेल्‍नुङ, देंते। खोइ मिनु, सेल्‍ने चबी? मर्कूस १४:५८

मर्कूस 15:39

मिनु येसु आ ङोंइती राप्‍शा बाक्‍शो कप्‍तानमी येसु वाइ ब्रेश्‍शा, नोले सोक्‍त कीशा बेक्‍शो तशा “थमा पा, एको मुर परमप्रभु यावे आ तौ बाक्‍माक्‍त” देंमाक्‍त।

लूका 1:78

आंइ परमप्रभु यावेमी इं कली दाक्‍शा, शिशी पा, रुप्‍तीक थुं सुनी ङा छेङछेङ खोदेंशो पा इं तार मोइक्‍ताक्‍व। यसैया ६०:१-२

यूहन्‍ना 1:45

मिनु फिलीपमी नथानेल माइश्‍शो मुर कली ग्रुम्‍शा, मेको कली “मोसामी नु परमप्रभु यावे आ लोव़ पाइबपुकीमी यो परमप्रभु यावे आ सोइश्‍शो का आ पर्बम ब्रेक्‍शो बाक्‍तेक्‍म। मिनु गोपुकीमी मेको कली ग्रुम्‍तक। मेको नासरथ सहर ङा योसेफ आ तौ येसु बाक्‍माक्‍त” दे नथानेल कली देंत। यसैया ५३:२; ब्‍यवस्‍था १८:१८; येरमीया २३:५; इजीकीएल ३४:२३

यूहन्‍ना 19:5

मिनु येसु चू के सिरपेच गुप्‍शा, पिप आ फेक्‍तीक वा फेक्‍शा ग्रूत। पिलातसमी “लो, एको मुर कली कोव़ङीन” देंत।

प्रेरित 13:38

मोपतीके आं लोक्‍बपुकी, आं लोव़ रुपीने। मेको येसुमी मुर आन पाप क्‍याम्‍शा गेब, दे इन कली शेंनीकी। रोमी ८:३-४

प्रेरित 17:31

मारदे हना काबु नेल्‍ल आन कली ठीक पा निसाफ पाइब। मेको निसाफ पची नाक्‍त परमप्रभुमी योव़शा वोइश्‍शो बाक्‍ब। निसाफ पाइब यो योव़शा वोइश्‍शो बाक्‍ब। मेको निसाफ पाइब कली ‘आं योव़शो बाक्‍ब’ दे कोंइचा कली बेक्‍शो रे सेंताक्‍व” दे पावलमी शेंदीमी बाक्‍त। प्रेरित १०:४२; मत्ती २५:३१-३३

१ कोरिन्‍थी 3:9

गे परमप्रभु यावे आ रू नु आ खिं ननी। गोपुकी चहिं मेको रूमी गेय पाइब नु मेको खिं सेल्‍ब नकी। मत्ती १३:२-९; एफिसी २:२०

हिब्रू 10:12

तन्‍न ख्रीस्‍तमी चहिं आ रां चढ़ेशोमी पाप क्‍याम्‍तीक गेय पने थुम्‍तु। मिनु गेना हना यो परमप्रभु यावे आ ग्‍युरा गे निश्‍शो बाक्‍ब।

हिब्रू 7:24

येसु चहिं गेना हना यो ब्रोंइशा बाक्‍तीके गेना हना यो चढ़ेब दुम्‍शा बाक्‍शो बाक्‍ब।

हिब्रू 7:4

मेको गिश ठेयब बाक्‍ब, दे मिम्‍तीन। मारदे हना इं ठेयब किकी अब्राहाममी आ ग्राशा चाक्‍शो रिम्‍शो थोव़क १० भागमी भाग का मान पा गेचा पुंइसे बाक्‍त।

हिब्रू 8:3

ठेयब चढ़ेब नेल्‍ले भेटी नु चोशा चढ़ेचा कली योव़चा पुंइसीशो बाक्‍नीम। मोपतीके मेको ठेयब चढ़ेबमी यो मारेइ थोव़क चढ़ेचा माल्‍ब।