जकरिया 6:11 - Sunuwar Bible

¹¹ मेको सुन नु चांदी रे पा सिरपेच का सेलो। मिनु मेको सिरपेच लाइश्‍शा, यहो-सादाक आ तौ नेल्‍ल क्‍येङा ठेयब चढ़ेब यहोसु आ पियामी गुप्‍तो। जकरिया ३:८

जकरिया 6:11 ပူးပေါင်းရင်းမြစ်များ

२ सामुएल 12:30

मेकोमी मिल्‍कोम आ पिया रे सिरपेच प्रुदा बाक्‍त। मेको टलेन्ट का सुन के बाक्‍माक्‍त। मेको तारी हीरा का यो क्‍येप्‍शो बाक्‍माक्‍त। मेको दाऊद कली गुक्‍त्‍मे बाक्‍त। मेकोम सहर रे शुश मार मार यो रोइश्‍शा चाक्‍गा बाक्‍त। टलेन्‍ट का ३४ किलो खोइ बाक्‍ब।

एज्रा 10:18

मिनु अर्को जात ङा मीश ग्‍युंबे पाइबपुकीमी, चढ़ेबपुकीमी योसादाक आ तौ येशुआ आ चच युइ रे नु आ लोक्‍ब रे मासेयाह एलीएजर, यारीब नु गेदाल्‍याह बाक्‍तेक्‍म। एज्रा ३:२

एज्रा 3:2

मेना योसादाक आ तौ येशुआ नु मेको आ वारच चढ़ेब, शाल्‍तीएल आ तौ जेरूब-बाबेल नु मेको आ खिं ङा मुर नेल्‍लेमी इस्राएली आन परमप्रभु कली चढ़ेतीके सेल्‍तेक्‍म। परमप्रभु आ मुर मोसामी आ अरेशो लोव़म दोपा ब्रेक्‍शो बाक्‍मे, मोपा चोशा चढ़ेचा कली मेको चढ़ेतीक सेल्‍तेक्‍म। एज्रा २:२; प्रस्‍थान २७:१; लेवी ६:२

भजन संग्रह 21:3

गे मेको कली आसीक गेशा, रिम्‍शो पाइक्‍तीनी। मिनु आ पियाम क्‍येख सुन के सिरपेच गुप्‍ताक्‍नी।

प्रस्‍थान 29:6

आ पिया तारी गुक्‍तीके गुप्‍शा, मेको तारी ‘परमप्रभु यावे कली ला’ दे ब्रेक्‍शो कुप्‍फीम पांइतीके पांइपाइक्‍चा माल्‍नेवे। प्रस्‍थान २८:३६; प्रस्‍थान ३९:३०

प्रस्‍थान 39:30

मेकोपुकीमी क्‍येख सुन के फू खोदेंशो पा कुप्‍फीम पांइतीके चेम्तेक्‍म। मेकेर छाप मुशो खोदेंशो पा “परमप्रभु यावे कली ला” दे मुशा ब्रेक्‍ताक्‍म। प्रस्‍थान २९:६; प्रस्‍थान २७:३६; लेवी ८:९; जकरिया १४:२०;

ठेयब कुम्सो 3:11

ए सियोन ङा तमीपुकी, लाङगा ग्रूशा पिने। मिनु पिप सोलोमनम सिरपेच गुक्‍शो कोव़ङीन। मेको सिरपेच मेको आ ममामी ग्‍येरसीशा मेको आं ग्‍युं‍बे नाक्‍ती गेशो बाक्‍त।

लेवी 8:9

मिनु मेको आ पियाम गुप्‍तीके गुप्‍ताक्‍व। मिनु सुन के मुशो कुप्‍फीम पांइतीके “परमप्रभु यावे कली ला” दे मेको आ ङोंइती गे पांइताक्‍व। परमप्रभु यावेमी मोसा कली दोदेंशो पा अरेवा, मोदेंशो पा पाप्‍तु। प्रस्‍थान २८:३६-३८; लेवी ३९:३०

हाग्‍गै 1:1

पिप दाराम सासन पशो बर्स निक्‍शी, ६ महिना ङा ङोंइती ङा नाक्‍त परमप्रभु यावेमी आ लोव़ पाइब हाग्‍गै कली लोव़ पाप्‍तु। मेको लोव़ यहूदा रागीम हुकुम पाइब जेरूब-बाबेल नु नेल्‍ल क्‍येङा ठेयब चढ़ेब यहोसु आस कली बाक्‍त। जेरूब-बाबेल शाल्‍तीएल आ तौ बाक्‍त। यहोसु चहिं यहो-सादाक आ तौ बाक्‍त। एज्रा ४:२४; एज्रा ५:१; एज्रा ५:२

हाग्‍गै 1:14

मिनु परमप्रभु यावेमी शाल्‍तीएल आ तौ, यहूदा रागीम हुकुम पाइब, जेरूब-बाबेल नु यहो-सादाक आ तौ, नेल्‍ल क्‍येङा ठेयब चढ़ेब, यहोसु नु लीशो मुर आन थुं कली जोंब पोक्‍ताक्‍व। मिनु मेकोपुकीमी मुर नेल्‍ल आन परमप्रभु यावे, आ खिं सेल्‍चा गोम्‍तेक्‍म।

हाग्‍गै 2:4

मिनु मुर नेल्‍ल आन परमप्रभु यावेमी “जेरूब-बाबेल, महिनो। यहो-सादाक आ तौ नेल्‍ल क्‍येङा ठेयब चढ़ेब यहोसु गे यो महिनो। मिनु मेकेर ङा मुर नेल्‍ल महिनीन। गेय पचा गोने। मारदे हना गो गेपुकी नु बाक्‍नुङ।

जकरिया 3:1

मिनु परमप्रभु यावे आ स्‍वर्ग ङा गेय पाइबमी नेल्‍ल क्‍येङा ठेयब चढ़ेब यहोसु कोंइताक्‍यी। मेको परमप्रभु यावे आ स्‍वर्ग ङा गेय पाइब आ ङोंइती राप्‍शो बाक्‍त। मिनु सैतान मेको कली दोस गेचा कली आ ग्‍युरा गे राप्‍शो बाक्‍त। हाग्‍गै १:१; अय्‍युब १:९; प्रकाश १२:१०

जकरिया 3:5

मिनु गो “मेको आ पियामी रिम्‍शो गुप्‍तीक का गुप्‍तीन” देंती। मिनु मेकोपुकीमी मेको कली रिम्‍शो गुप्‍तीके गुप्‍शा, रिम्‍शो वा फेक्‍ताक्‍म। मिनु परमप्रभु यावे आ स्‍वर्ग ङा गेय पाइब आ नेक्‍था राप्‍शा बाक्‍त। प्रस्‍थान २८:३९

जकरिया 6:14

मिनु मेको सिरपेच हेल्‍दाइ, तोबीयाह, येदायाह नु सेफन्‍याह आ तौ योसीयाह मिम्‍शा, परमप्रभु यावे आ खिंमी वोइक्‍चा माल्‍नीम।

हिब्रू 2:9

गोपुकीमी येसु कली मान पाइक्‍चा पुंइसीतीके, छेङछेङ ङा सिरपेच गुप्‍शो नु सक्ति पाइश्‍शो दुम्‍शो ताइतय। रागीम बाक्‍मेनु, परमप्रभु यावे आ स्‍वर्ग ङा गेय पाइब क्‍येङा इच्‍ची आइक्‍च दुम्‍शो बाक्‍त। मारदे हना परमप्रभु यावेमी मुर नेल्‍ल आन कली शिशी पाइनुङ, दे कोंइचा कली मुर आन पर्बम श्‍येत जपाइश्‍शा बेक्‍चा गेप्‍तु। फिलिप्‍पी २:८-९

प्रकाश 19:12

मिनु मेको दोदेंब तांइसाक्‍व देंशा हना, मेको आ मिक्‍च हुरुर पा ब्रशो मी खोदेंशो तांइसाक्‍व। आ पियामी शुश मुकुटपुकी बाक्‍तेक्‍म। मिनु मेको तारी नें का ब्रेक्‍शो बाक्‍त। मेको नें सुइमी मतुइक्‍नीम। मेकोम ला तुइक्‍ब। प्रकाश १:३४; प्रकाश ३:१२

प्रकाश 6:2

मिनु गो बुश शारा का ताता। मेको शारा ङोइक्‍बमी लिब्रा कुरशो बाक्‍त। मेको कली सिरपेच गेशो बाक्‍त। मिनु मेको ग्राना ग्रान गाक्‍त। जकरिया ६:१-८