जकरिया 6:1 - Sunuwar Bible

¹ मिनु गो लेंशा इर गे कोव़ङुनु आं ङोंइती डांडा आस दाते रे ४ ओटा बग्‍गी यिशो तातामी। मेको डांडा कांसा के बाक्‍ताक्‍स। प्रकाश ६:१-८; जकरिया १:८

जकरिया 6:1 ပူးပေါင်းရင်းမြစ်များ

२ राजा 6:17

मिनु एलीशामी “परमप्रभु यावे, एको आ मिक्‍च ताइब सेलीन। मिनु एकोम तवल” दे पुना बाक्‍त। मिनु परमप्रभु यावेम मेको गेय पाइब आ मिक्‍च ताइब सेला बाक्‍त। मिनु मेकोमी एलीशा आ एर ओंथ ङा डांडा नेल्‍लेम मी ब्रशो शारा नु बग्‍गीम ब्रीशो तवा बाक्‍त। यहोसु ५:१३

अय्‍युब 34:29

तन्‍न मेको सिक्‍सी पा बाक्‍‍त हना, सुम मेको कली दोस गेने चाप्‍बा ङा? मेकोम आ कुल ख्रुइक्‍ताक्‍व हना, सुम मेको कली तने चाप्‍बा ङा? रागी ङा मुर नेल्‍ल कली नु मुर का कली मेको कान बाक्‍ब।

भजन संग्रह 33:11

परमप्रभु यावे आ मिम्‍शो गेना हना यो लीब। आ थुंम मिम्‍शो नेल्‍ल पाला सम्‍म लीब।

भजन संग्रह 36:6

इन ठीक पतीके ठेयब डांडापुकी खोदेंशो नु इन निसाफ पशो शुश लुक्‍च लशो समुन्‍द्र खोदेंशो बाक्‍ब। गे मुरपुकी, बी ब्‍यफ, क्‍यारश भेडा नु जन्‍तु आन कली कोव़शा, श्‍येत रे प्रोंइनीनी।

हितोपदेस 21:30

मुर आन तुइक्‍तीक, रुप्‍तीके अर्ती गेतीके परमप्रभु यावे आ ङोंइती थम आइक्‍च बाक्‍ब। भजन संग्रह ३३:१०-११

यसैया 43:13

गो परमप्रभु नङ। नोले सम्‍म गो मेको नङ। सुइमी आं गुइ रे प्रोंइने मचाप्‍‍ब। गो गेय पङानु, सुइमी आं कली तेक्‍ने मचाप्‍ब” देंत।

यसैया 66:15

परमप्रभु यावे मी नु जाक्‍ब। आ बग्‍गीपुकी फश गिवार खोदेंशो पा गाक्‍नीम। आ गाइश्‍शो चुरशोमी क्‍येक्‍क लेप्‍ब। आ हुइक्‍तीके हुरुर पा ब्रशो मी खोदेंशो बाक्‍ब। बजन संग्रह ५०:३; प्रकाश १९:११-१५

येरमीया 4:13

कोव़ङीन, मेको गोस्‍स खोदेंशो पा गाक्‍शो बाक्‍ब। मेको आ बग्‍गी फश गिवार खोदेंशो पा जाक्‍नीम। मेको आ शारा ककाकुली आन क्‍येङा रीब पा दोरनीम। आबी, गो खतम दुम्‍तय’ दे लोव़ पाइनीमी” देंत।

दानीएल 4:15

तन्‍न मेको आ ठुटा नु शाक्‍श खपीम लीचा माल्‍नीम। मेको फलाम नु कांसा के पातामी फ्रेंशा, खपीमी लीचा माल्‍नीम। मिनु नाक्‍दो यिशो सीतमी जिश्‍शा बाक्‍ल। मिनु मेको जन्‍तुपुकी नु बाक्‍ल। जन्‍तु खोदेंशो पा घांसम बाक्‍चा माल्‍दल।

दानीएल 4:35

रागी ङा मुरपुकी नेल्‍ल मेको आ ङोंइती मारेइ मबाक्‍नीम। मेकोमी स्‍वर्ग ङा गेय पाइब नु रागी ङा मुर आन कली मार पचा दाक्‍बा, मेकोन पने चाप्‍ब। सुइमी मेको कली तेक्‍ने मचाप्‍नीम। मिनु सुइमी ‘गे मार पनी?’ देंने मचाप्‍नीम। यसैया ४०:१७; अय्‍युब ९:१२

दानीएल 8:22

मिनु गे मेको ग्रोव़ जिक्‍शा मेको आ पा ङा ४ ओटा ग्रोव़ ग्रूशो ताप्‍तीवी। मेको आ रागी ४ ओटा राज्‍य दुम्‍नीम। तन्‍न मेकोपुकी ङोंइती ङा राज्‍य खोदेंशो सक्ति पाइश्‍शो मदुम्‍नीम।

जकरिया 5:1

मिनु गो इर गे कोव़ङुनु, प्रा‍क्‍सीशो ब्रेक्‍स का बेरशो ता‍ता।

जकरिया 6:5

मिनु मेको परमप्रभु यावे आ स्‍वर्ग ङा गेय पाइबमी आं कली “एको स्‍वर्ग ङा ४ ओटा फश नम। एको ग्रूशा लचा कली रागी नेल्‍ल ङा परमप्रभु यावे आ ङोंइती जाक्‍‍तेक्‍म। जकरिया ४:१४

प्रेरित 4:28

मेकोपुकीमी इन देंशो ङा लाक्‍शा मारेइ पने मचबेम। इन देंशो ला पने चाप्‍तेक्‍म। प्रेरित २:२३

एफिसी 1:11

परमप्रभु यावेमी ख्रीस्‍त रे पा आ आल सेल्‍शा, इं कली योव़तु। मारदे हना ङोंइती रे योव़नुङमी, दे मिम्‍शो बाक्‍माक्‍त। मेकोन पाप्‍तु। कलस्‍सी १:१२

एफिसी 3:11

मेको परमप्रभु यावे आ गेना हना यो मिम्‍शो लोव़ बाक्‍त। मेको मुल इं प्रभु ख्रीस्‍त येसु रे खाप्‍शो बाक्‍त।

१ सामुएल 2:8

मेकोमी मारेइ मथीब आन कली फुरक रे पोक्‍ब। प्रुङग आन कली घुरेन रे पोक्‍ब। मिनु मेको आन कली पिप आन तौ नु निप्‍पाइक्‍ब। मेको ठेयब मुर आन दातेम बाक्‍चा नु मान पाइक्‍तीक ताइनीम। मारदे हना रागी आ थाम परमप्रभु यावे केन बाक्‍नीम। मेकोम मेको तार रागी वोइक्‍तु। भजन संग्रह ११३:७-८