जकरिया 5:9 - Sunuwar Bible

⁹ मिनु इर कोव़ङुनु, मीश मुर निक्‍शी पि‍शो ता‍तासी। मेको आस फ्रांमी फश बाक्‍त। मेको आस फ्रां सारस के खोदेंशो बाक्‍त। मेको निक्‍शीमी मेको डालो कली सरीङ नु रागी आस दा‍तेमी क्‍युक्‍शा लाइक्‍ताक्‍स।

जकरिया 5:9 ပူးပေါင်းရင်းမြစ်များ

भजन संग्रह 104:17

मेकेर चिक्‍बमी आन ग्‍योव़ सेल्‍नीम। मिनु ठेयब बुश चिक्‍बपुकीमी स‍ला रवाम आन ग्‍योव़ सेल्‍नीम।

येरमीया 8:7

सरीङम बेरब सारसम आ लची ना नु लेत्‍ची ना तुइक्‍ब। मिनु ढुकुर, बेल्‍लुम नु बोकुला आन लची ना नु लेत्‍ची ना तुइक्‍नीम। तन्‍न आं मुरपुकीमी आंम परमप्रभु यावे आ देंशो पतीक लोव़ मतुइक्‍नीम। यसैया १:३

होसे 8:1

मिनु “तुराही ता‍पो। ककाकुली का परमप्रभु यावे आ खिं तारी बेरना बेरन बाक्‍ब। मारदे हना मुरपुकीमी आं पशो कबल प्रोंइतेक्‍म। आं अरेशो लोव़ मटीम। यसैया ५८:१; ब्‍यवस्‍था २८:४९; होसे ६:७

लेवी 11:13

मिनु चिक्‍ब आन दातेमी इन कली तेको तेको ग्रांग्रा दिशो नु ब्‍वचा मदुम्‍शो बाक्‍नीम देंशा हना, ककाकुली, गिद, क्‍येर गिद,

लेवी 11:19

सारस, बोकुला नेल्‍ल, फाप्रे चिक्‍ब नु पकातिक्‍ती मब्‍वने। यसैया ६६:१७

जकरिया 5:10

मिनु गो नु लोव़ पाइब, स्‍वर्ग ङा गेय पाइब कली “मेको निक्‍शीमी मेको डालो ते लत्‍से?” दे हिल्‍लो पा‍ता। उत्‍पत्ती ११:२

मत्ती 24:28

सिनु बाक्‍तीकेमी गिद्ध आंमा बेरशा जाक्‍नीम। लूका १७:३७; प्रकाश १९:१७-१८

ब्‍यवस्‍था 28:49

मिनु परमप्रभु यावेमी नेल्‍ल क्‍येङा ङोन बाक्‍शो रागी रे मरुप्‍शो लोव़ पाइब मुरपुकी बेरशो ककाकुली खोदेंशो पा इन तारी जुक्‍पाइक्‍ब। हबकुक १:८; यसैया ३३:१९; येरमीया ५:१५