जकरिया 5:8 - Sunuwar Bible

⁸ मिनु मेकोमी “परमप्रभु यावे आ अरेशो मटितीके एकोन बाक्‍ब” देंत। मिनु मेकोमी मेको मीश मुर कली डालो आगा नेप्‍शा, हेल्‍शो सिसा के सुम्‍तीकेमी सुम्‍तु।

जकरिया 5:8 ပူးပေါင်းရင်းမြစ်များ

उत्पत्ती 15:16

इ मुरपुकी ४ पाला नोले ला एकेर लेश्‍शा जाक्‍नीम। मारदे हना एमोरी आन मरिम्‍शो पशो मनुप्‍शो बाक्‍त” दे परमप्रभु यावेमी देंमाक्‍त। प्रेरित ७:७

भजन संग्रह 38:4

आं मरिम्‍शो पशोमी आं पिया सम्‍म ग्रुम्‍शो बाक्‍ब। मेको आं कुरने मचाप्‍चा ङा पा हेल्‍शो बाक्‍नीम। बिलाप १:१४;

हितोपदेस 5:22

परमप्रभु यावे आ अरेशो मटीब मुर आ मरिम्‍शो पशोमी ग्‍याइक्‍चा पुंइसीब। मेको आ पाप आ ग्‍याइलीमी रेत्‍चा पुंइसीब।

बिलाप 1:14

मेकोमी आं हेंथे पतीके जुवा खोदेंशो सेल्‍तु। मिनु मेको आ गुइमी फ्रेंसाक्‍व। मेको आं बला तारी शुश हेल्‍शो बाक्‍ब। मोपा आं बोल ग्‍युम्‍त। मिनु परमप्रभुमी आं कली आं ग्राने मचाप्‍चा ङा मुर आन गुइमी गेती।

होसे 12:7

मिनु जोल पा नाक्‍तीक चलेब ग्‍याप्‍ब लेयब मुरुमी जोल पचा दाक्‍नीम।

आमोस 8:5

गेपुकीमी ‘औंसी गेना लाक्‍बा ङा? गो अन्‍न लेयचा ताइनीकी। नाइक्‍तीक नाक्‍त गेना लाक्‍बा ङा? गो चेरब लेयचा ताइनीकी। गो एफाह आइक्‍च सेल्‍शा, शेकेल कली हेल्‍शो सेल्‍शा नु दूली पा नाक्‍शा, शुश क्‍येट चेम्‍नीकी’ देंनीनी। एफाह का २२ लिटर लाइब पुक्‍तीक बाक्‍ब। शेकेल का ११.५ ग्राम ङा क्‍येट बाक्‍ब। नेहेम्‍याह १३:१५

मीका 6:11

मार गो इन मरिम्‍शो नाक्‍तीक नु जोल पा नाक्‍तीक ढक के थैलो वोइक्‍ब कली दोस मताइब सेलु? हितोपदेस २०:१०

जकरिया 5:7

नोले हेल्‍शो सिसा के सुम्‍तीक रोक्‍साक्‍व। मिनु मेको डालोम मीश मुर का निश्‍शा बाक्‍शो ता‍ता।

मत्ती 23:32

इन किकी पिपीम पचा मजाक्‍दीश्‍शो पाप गेपुकीमी खपीने।

१ थिस्‍सलोनिकी 2:16

दोपा श्‍येत गेम्‍तेक्‍म देंशा हना, रागी रागी ङा मुर आन कली पाप रे ब्रोंइचा ताइनीम, दे आंइ कली लोव़ पचा मगेम। मोदेंशो पा यहूदीम आन पाप गेना हना यो तेम्‍ना तेम्‍न बाक्‍नीम। मोपतीके परमप्रभु यावेमी मेको आन कली चुरशा सजाइ गेब। मत्ती २१:३२-३३