जकरिया 5:4 - Sunuwar Bible

⁴ मिनु मुर नेल्‍ल आन परमप्रभु यावेमी “गो मेको ब्रेक्‍स सोइक्‍ताक्‍ङ। मिनु मेको खुइ नु आं नेंमी जोल पा सांकछी बाक्‍ब आन खिंमी ओव़ब। मेकेर बाक्‍शा, खिं खतम सेल्‍शा, शी फुल्‍लु का यो मलीपाइक्‍ब” देंत।

जकरिया 5:4 ပူးပေါင်းရင်းမြစ်များ

अय्‍युब 18:15

मेको आन ताम्‍बुम मारेइ मलीब। मेको आन बाक्‍‍तीकेम गन्‍धक ब्रुइश्‍शो बाक्‍ब।

अय्‍युब 20:26

मेको आन शोंप कली थम छिङछिङमी रिम्‍शा बाक्‍शो बाक्‍ब। थाम्‍पा ब्रशो मीम मेको आन कली दाक्‍ब। मिनु आन ताम्‍बुम लीशो मारेइ मारेइ नेक्‍ब। ब्‍यवस्‍था ३२:२२

अय्‍युब 8:15

मेको आ जालम रक एश्‍शा बाक्‍त हना, मेको कली मतिक्‍ब। मेको कली ग्‍याइक्‍ताक्‍व हना यो, मेको ब्रेप्‍ब।

अय्‍युब 8:22

मिनु परमप्रभुमी इन कली काइ मदाक्‍ब आन मुने दोक्‍पाइक्‍ब। मिनु परमप्रभु यावे आ अरेशो मटीब आन ताम्‍बु जाम्‍शा लाइनीम” दे बिल्‍दादमी अय्‍युब कली देंमाक्‍त।

हितोपदेस 3:33

परमप्रभु यावेमी आ अरेशो मटीब आन खिं ङा मुर आ सराप राइब। तन्‍न ठीक पाइब आन खिंम आसीक राइब।

यसैया 24:6

मोपतीके सरापमी रागी कली खतम सेल्‍शो बाक्‍ब। मिनु मेकेर बाक्‍ब आन पापम पतीके श्‍येत जाइ‍नीम। का निक्‍शी ला लीनीम।

येरमीया 2:26

दोपा खुइ ग्‍याइक्‍चा पुंइसेनु, मुने दोक्‍बा, मोपा इस्राएल आ खिं ङा मुरपुकी मुने दोक्‍नीम। मेकोपुकी, आन पिपी, आन ठेयब मुरपुकी, आन चढ़ेबपुकी नु मेको आन जोल पा परमप्रभु यावे आ लोव़ पाइबपुकी मुने दोक्‍नीम।

होसे 4:2

एकेर कसम जचा, जोल पचा, मुर साइक्‍चा, खुइ पचा नु तेल्‍लेम पचा ङा लाक्‍शा, अर्को मारेइ मबाक्‍ब। नेल्‍लेमी मरिम्‍शो ला पाइनीम। मेकोपुकीम मुर साइश्‍शा, हुश ख्राक्‍श पोक्‍नीम।

होसे 4:3

मोपतीके एको रागीमी रोंका पाइब। एकेर बाक्‍ब नेल्‍ले ओंखां पा जाम्‍शा लाइनीम। बस्‍तु भाव, चिक्‍ब नु समुन्‍द्र ङा ङांइ बेक्‍शा, जाम्‍शा लाइनीम।

आमोस 3:10

मेकोपुकी ठीक गेय पस मजोक्‍नीम। हुश ख्राक्‍श पोक्‍शा नु मार मार रोइश्‍शा खुइ पशो आन बोल्‍यो दरवारम खेक्‍शा वोइक्‍नीम” दे परमप्रभु यावेमी देंत।

जकरिया 5:3

मिनु नोले मेकोमी आं कली “एको रागी नेल्‍ल कली जाक्‍चशो सराप बाक्‍ब। मेको तोल्‍शा प्राक्‍शो ब्रेक्‍स निम्‍फा गे ब्रेक्‍सीशो बाक्‍ब। का गे खुइ आन पर्बम ब्रेक्‍सीशो बाक्‍ब। मारदे हना मेको मुल सम्‍म सजाइ मतशो बाक्‍तेक्‍म। अर्को गे जोल पा कसम जाइब आन पर्बम ब्रेक्‍सीशो बाक्‍ब। मारदे हना मेको यो मुल सम्‍म सजाइ मतशो बाक्‍तेक्‍म” देंत।

जकरिया 8:17

इन दातेमी थुंम मिम्‍शा, मरिम्‍शो मपमुने। जोल पा कसम मजने। मारदे हना मेको नेल्‍ल गो ग्रांग्रा दी‍नुङ” दे परमप्रभु यावेमी देंत। जकरिया ७:१०

मलाकी 3:5

तन्‍न मेको क्‍येङा ङोंइती “गो निसाफ पचा कली इन बाक्‍तीकेमी जाक्‍नुङ। गो टुना मुना पाइबपुकी, मुर आन मीश वोंइश नु इप्‍बपुकी, जोल पा कसम जाइबपुकी, गेय पाइब आन कली गाल्‍च मगेबपुकी, वोंइश बेक्‍शो मीश मुर, रोम रोइक्‍च, नु अर्को रागी ङा मुर आन कली निसाफ पा मगेबपुकी नु आं क्‍येङा महिंब नेल्‍ल आन कली निसाफ पथ जाक्‍नुङ” दे मुर नेल्‍ल आन परमप्रभु यावेमी देंत।

ब्‍यवस्‍था 28:16

गेपुकी सहरम बाक्‍शा, सराप राइनीनी। मिनु रूम बाक्‍शा, सराप राइनीनी।

ब्‍यवस्‍था 7:26

मिनु गेपुकीमी मारेइ ग्रांग्रा दिचा ङा थोव़क इन खिंम मचाक्‍कीन। मो पाइतीनी हना गेपुकी यो मेको आन खोदेंशो पा सराप राइब दुम्‍नीनी। गेपुकीमी मेको नेल्‍ल कली ग्रांग्रा दिशो दुम्‍तीके, तिल्‍चा माल्‍नीनी” देंत। यहोसु ७:११-१२

यहोसु 9:20

मुल मेको आन कली ब्रोंइचा गेचा माल्‍नीकी। मोदेंशो मपाइतक हना, आंइ जशो कसममी पतीके, गो सराप राइनीक” दे इस्राएली आन कली देंतेक्‍म। गन्‍ती १:५३; २सामुएल २४:१