जकरिया 5:11 - Sunuwar Bible

¹¹ मिनु मेकोमी “बेबीलोन ङा शिनार माइक्‍तीकेमी मेको कली खिं का सेल्‍चा चिक्‍शो बाक्‍ब। मिनु सेल्‍ने थुम्‍मे नोले मेको डालो कली मेकेर आ बाक्‍तीकेम वोइक्‍नी‍म” दे माइक्‍ती।

जकरिया 5:11 ပူးပေါင်းရင်းမြစ်များ

उत्पत्ती 10:10

मिनु आ ङोंइती ङा राज्‍य बेबीलोन बाक्‍माक्‍त। अरु एरेक नु अक्‍कद सहर बाक्‍मा बाक्‍त। मेको नेल्‍ल शिनार रागीम बाक्‍बाक्‍मा बाक्‍त।

उत्पत्ती 11:2

मुरपुकी पूर्ब गे लना लन बाक्‍मानु, शिनार नें पाइश्‍शो रागीम ठेयब दिंम का थित्‍मे बाक्‍त। मिनु मेकेर खिं सेल्‍शा बाक्‍मा बाक्‍त।

उत्पत्ती 14:1

मिनु शिनार ङा पिप अम्राफेल, एल्‍लासार ङा पिप अरयोक, एलाम ङा पिप केदोर-लाओमेर नु गोयीम रागी ङा पिप तिदालम सासन पामे ना, यहोसु १२:२३

यसैया 11:11

मेना परमप्रभुमी आ लीशो मुर आन कली लेंशा प्रोंइशा चाक्‍ब। मिनु ते रे प्रोंइशा चाक्‍ब देंशा हना, अस्‍सुर, इजीप्‍त, पथ्रोस, एथीयोपीया, एलाम, शिनार, हमाथ नु समुन्‍द्र आ नेक्‍था रे प्रोंइशा चाक्‍ब। इजीकीएल ३७:२१-२२

येरमीया 29:28

मेकोमी बेबीलोनम आंइ कली ओदेंशो लोव़ सोइक्‍ताक्‍व। गे शुश बर्स मेकेर बाक्‍चा माल्‍नीनी। मोपतीके खिं सेल्‍शा बाक्‍कीन। मिनु रूम मार मार शोक्‍शा जने” दे ब्रेक्‍शो बाक्‍त।

दानीएल 1:2

मिनु परमप्रभुमी यहूदा ङा पिप येहो-याकीम कली ब्रुपाइक्‍तु। मिनु परमप्रभुमी आ खिं ङा बोस का निक्‍शी यो मेको कली गेप्‍तु। मिनु नेबुकदनेसरमी मेको बोसपुकी शिनार रागीमी लाइश्‍शा, आ देवता आ खिं ङा मार मार शोंप वोइक्‍तीके कोठाम वोइक्‍तु। शिनार रागी बेबीलोन रागी बाक्‍ब। उत्‍पत्ती ११:२

होसे 3:4

मारदे हना इस्राएलीपुकी शुश नाक्‍त सम्‍म पिप नु सासन पाइब मबाक्‍थु, बाक्‍चा माल्‍नीम। मेकोपुकीमी चढ़ेचा कली मिम्‍तीक फुल्‍लु, एफोद माइश्‍शो चढ़ेब आ पांइतीक वा नु आन खिं ङा मूर्ति यो मताइनीम। २इतिहास १५:३

जकरिया 5:10

मिनु गो नु लोव़ पाइब, स्‍वर्ग ङा गेय पाइब कली “मेको निक्‍शीमी मेको डालो ते लत्‍से?” दे हिल्‍लो पा‍ता। उत्‍पत्ती ११:२

लूका 21:24

कोइ तरवारम बेक्‍नीमी। कोइ ग्‍याइश्‍शा अर्को रागीम लाइक्‍चा पुंइसीनीम। मिनु आन नाक्‍त मजाक्‍दीम सम्‍म अर्को जात ङा मुरपुकीमी यरूसलेम कली दिप्‍‍शा वोइक्‍नीम। यसैया ६३:१८; प्रकाश ११:२; रोमी ११:२५

ब्‍यवस्‍था 28:59

परमप्रभु यावेमी इन कली नु इन चच युइ आन कली गेचा ङा श्‍येत ङोंइती मतशो खोदेंशो पा ठेयब फाल्‍ने मचाप्‍चा श्‍येत गेब। मेको ठेयब श्‍येत नु ठेयब नु मसाचा ङा रोइ पपाइक्‍ब।