जकरिया 4:9 - Sunuwar Bible

⁹ “जेरूब-बाबेलमी एको परमप्रभु यावे आ खिं ङा जग फुल्‍लु वोइश्‍शो बाक्‍ब। मिनु मेकोमीन मेको खिं सेल्ने थुम्‍ब। मिनु मुर नेल्‍ल आन परमप्रभु यावेमी आं कली इन कली लोव़ पथ सोइश्‍शो बाक्‍ब, दे तुइक्‍नीनी” देंती। एज्रा ३:८; एज्रा ६:१४-१६; जकरिया २:१३,१५

जकरिया 4:9 ပူးပေါင်းရင်းမြစ်များ

एज्रा 5:16

मिनु मेको शेश-बस्‍सार जाक्‍शा, यरूसलेममी परमप्रभु आ खिं आ जग वोइक्‍तु। मेना रे मुल सम्‍म एको लेंशा सेल्‍ना सेल्‍न बाक्‍नीम। मिनु मेको मुल सम्‍म सेल्‍ने मथुम्‍शो बाक्‍ब।

यसैया 48:16

आं नेक्‍था जाक्‍शा, एको लोव़ नेनीन। गो ङोंइती रे ख्रुइश्‍शो लोव़ काइ मपङ। एको गोशो रे गो बाक्‍शो नङ। मुल परमप्रभु, परमप्रभु यावेमी आ सोक्‍त गेशा, आं कली सोइक्‍ताक्‍यी” देंत। यसैया ४५:१९

हाग्‍गै 2:18

मुल ९ महिना २४ नाक्‍ती, परमप्रभु यावे आ खिं ङा जग वोइश्‍शो नाक्‍त रे मार दुम्‍बा, मेको कोव़ङीन।

जकरिया 1:16

मोपतीके परमप्रभु यावेमी मार देंत, देंशा हना ‘गो शिशी पा यरूसलेम लेत्‍ती। मेकेर आं खिं लेंशा सेल्‍चा माल्‍नीम। मिनु यरूसलेम नेल्‍लेमी पुक्‍तीक डोरी की‍चा माल्‍नीम’ दे मुर नेल्‍ल आन परमप्रभु यावेमी देंत। जकरिया ८:३

जकरिया 2:11

मेको नाक्‍त शुश रागी ङा मुरपुकी परमप्रभु यावे नु गारचा कली जाक्‍‍नी‍म। मेको नाक्‍ती मेको आं मुर दुम्‍नी‍म। मिनु गो गे इन दातेमी बाक्‍नुङ। मिनु गेपुकीमी मुर नेल्‍ल आन परमप्रभु यावेमी आं कली इन कली लोव़ पथ सोइश्‍‍शो बाक्‍ब, दे तुइक्‍नी‍नी” दे परमप्रभु यावेमी देंत। यसैया ११:१०

जकरिया 2:13

रागी ङा मुर नेल्‍ल परमप्रभु यावे आ ङोंइती सिक्‍सी पा बाक्‍कीन। मारदे हना मेको आ बाक्‍तीक रे पा ग्रू‍शा जाक्‍‍शो बाक्‍ब। हबकुक २:२०

जकरिया 4:8

मिनु परमप्रभु यावेमी आं कली लोव़ पाप्‍तु। मार लोव़ पाप्‍तु देंशा हना

जकरिया 6:15

शुश ङोन बाक्‍ब मुरपुकी यो परमप्रभु यावे आ खिं सेल्‍चा कली वारच पथ जाक्‍नीम। मिनु गेपुकीमी मुर नेल्‍ल आन परमप्रभु यावेमी आं कली इन कली लोव़ पथ सोइश्‍शो बाक्‍ब, दे तुइक्‍नीनी। गे इन थुं नेल्‍लेमी परमप्रभु यावे, इन परमप्रभु आ देंशो टीतीनी हना, मोदेंशो दुम्‍ब’ ” देंत। यसैया ६०:१०

मत्ती 16:18

गे पत्रुस नवे, एको सेरथे फुल्‍लु तारी आं खिं सेल्‍नुङ। नरकमी मेको कली ग्राने मचाप्‍ब। यूहन्‍ना १:४२; एफिसी २:२०

यूहन्‍ना 17:21

मार पुंइनुङ देंशा हना, मेको नेल्‍ल थुं का ङा दुम्‍मल। आं आफ, गे आं आगामी बाक्‍शो नु गो इन आगामी बाक्‍शो खोदेंशो पा मेकोपुकी इस आगामी बाक्‍मल, दे पुंइनुङ। मो दुम्‍त हना, रागी ङा मुरपुकीमी गेमी आं कली सोइक्‍ताक्‍नी, दे थमा सुइक्‍नीम। गलाती ३:२८

यूहन्‍ना 3:17

परमप्रभु यावेमी रागी ङा मुर आन कली निसाफ पा नरकमी वोइक्‍चा, दे आ तौ मसोइक्‍त। तन्‍न रागी ङा मुर आन कली नरक रे प्रोंइचा कली सोइक्‍ताक्‍व। लूका १९:१०

हिब्रू 12:2

थमा सुइक्‍तीक लां कोंइशा, पाको सेल्‍ब येसु कली मिम्‍तय। मेकोमी शीम केप्‍शा कांटी थोक्‍शा क्‍याइश्‍शा साइक्‍चा पुंइसीचा आ पर्बम, मुने आ पर्बम मारेइ ममिम्‍ता बाक्‍त। नोले मान पा ग्‍येरसीशा बाक्‍चा ताइनुङ, दे मिम्‍ता बाक्‍त। मिनु मुल परमप्रभु यावे आ ग्‍युरा गे निश्‍शो बाक्‍ब। हिब्रू ५:८-९; फिलिप्‍पी २:८-१०