जकरिया 4:10 - Sunuwar Bible

¹⁰ मिनु “सु आइक्‍च गेय गोशो नाक्‍ती आइक्‍च सेल्‍बा? नोले मेकोपुकीमी जेरूब-बाबेल आ गुइमी गारो थाप्‍तीक श्‍येले तशा, ग्‍येरसीनीम। हाग्‍गै २:३; जकरिया ४:७ मेको फुल्‍लु ङा ७ ओटा मिक्‍च परमप्रभु यावे आ मिक्‍च बाक्‍नीम। मेको मिक्‍चीमी रागी नेल्‍ल कोव़शो बाक्नीम” दे परमप्रभु आ लोव़ बाक्‍ब।

जकरिया 4:10 ပူးပေါင်းရင်းမြစ်များ

२ इतिहास 16:9

परमप्रभु यावेमी सु आन थुंम थमा पा मेको नु बाक्‍बा, मेकोमी रागी नेल्‍लेम माल्‍ना माल्‍न मेको कली कोव़शा, मेको आन कली बोल्‍यो सेल्‍ब। गे अराम ङा पिप नु गारशा मरिम्‍शो पाइतीनी। मुल रे गे लडाइ पस ङा पस बाक्‍चा माल्‍नीनी” देंमाक्‍त। हितोपदेस १५:३

अय्‍युब 8:7

मिनु इन ङोंइती ङा बाक्‍शो क्‍येङा, इन नोले ङा बाक्‍शो शोंप शुश दुम्‍ब। अय्‍युब ४२:१०

भजन संग्रह 33:14

मेकोमी आ बाक्‍तीक रे रागीम बाक्‍ब मुर नेल्‍ल आन कली कोव़ब।

हितोपदेस 15:3

परमप्रभु यावेमी नेल्‍ल ताइब। मेकोमी रिम्‍शो पाइब नु मरिम्‍शो पाइब नेल्‍ल आन कली ताइब। २इतिहास १६:९

हितोपदेस 4:18

तन्‍न ठीक पाइब आन लां सुनी ङा छेङछेङ खोदेंशो बाक्‍ब। मेको नाक्‍ती उइक्‍थ दुम सम्‍म बारना बारन शुश छेङछेङ दुम्‍ब। हितोपदेस २४:२०

यसैया 66:11

गेपुकी मेको आ दूध युप्‍शा, रूशा, इन थुं बारपतीन। मेको आ रिम्‍स तशा ग्‍येरसीने। यसैया ६०:१६

यसैया 66:14

गेपुकी मेको कली तशा, शुश ग्‍येरशा, इन थुं बारपाइक्‍नीनी। गे घांस बारशो खोदेंशो पा बारनीनी” देंत। परमप्रभु यावेमी आ गेय पाइब आन कली वारच पाइब, दे मुर नेल्‍लेमी तुइक्‍नीम। मेको आ जोरी सत्रु आन पर्बम गाइक्‍ब।

येरमीया 16:17

मारदे हना गो मेको आन लां नेल्‍ल तुइक्‍नुङ। मेको आं ङोंइती मख्रुइश्‍शो बाक्‍नीम। मेको आन मरिम्‍शो पशो यो आं ङोंइती मख्रुइश्‍शो बाक्‍ब। अय्‍युब ३४:२१

इजीकीएल 1:14

मेको सोक्‍त पाइश्‍शोपुकी चिला आप्‍शो खोदेंशो पा एर ओंथ बेरबाक्‍तेक्‍म।

होसे 6:3

गोपुकी परमप्रभु यावे कली तुइश्‍शा, ठेयब सेल्‍य। मेको कली शुश तुइश्‍शा मान पय। मेको नां दाप्‍शो बुद पा जाक्‍ब। हिंउद ङा रेउ खोदेंशो पा जाक्‍ब। बर्खा ङा रू कली रिम्‍शो पा जिप्‍ब रेउ खोदेंशो पा जाक्‍ब” दे लोव़ पाम्‍तेक्‍म।

आमोस 7:2

मिनु मेकोपुकीमी रू ङा घांस नेल्‍ल नेक्‍गमे नोले गो “परमप्रभु यावे माफ गेयीनी। याकूब आ रागी दोपा ब्रोंइने चाप्‍बा ङा? मारदे हना मेको थम आइक्‍च बाक्‍ब” देंती।

आमोस 7:5

मिनु गो “परमप्रभु यावे नाइक्‍तीन, दे गो इन कली पुंइनुङ। याकूब आ रागी दोपा ब्रोंइने चाप्‍बा ङा? मारदे हना मेको थम आइक्‍च बाक्‍ब” देंती।

हाग्‍गै 2:3

‘इन दाते ङा सु सुमी परमप्रभु यावे आ ङोंइती ङा खिं आ दारस तनी? मुल एको खिं दोदेंशो तांइसीबा? मार, एको मदारशो तांइसीबा? दे हिल्‍लो पावो’ ” देंत। एज्रा ३:१२

जकरिया 3:9

मारदे हना गो यहोसु आ ङोंइती फुल्‍लु का वोइक्‍ता। मेको आ तारी ७ ओटा मिक्‍च बाक्‍नी‍म। मिनु गो फुल्‍लु तारी मेको आ ब्रेक्‍स मुशा ब्रेक्‍नुङ। मिनु गो काबुमीन मेको रागी ङा मुर आन दोस नेल्‍ल क्‍याम्‍नुङ। प्रस्‍थान ३९:६-७; जकरिया ४:१०; प्रकाश ५:६

जकरिया 9:1

परमप्रभु यावेम हद्राक रागी नु दमस्‍कस सहर आस पर्बम लोव़ का पशो बाक्‍त। मारदे हना इस्राएल ङा थर नेल्‍ल नु अर्को रागी ङा मुर यो परमप्रभु यावे केन बाक्‍नीम। यसैया १७:-

लूका 15:32

इ लोक्‍ब चहिं बेक्‍शा रे ब्रोंइत। जाम्‍शो रे थिस्‍साक्‍व। मोपतीके गो नेल्‍ल ग्‍येरसय’ देंमाक्‍त” दे येसुमी शेंदीमी बाक्‍त।

प्रकाश 5:6

मिनु गोमी ठेयब नित्‍तीके, ४ ओटा सेस जन्‍तु नु शेंब खाल्‍पा आन दातेमी क्‍योरशो पाठा खोदेंशो पा दोक राप्‍शो ताता। मेको पाठा के ७ ओटा ग्रोव़ नु ७ ओटा मिक्‍च बाक्‍त। मेको मिक्‍च चहिं परमप्रभु यावेमी रागी रागीमी सोइश्‍शो परमप्रभु यावे आ ७ ओटा सोक्‍त बाक्‍तेक्‍म। यसैया ५३:७; यूहन्‍ना १:२९

प्रकाश 8:2

मिनु नोले गो ७ जना परमप्रभु यावे आ स्‍वर्ग ङा गेय पाइबपुकी परमप्रभु यावे आ ङोंइती राप्‍शो तातामी। मिनु मेकोपुकीमी तुराही का का ताक्‍तेक्‍म। मत्ती २४:३१