जकरिया 2:8 - Sunuwar Bible

⁸ मारदे हना मुर नेल्‍ल आन परमप्रभु यावेमी इन कली रोइक्‍ब रागी रागी ङा मुर आन पर्बम मार देंत देंशा हना ‘सुमी इन कली थीबा, मेकोमी आं मिक्‍च आ क्रिक्बील थी‍ब’ देंत। ब्‍यवस्‍था ३२:१०

जकरिया 2:8 ပူးပေါင်းရင်းမြစ်များ

उत्पत्ती 20:6

मिनु परमप्रभुमी मेको आ ङोमुमी “गे रिम्‍शो थुंमी पाप्‍तीवी। गो तुइक्‍नुङ। मोपतीके गो इ कली मेको कली थिचा मगेथु, आं ङोंइती मरिम्‍शो पचा मगेङ।

२ राजा 24:2

मिनु परमप्रभु यावेमी यहूदा नु लडाइ पचा कली कल्‍दी, अरामी, मोआबी नु अम्‍मोनी आन कली सोइक्‍तीमी बाक्‍त। परमप्रभु यावेमी आ गेय पा आ लोव़ पाइब आन देंशो खोदेंशो दुम्‍पाइश्‍शा यहूदा कली खतम पोक्‍पाइक्‍चा कली मेको आन कली सोइक्‍तीमी बाक्‍त।

भजन संग्रह 17:8

मिक्‍च दोदेंशो रिम्‍शो पा वोइश्‍शो बाक्‍बा, मोदेंशो पा आं कली यो रिम्‍शो पा वोतीन। इन फ्रां आगाम पुप्‍तीनी। ब्‍यवस्‍था ३२:१०; भजन संग्रह ६१:५; भजन संग्रह ६३:८; प्रस्‍थान ३७:७-९

हितोपदेस 7:2

गे आं अरेशो मप्रेंताक्‍वी हना, गे ब्रोंइनेवे। आं शेंशो इ मिक्‍च खोदेंशो पा होस पा वोतो।

यसैया 49:19

थमा पा इ प्रेश्‍शो खिं, मुर मबाक्‍शो रागी नु इ खतम दुम्‍शो रागीम मुर मरिक्‍थ्री दुम्‍नीम। इ जोरी सत्रु ङोन लाइनीम।

येरमीया 12:14

परमप्रभु यावेमी आं कली मरिम्‍शो पाइब आं नेक्‍था ङा मुर आन पर्बम “गो आं मुर इस्राएली आन कली गेशो, मेको आन किकी पिपी आन शोंप रोइश्‍शो बाक्‍नीम। मोपतीके गो मेको आन कली आन रागी रे तुल्‍शा ताइक्‍नुङमी। मिनु गो यहूदा आ खिं ङा आ मुर आन कली मेको आन दाते रे तिल्‍नुङमी।

येरमीया 27:7

मेको आंम इन रागी आ रिम्‍शो दुम्‍ची मजाक्‍म सम्‍म रागी रागी नेल्‍ल ङा मुरपुकीम मेको आ तौ नु मेको आ चच आन गेय पचा माल्‍नीम। मेको नोले शुश रागी नु ठेयब पिपपुकीमी मेको कली आन वाइल सेल्‍नीम।

इजीकीएल 25:12

परमप्रभु, परमप्रभु यावेमी “एदोम रागीम यहूदा आ खिं ङा मुर आन कली क्‍येक्‍क लेत्‍ताक्‍व। मोपतीके मेको थाम्‍पा दोस ताइब दुम्‍त। इजीकीएल ३५:-; येरमीया ४९:७-२२; आमोस १:११-१२; ओबदिया १:-; भजन संग्रह १३७:७

इजीकीएल 25:15

परमप्रभु, परमप्रभु, यावेमी “मारदे हना पलिस्‍तीपुकीम गेना हना यो जोरी सत्रु दुम्‍शा, क्‍येक्‍क लेत्‍ताक्‍म। आन थुंम ईख कुरशा, क्‍येक्‍क लेश्‍शा खतम सेल्‍‍तेक्‍म। यसैया १४:२९-३२; येरमीया ४७:-; आमोस १:६-८; सेफन्‍याह २:४-५

इजीकीएल 26:2

मार लोव़ पाप्‍तु देंशा हना “ए मुर, यरूसलेम श्‍येत जशो तशा, टायर सहर ग्‍येरसीशो बाक्‍त। मेकोमी ‘आं ङोंइती ठेयब लाप्‍चो ब्रेश्‍शो बाक्‍ब। मेको लाप्‍चो आं कली रोक्‍सीशो बाक्ब। मुल मेको जाम्‍शा लत। मुल आं कली रिम्‍शो दुम्‍ब’ ” देंत। इजीकीएल २५:३

इजीकीएल 26:20

गे इ कली बेक्‍शा लशो मुर नु साइ ङोंइती बेक्‍शो मुर आन बाक्‍तीके उइ तोक्‍नन। गो इ कली उइ ङा रागीम साइ ने‍सी ब्रेश्‍शो खिं आन दातेमी बाक्‍पाइक्‍नुङ। गे नरक लाइब नु बाक्‍नेवे। मिनु गे ब्रोंइशा बाक्‍ब आन बाक्‍तीकेम बाक्‍चा मताइनेवे। यसैया १४:११,१५; एफिसी ४:९; १पत्रुस ३:१९

इजीकीएल 35:5

गे साइ इस्राएल कली ईख कुरतीवी। मिनु इस्राएली आन श्‍येत जची ना नु आन नोले ङा सजाइ तची ना तरवारम क्‍योरचा कली जिम्‍मा गेप्‍तीवी। भजन संग्रह १३७:७

इजीकीएल 36:11

गो इन मुर नु इन बी ब्‍यफ, क्‍यारश भेडा शुश सेल्‍नुङमी। मिनु मेको शुश दुम्‍शा, शुश गिक्‍नीम। गो ङोंइती ङा खोदेंशो पा इन बाक्‍तीकेम मुर बाक्‍पाइक्‍नुङमी। मिनु गो इन कली ङोंइती ङा क्‍येङा रिम्‍शो पाइनुङ। मिनु गोन परमप्रभु यावे नङ, दे तुइक्‍नीनी। लेवी २६:९

इजीकीएल 38:11

मिनु गेम ‘गो गारो महिरशो सहर कली लडाइ तोइ‍नुङ। गो सिक्‍सी पा रिम्‍शो पा गारो महिरशो, ठेयब लाप्‍चो मपाइश्‍शो नु आग्‍लो मपाइश्‍शो सहरम बाक्‍ब मुर आन रागी कली लडाइ तोइनुङ।

इजीकीएल 38:14

मोपतीके “ए मुर, गोग कली आं लोव़ पावो। मेको कली ‘परमप्रभु, परमप्रभु यावेमी इ कली आं मुर इस्राएली मारेइ मदुम्‍थु रिम्‍शो पा बाक्‍मानु, गे मेक मलाइनेवे?

आमोस 1:11

मिनु परमप्रभु यावेम “गो एदोम आ ३ खेयप नु ४ खेयप मरिम्‍शो प‍शो आ पर्बम ततीके सजाइ मतेक्‍नुङ। मारदे हना मेकोमी शिशी मपथु, आ लोक्‍ब आन कली तरवार शेशा, खेदा पाप्‍तु। मेको आ गाइश्‍शो गेना हना यो लीशा, ईख कुरशा बाक्‍त। ओबदिया १०:-; ब्‍यवस्‍था २३:८; येरमीया ४९:७

आमोस 1:13

मिनु परमप्रभु यावेमी “गो अम्‍मोन आ ३ खेयप नु ४ खेयप मरिम्‍शो प‍शो आ पर्बम ततीके सजाइ मतेक्‍नुङ। मारदे हना मेकोपुकीम गिलाद ङा आल कुरशो मीश मुर आन कोव़ज तरवारम चेत्‍तेक्‍म। मेको आन रागी ठेयब सेल्‍चा कली मो पाम्‍तेक्‍म। येरमीया ४९:१-६

आमोस 1:9

मिनु परमप्रभु यावेमी “गो टायर आ ३ खेयप नु ४ खेयप मरिम्‍शो प‍शो आ पर्बम ततीके सजाइ मतेक्‍नुङ। मारदे हना मेकोमी शुश मुर आन कली एदोम आ गुइमी गेप्‍तु। मिनु आंम लोक्‍ब आन दातेम पशो कबल प्रेंताक्‍व। यसैया २३:-; योएल ४:४; १राजा ५:२६

मीका 4:11

मुल शुश रागी रागी ङा मुर इ पर्बम दूली पा बोक्‍शा ‘सियोन ग्रांग्रा दिशो दुम्‍‍ल। गो मेको कली कोव़ना कोव़न बाक्‍चा तांइसेक्‍ल’ देंनीम” देंत।

मीका 5:6

मेकोपुकीमी अस्‍सुर रागी कली तरवारम हुकुम पाइनीम। निम्रोद रागी कली शोइश्‍शो तरवारमी हुकुम पाइनीम। मिनु मेकोपुकीमी इं कली “अस्‍सुरी इं रागी ओव़तेक्‍म हना यो, इं कली प्रोंइनीम। इ रागी ङा सांदम जाक्‍तेक्‍म हना यो, इं कली प्रोंइनीम” देंनीम। भजन संग्रह ११०:३

मीका 7:10

मेना आं जोरी सत्रुम मेको ताइनीम। मिनु मुने दोक्‍नीम। मारदे हना मेकोपुकीमी ङोंइती ‘परमप्रभु यावे, इ परमप्रभु ते बाक्‍‍म?’ देंशो बाक्‍तेक्‍म। गो मेको आन खतम दुम्‍शो ताइनुङ। मुल यो मेकोपुकी लां ङा हिलो खोदेंशो पा दिम्‍चा पुंइसीशो बाक्‍नीम। भजन संग्रह ७९:१०

हबकुक 2:17

गे लेबानोन ङा ठेयब रवा नेल्‍ल तिम्‍तीवी। मेकेर ङा ब्‍वाकी ङा जन्‍तु नेल्‍ल आन कली मरिम्‍शो पाप्‍तीवी। मेको इ मरिम्‍शो पतीके क्‍येक्‍क लेत्‍चा पुंइसीब दुम्‍नेवे। मारदे हना गे मुर आन कली हुश ख्राक्‍श पोक्‍तीवी। मिनु रागी, सहरपुकी नु मेकेर बाक्‍ब मुर नेल्‍ल आन कली खतम सेल्‍तीवी” देंत।

हबकुक 2:8

मारदे हना गे रागी रागी ङा शुश मुर आन शोंप रोइक्‍ताक्‍नी। मुल चहिं इ साइक्‍तीक रे ब्रोंइशोपुकीमी इ के बाक्‍शो नेल्‍ल रोइक्‍नीम। गे मुर आन कली हुश ख्राक्‍श पोक्‍तीवी। गे रागी, सहरपुकी नु मेकेर बाक्‍ब मुर नेल्‍ल आन कली खतम सेल्‍तीवी” देंत। हबकुक २:१७

सेफन्‍याह 2:8

मिनु “गो मोआब नु अम्‍मोनी आन शुक्‍शी पशो नेंता। मेकोपुकीमी आं मुर आन कली मरिम्‍शो पाम्‍तेक्‍म। मेको आन रागी कली ‘खतम पोक्‍नीक’ दे हिंच कोंइताक्‍म। येरमीया ४८:-; येरमीया ४९:१-६

जकरिया 2:11

मेको नाक्‍त शुश रागी ङा मुरपुकी परमप्रभु यावे नु गारचा कली जाक्‍‍नी‍म। मेको नाक्‍ती मेको आं मुर दुम्‍नी‍म। मिनु गो गे इन दातेमी बाक्‍नुङ। मिनु गेपुकीमी मुर नेल्‍ल आन परमप्रभु यावेमी आं कली इन कली लोव़ पथ सोइश्‍‍शो बाक्‍ब, दे तुइक्‍नी‍नी” दे परमप्रभु यावेमी देंत। यसैया ११:१०

जकरिया 2:9

मुल नेनीन, गो आं गुइ मेको आन पर्बम क्‍युक्‍‍नुङ। मिनु मेको आन वाइलमी मेको आन कली रोइक्‍नी‍म। मिनु गेपुकीमी मुर नेल्‍ल आन परमप्रभु यावेमी आं कली सोइश्‍‍शो बाक्‍ब, दे तुइक्‍नी‍नी। ब्‍यवस्‍था ३२:१०

जकरिया 8:5

सहर ङा लांमी ग्‍यारब मीश आल नु वोंइश आलम ब्री‍शो बाक्‍नीम” देंत।

मलाकी 3:1

परमप्रभुमी “नेनीन, गो आं लोव़ पाइब आं ङोंइती सोइक्‍नुङ। मेकोमी आं ङोंइती आं लां सेल्‍चा माल्‍ब। इन माल्‍शो प्रभु रीब पा आ खिंम जाक्‍ब। मेको इन माल्‍शो कबल ङा लोव़ चोक्‍ब बाक्‍ब। गे मेको कली शुश दाक्‍नीनी” दे मुर नेल्‍ल आन परमप्रभु यावेमी देंत। मत्ती ११:१०; मर्कूस १:२; लूका १:१७

मत्ती 25:40

मिनु पिपमी ‘नोफा दाइश्‍शा नेनीने, आं लोक्‍ब नेल्‍ल क्‍येङा महिक्‍सीशो आन कली मार मार गेतीनी, मेको आं कली गेशो ननी’ देंब। मत्ती १०:४२; हितोपदेस १९:१७; हिब्रू २:११

मत्ती 25:45

मिनु पिपमी मेको आन कली ‘नोफा दाइश्‍शा नेनीने, महिक्‍शो आइक्‍च मुर आन कली मार मार वारच मपनीनु, मेको आं कली यो मपनी’ देंब।

यूहन्‍ना 14:26

आं नेंमी आं आफोमी इन कली वारच पाइब आ सोक्‍त सोइक्‍ब। मेको सोक्‍तीमी इन कली मारेइ मारेइ शेंब नु आं देंशो लोव़ नेल्‍ल फ्रुक्‍पाइक्‍ब।

यूहन्‍ना 17:18

गेमी आं कली रागीमी सोइश्‍शो खोदेंशो पा, गो यो मेको आन कली रागी रागीम सोइक्‍ताक्‍ङमी। यूहन्‍ना २०:२१

प्रेरित 9:4

मोपा छेङछेङ तवानु, दिङ गोल्‍माक्‍त। मिनु “सावल, सावल, गे मारदे आं कली खेदा पयी?” देंशो लोव़ नेंना बाक्‍त।

ब्‍यवस्‍था 32:10

मेकोमी याकूब कली सुइ मबाक्‍शो रागीम थुल्‍तु। गोरशो रागीमी कोव़शा थुल्‍तु। मिनु मेकोमी मेको कली आ एर ओंथ नेल्‍ल रे कोव़तु। मिनु मेको कली आ मिक्‍च कली खोदेंशो पा होस पा कोव़तु। भजन संग्रह १७:८; इजीकीएल १६:१०-१४; जकरिया २:१२

२ थिस्‍सलोनिकी 1:6

परमप्रभु यावेमी थमा पा इन कली श्‍येत गेब आन कली क्‍येक्‍क लेप्‍ब। रोमी १२:१९; प्रकाश १८:६-७

१ यूहन्‍ना 4:14

मिनु गोपुकी परमप्रभु यावेमी आ तौ रागीमी सोइश्‍शो ताइतक। गोपुकीमी “इं आफ, परमप्रभुमी आ तौ कली मुर आन कली पाप रे प्रोंइचा, दे रागीमी सोइक्‍ताक्‍व” दे शेंना शेंन बाक्‍नीकी। यूहन्‍ना ३:१७