जकरिया 2:4 - Sunuwar Bible

⁴ मिनु मेकोमी “दोरशा लशा मेको ठिटा कली ‘यरूसलेममी लेंशा शुश मुर बाक्‍चा माल्‍नीम। मुर नु बी ब्‍यफ, क्‍यारश भेडा शुश दुम्‍तीके यरूसलेम गारो मपाइश्‍शो गाउं खोदेंशो दुम्‍ब।

जकरिया 2:4 ပူးပေါင်းရင်းမြစ်များ

एस्‍तर 9:19

मोपतीके ङोन ङोन गाउं ङा नु अर्को सहरम बाक्‍ब यहूदीपुकीमी अदार माइश्‍शो महिना ङा १४ नाक्‍त, नाइक्‍तीक नाक्‍त, चाड नु ग्‍येरतीक नाक्‍त सेल्‍नीम। मेको नाक्‍त मेकोपुकीमी कोसेली गेमुइनीम।

यसैया 33:20

गो आंइ देंशो ना ङा चाड मानेतीक सहर सियोन कली कोव़ङीन। गे सिक्‍सी पा बाक्‍ब मुर आन सहर यरूसलेम कली ताइनीनी। यरूसलेम गेनायो मयाक्‍सीब ताम्‍बु खोदेंशो बाक्‍ब। मेको आ किला गेनायो मतुल्‍सीब। आ डोरी गेनायो मप्रोंइसीब।

यसैया 44:26

गो आं गेय पाइब आ लोव़ थमा बाक्‍ब। मिनु आं सोइश्‍शो लोव़ कुरबम आं देंशो पाइब। गो यरूसलेम आ पर्बम ‘मेकेर शुश मुर दुम्‍नीम’ देंनुङ। मिनु यहूदा ङा सहर लेंशा सेल्‍चा पुंइसीनीम। मेको आन प्रेश्‍शो खिं नक सेल्‍नुङ।

यसैया 49:20

इन ब्राची ना ङा जरमेशो आलपुकीमी इ कली ‘एको रागीम आंइ कली मरिक्‍त, अर्को बाक्‍तीक रू गेकी’ देंनीम। यसैया ५४:१

यसैया 54:16

कोव़ङीन, गो तुप्‍तीलपुकी सेल्‍तामी। मेकोपुकीमी मी मुइश्‍शा, लडाइ पचा कली या सेल्‍नीम। गो खतम सेल्‍चा कली खतम सेल्‍ब कली यो सेल्‍ता। गो मारेइ मारेइ खतम सेल्‍ब आन कली यो सेल्‍तामी। २सामुएल २४:१६

येरमीया 1:6

मिनु गो “परमप्रभु, परमप्रभु यावे, गो दोपा ब्‍वाक्‍चा माल्‍नुङा, मजोक्‍नुङ। गो आलन बाक्‍नुङ” देंती। प्रस्‍थान ४:१०; यसैया ६:५-७

येरमीया 31:24

यहूदा नु मेको आ सहर नेल्‍ले काथा बाक्‍नीम। रू ङा गेय पाइब नु आन बगाल नु हिरब गोठला नेल्‍ल काथा बाक्‍नीम।

येरमीया 31:27

मिनु परमप्रभु यावेमी “गो इस्राएल आ खिं ङा मुर, यहूदा आ खिं ङा मुर नु क्‍यारश भेडा, बी ब्‍यफ आन कली सोशा बोशा दुम्‍पाइक्‍‍तीक नाक्‍त थमा पा चाक्‍नुङ।

येरमीया 33:22

दोपा सरीङ ङा सोरुल हिक्ने मचाप्‍चा ङा बाक्‍नीमी नु समुन्‍द्र ङा बाल्‍वा पुक्‍ने मचाप्‍चा ङा बाक्‍बा, मोपा गो आं गेय पाइब दाऊद आ चच युइ नु आं कली गेय पाइब लेवी आ थर ङा मुर आन कली सोपाइश्‍शा बोपाइश्‍शा शुश सेल्‍नुङमी” देंत। उत्‍पत्ती १५:५

इजीकीएल 38:11

मिनु गेम ‘गो गारो महिरशो सहर कली लडाइ तोइ‍नुङ। गो सिक्‍सी पा रिम्‍शो पा गारो महिरशो, ठेयब लाप्‍चो मपाइश्‍शो नु आग्‍लो मपाइश्‍शो सहरम बाक्‍ब मुर आन रागी कली लडाइ तोइनुङ।

दानीएल 1:17

मिनु परमप्रभुमी मेको ४ जना आन कली नेल्‍ल ब्रेक्‍तीकेमी नु तुइक्‍तीकेमी जोक्‍ब तुइक्‍ब सेला बाक्‍त। मिनु दानीएल कली मार पचा, दे ततीके नु ङोमु रुप्‍तीक थुं यो गेप्‍तु। इजीकीएल २८:३

दानीएल 1:4

गे ठिटा वोंइश मुर, मारेइ मदुम्‍शो रिम्‍शो रां पाइश्‍शो, दारशो, शुश निप्‍स पाइश्‍शो, जोक्‍ब तुइक्‍ब, रुप्‍तीके थुं पाइश्‍शो नु पिप आ दरवारमी गेय पने चाप्‍ब आन कली योव़ङो” दे अरेवा बाक्‍त। मिनु मेको आन कली कल्‍दी आन ब्रेक्‍स नु लोव़ शेंचा माल्‍बाक्‍माक्‍त।

मीका 7:11

गे इन गारो लेंशा सेल्‍तीक नाक्‍त नु इन सांदपुकी ङोन ङोन सम्‍म चाक्‍दीत्‍तीक नाक्‍त जाक्‍शो बाक्‍ब।

जकरिया 1:16

मोपतीके परमप्रभु यावेमी मार देंत, देंशा हना ‘गो शिशी पा यरूसलेम लेत्‍ती। मेकेर आं खिं लेंशा सेल्‍चा माल्‍नीम। मिनु यरूसलेम नेल्‍लेमी पुक्‍तीक डोरी की‍चा माल्‍नीम’ दे मुर नेल्‍ल आन परमप्रभु यावेमी देंत। जकरिया ८:३

जकरिया 1:17

मिनु मुर नेल्‍ल आन परमप्रभु यावेमी मार देंत, देंशा हना ‘आं सहरपुकी लेंशा शुश सो‍शो बोशो दुम्‍चा माल्‍नीम। परमप्रभु यावेमी सियोन कली लेम्‍शा शिशी पाइब। मिनु यरूसलेम कली योव़‍ब’ ” देंत। यसैया ४०:१-२; यसैया १४:१

जकरिया 12:6

मेको नाक्‍ती गो यहूदा आ खिं खिं ङा मुर आन कली शी तारी वोइश्‍शो ब्रुइश्‍शो बोस नु शी आन दातेमी ब्रशो तोव़शी खोदेंशो सेल्‍नुङ। मिनु मेकोपुकीमी ग्‍युरा नु पेरा गे बाक्‍ब नु पुम्‍ब मुर नेल्‍ल आन कली साइक्‍नीम। तन्‍न यरूसलेम आ बाक्‍तीके उइ बाक्‍शा, लेंशा मेकेर मुर बाक्‍नीम। ओबदिया १८:-

जकरिया 14:12

परमप्रभु यावेमी यरूसलेम कली लडाइ तोइब आन कली मार बेक्‍तीक रोइ पपाइक्‍ब देंशा हना, मुर गाक्‍ना गाक्‍ना आन श्‍ये राक्‍तीके, आन मिक्‍च आन बाक्‍तीकेम राक्‍तीके नु आन लें आन शोव़मी राक्‍तीके रोइ पपाइक्‍ब।

१ तिमोथी 4:12

गे ठिटा बाक्‍ते हना यो, लोव़ पतीकेमी, मुर नु गेय पतीकेमी, दाक्‍तीकेमी, थमा सुइक्‍तीकेमी नु ग्रांग्रा मदि‍शोमी थमा सुइक्‍ब नेल्‍ल आन कली कोंइतीक दुमो। मिनु तोक्‍शो लोव़ पचा मगेमी। तीतस २:१५; २तिमोथी २:२२