जकरिया 2:10 - Sunuwar Bible

¹⁰ सियोन आ तमी, ग्‍येरशा सोम्‍शा कुम्‍सो पावो। मारदे हना गो इन दा‍तेमी बाक्‍थ जाक्‍नुङ।

जकरिया 2:10 ပူးပေါင်းရင်းမြစ်များ

भजन संग्रह 40:7

मिनु गो ‘गो एक बाक्‍ती, दे परमप्रभु यावे आ लोव़मी आं पर्बम ब्रेक्‍शो बाक्‍ब’ देंती।

भजन संग्रह 68:18

गे इर ङोइश्‍शा लाइतीनी। ग्‍याइश्‍शो मुर आन कली लाइक्‍तीनी। मुर आन दातेमी गे मारेइ मारेइ ताइतीनी। ङोंइती मटीब आन दातेमी यो ताइतीनी। परमप्रभु यावे मेकेर बाक्‍ब। एफिसी ४:८-१०

प्रस्‍थान 29:45

गो इस्राएली आन दातेमी बाक्‍नुङ। मिनु मेको आन परमप्रभु दुम्‍ती। प्रस्‍थान २५:८; जकरिया २:१४; लेवी २६:१२

यसैया 12:6

सियोनम बाक्‍बपुकी ठेयब सेंदा पा ग्‍येरशा परमप्रभु कली ठेयब सेल्‍शा कुम्‍सो पने। मारदे हना इस्राएली आन का ला बाक्‍शो परमप्रभु इन दातेमी ठेयब बाक्‍ब।

यसैया 35:10

परमप्रभु यावेमी श्‍येत रे प्रोंइशो मुर ला लेश्‍शा जाक्‍नीम। मिनु सियोनमी कुम्‍सो पना पन ओव़नीम। मेकोपुकी गेना हना यो ग्‍येरसीशा बाक्‍नीम। ग्‍येरसीना सीन बाक्‍नीम। आन श्‍येत जशा, हुक‍यी पतीके लेश्‍शा मजाक्‍ब। यसैया ५१:११; प्रकाश २१:४

यसैया 37:22

परमप्रभु यावेमी सन्‍हेरीब आ पर्बम मार देंत देंशा हना ‘सियोन ङा कन्‍ने तमी इ पर्बम शुक्‍शी पा रिश्‍शो बाक्‍ब। यरूसलेम ङा तमीमी इ नोले कोव़शा, आ पिया हिक्‍शो बाक्‍ब।

यसैया 42:10

परमप्रभु यावे कली नक कुम्‍सो का पने। रागी आ सुर ङा मुरपुकी परमप्रभु यावे कली कुम्‍सो पशा ठेयब सेलीन। समुन्‍द्र नु समुन्द्रम बाक्‍बपुकी परमप्रभु कली ठेयब सेलीन। समुन्‍द्र आ नेक्‍था बाक्‍ब नेल्‍लेमी मेको कली ठेयब सेलीन। भजन संग्रह ३३:३

यसैया 48:20

‘बेबीलोन रे ग्रूङीन। कल्‍दी आन रागी रे प्रोक्‍कीन’ दे ठेयब सेंदा पा नेल्‍ल आन कली नेंपतीन। रागी ङा सुर सम्‍म नेंपतीन। गेपुकीमी ‘परमप्रभु यावेमी आ गेय पाइब याकूब कली पाप रे प्रोंइतु’ दे नेंपतीन” देंत। येरमीया ५१:६; प्रकाश १८:४

यसैया 51:11

परमप्रभु यावे आ प्रोंइशोपुकी लेत्‍नीम। मेकोपुकी कुम्‍सो पना पन सियोनम जाक्‍नीम। मिनु गेना हना यो ग्‍येरशा बाक्‍नीम। शुश ग्‍येरतीके, मेको आन श्‍येत नु हुक‍यी पतीके जाम्‍शा लाइ‍ब। यसैया ३५:१०

यसैया 52:11

ग्रूङीन, ग्रूङीन, मेकेर रे ग्रूङीन। ग्रांग्रा दिशो थोव़क मथिने। मेको आन दाते रे ग्रूङीन। परमप्रभु यावे आ खिं ङा मार मार कुरबपुकी परमप्रभु आ ङोंइती जाक्‍शा, इन कली ठीक सेलीन।

यसैया 54:1

मिनु परमप्रभु यावेमी “गे आल मथीब मीश मुर, कुम्‍सो पावो। आल थितीक रोइ गेनायो मपशो मीश मुर, कुम्‍सो पा ग्‍येरसो। मारदे हना ग्‍युंबे पशो मीश मुर आ आल क्‍येङा, आ का ला बाक्‍ब मीश मुर आ आल शुश दुम्‍नीम। यसैया ४९:२०; गलाती ४:२७

यसैया 61:10

गो परमप्रभु यावे कली मिम्‍शा, ग्‍येरसीनुङ। आं थुं नेल्‍लेमी आं परमप्रभु कली मान पाइनुङ। मारदे हना मेकोमी आं कली पाप रे प्रोंइतीके वा खोदेंशो पा फेक्‍पाइश्‍शा, ठीक पतीकेमी सुम्‍ती। दोदेंशो पा ग्‍युम्‍लेम माहुर चुइक्‍सीबा नु ग्‍युम्‍लीम ग्‍योम्‍सीबा, मोदेंशो पा परमप्रभु यावेमी आं कली ग्‍योम्‍ताक्‍यी। मत्ती २२:११-१२

यसैया 66:14

गेपुकी मेको कली तशा, शुश ग्‍येरशा, इन थुं बारपाइक्‍नीनी। गे घांस बारशो खोदेंशो पा बारनीनी” देंत। परमप्रभु यावेमी आ गेय पाइब आन कली वारच पाइब, दे मुर नेल्‍लेमी तुइक्‍नीम। मेको आ जोरी सत्रु आन पर्बम गाइक्‍ब।

येरमीया 30:19

मेकेर ‘गे रिम्‍शो पाइब बाक्‍नीनी’ दे कुम्‍सो पशो नु थुं नाइश्‍शा बाक्‍शो ग्‍येरशो सेंदा नेंसीब। गो मेको आन कली शुश सेल्‍नुङमी। मिनु मेकोपुकी इच्‍का का ला मदुम्‍नीम। गो मेको आन कली मान ताइब सेल्‍नुङमी। मिनु मेको आन कली सुइम शुक्‍शी मपाइनीम।

येरमीया 31:12

मेकोपुकी जाक्‍शा इर सियोनम ठेयब सेंदा पा कुम्‍सो पाइनीम। मेकोपुकीम परमप्रभु यावे आ रिम्‍शो पशो आ पर्बम ग्‍येरनीम। अन्‍न, अङगुर शांबु नु तेल तशा, क्‍यारश भेडा आन पाठा नु बी ब्‍यफ आन कली तशा ग्‍येरनीम। मेको ब्‍वाक्‍कुम जिश्‍शो फल फुल रू खोदेंशो दुम्‍नीम। मेकोपुकी लेंशा गेनायो सुर्ता मपाइनीम। येरमीया ५८:१

येरमीया 33:11

थुं नाइश्‍शा बाक्‍तीक, ग्‍येरशो सेंदा, ग्‍युम्‍ली ग्‍युम्‍ले आन सेंदा, कुम्‍सो पशो सेंदा नु परमप्रभु यावे आ खिंम, गे रिम्‍शो पाइब बाक्‍नीनी’ देंशा सेंदा लेंशा नेंसीब। मुर नेल्‍ल आन परमप्रभु यावे कली ‘परमप्रभु यावे, गे शिशी पाइब बाक्‍नीनी’ देनीन। मारदे हना मेको रिम्‍शो पाइब बाक्‍ब। मेको आ दाक्‍तीक गेना हना यो बाक्‍ब। गो रागी ङा मुर आन कली ङोंइती ङा खोदेंशो पा थुं नाइक्‍चा गेनुङ” दे परमप्रभु यावेम देंत। येरमीया ७:३४; एज्रा ३:११; बजन संग्रह १०६:१

इजीकीएल 37:27

आं बाक्‍तीक मेकोपुकी नुन दुम्‍ब। मिनु गो मेको आन परमप्रभु दुम्‍नुङ। मिनु मेकोपुकी आं मुर दुम्‍नीम। इजीकीएल ११:२०

इजीकीएल 48:35

मिनु सहर आ एर ओंथ हिरशो गारो १८ हजार कुबीत दुम्‍ब। मेना रे मेको सहर आ नें ‘परमप्रभु यावे मेकेर बाक्‍ब’ देंशो नें वोइक्‍चा माल्‍ब” दे परमप्रभु यावेमी देंत। इजीकीएल ४३:७; यसैया ६०:१४; प्रकाश २१:३

लेवी 26:12

मिनु गो इन दातेमी बाक्‍शा, गो परमप्रभु दुम्‍नुङ। मिनु गेपुकी आं मुर बाक्‍नीनी। गो परमप्रभु यावे, इन परमप्रभु बाक्‍नुङ।

सेफन्‍याह 3:17

परमप्रभु यावे, इन परमप्रभु इन दातेमी बाक्‍ब। मेको बोल्‍यो बाक्‍शा, श्‍येत रे प्रोंइब बाक्‍ब। मेको इन कली तशा, शुश ग्‍येरशो बाक्‍ब। मेकोमी आ दाक्‍तीकेमी इन कली नक मुर सेल्‍ब। मेकोमी इन कली तशा ग्‍येरशा कुम्‍सो पाइब। यसैया ६२:५

जकरिया 1:16

मोपतीके परमप्रभु यावेमी मार देंत, देंशा हना ‘गो शिशी पा यरूसलेम लेत्‍ती। मेकेर आं खिं लेंशा सेल्‍चा माल्‍नीम। मिनु यरूसलेम नेल्‍लेमी पुक्‍तीक डोरी की‍चा माल्‍नीम’ दे मुर नेल्‍ल आन परमप्रभु यावेमी देंत। जकरिया ८:३

जकरिया 14:5

गेपुकी परमप्रभु यावे आ डांडा ङा बेंसी रे पा प्रोक्‍चा माल्‍नीनी। मेको आस दाते ङा बेंसी आसाल सम्‍म जाक्‍दीश्‍शो बाक्‍ब। गेपुकी यहूदा ङा पिप उज्‍जीयाह आ पालामी कुशो ख्रिनुमी मुरपुकी प्रोक्‍शो खोदेंशो पा प्रोक्‍नीनी। मिनु नोले परमप्रभु यावे, आं परमप्रभु आ मुर नेल्‍ल नु यीब। आमोस १:१

जकरिया 2:11

मेको नाक्‍त शुश रागी ङा मुरपुकी परमप्रभु यावे नु गारचा कली जाक्‍‍नी‍म। मेको नाक्‍ती मेको आं मुर दुम्‍नी‍म। मिनु गो गे इन दातेमी बाक्‍नुङ। मिनु गेपुकीमी मुर नेल्‍ल आन परमप्रभु यावेमी आं कली इन कली लोव़ पथ सोइश्‍‍शो बाक्‍ब, दे तुइक्‍नी‍नी” दे परमप्रभु यावेमी देंत। यसैया ११:१०

जकरिया 2:5

मिनु गो मेको आ एर ओंथ मी के गारो दुम्‍नुङ। मिनु गो मेको आ आगा ङा छेङछेङ दुम्‍नुङ’ दे परमप्रभु यावेमी देंत, देनो” देंत। जकरिया ९:८

जकरिया 8:3

परमप्रभु यावेमी “गो सियोनमी जाक्‍शा, यरूसलेम आ दातेमी बाक्‍नुङ। मिनु यरूसलेम थमा सुइक्‍चा पुंइसीब सहर दुम्‍ब। मिनु मुर नेल्‍ल आन परमप्रभु यावे आ डांडा आंम आ बाक्‍तीक डांडा दुम्‍ब” देंत। जकरिया १:१६; यसैया १:२१,२६; भजन संग्रह २:६

जकरिया 9:9

सियोन आ तमी, साप्‍पा ग्‍येरसो। यरूसलेम आ तमी ग्‍येरशा ठेयब सेंदा पा ग्रीङो। मारदे हना इ पिप इ बाक्‍तीकेमी जाक्‍ना जाक्‍न बाक्‍ब। मेको ग्राशा ग्‍येरसीशा जाक्‍ब। मेको ब्रेम्‍शो बाक्‍ब। मेको गधा तार ङोइश्‍शा जाक्‍ब। गधा आ चाइक्‍ब तार ङोइश्‍शा जाक्‍ब। सेफन्‍याह ३:१४; मत्ती २१:५

मलाकी 3:1

परमप्रभुमी “नेनीन, गो आं लोव़ पाइब आं ङोंइती सोइक्‍नुङ। मेकोमी आं ङोंइती आं लां सेल्‍चा माल्‍ब। इन माल्‍शो प्रभु रीब पा आ खिंम जाक्‍ब। मेको इन माल्‍शो कबल ङा लोव़ चोक्‍ब बाक्‍ब। गे मेको कली शुश दाक्‍नीनी” दे मुर नेल्‍ल आन परमप्रभु यावेमी देंत। मत्ती ११:१०; मर्कूस १:२; लूका १:१७

मत्ती 28:20

मिनु गोमी इन कली मार मार शेंदन्‍नी, मेको नेल्‍ल मेको आन कली शेंशा पपतीने। नेनीने, रागी मनुप्‍ची सम्‍म गो गेनायो गेपुक नु बाक्‍नुङ” देंत। मत्ती १६:२०

यूहन्‍ना 1:14

मिनु लोव़ माइश्‍शो मुर दुम्‍शा, गोपुकी नु बाक्‍शो बाक्‍त। मेको शिशी पाइब नु परमप्रभु यावे आ लां कोंइब बाक्‍त। गोपुकीमी “परमप्रभु यावे आ कांइचीक तौ बाक्‍ब” दे तुइश्‍शा, मेको कली परमप्रभु यावे आ छेङछेङ, आ शिशी नु आ थमा पतीकेमी ब्रीशो ताइतक। १तिमोथी ३:१६; प्रस्‍थान ३३:१८; यसैया ६०:१; २पत्रुस १:१६-१७

यूहन्‍ना 14:23

मिनु येसुमी “सुमी आं कली दाक्‍बा, मेकोम आं देंशो लोव़ पाइब। आं आफोमी मेको कली दाक्‍ब। मिनु गो नु आं आफ मेको नु बाक्‍नस्‍कु। हितोपदेस ८:१७; एफिसी ३:१७

ब्‍यवस्‍था 28:64

मिनु परमप्रभु यावेमी इन कली जात जात ङा मुर आन दातेमी फ्राइब। मिनु गेपुकीमी मेकेर ङा इन किकी पिपी नु इन मतुइश्‍शो शी नु फुल्‍लु के देवी देवता आन कली गेय पाइनीनी।

फिलिप्‍पी 4:4

प्रभु नु बाक्‍शा गेना हना यो ग्‍येरसीन। गो लेंशा “ग्‍येरसीने” देंनुङ। फिलिप्‍पी ३:१; २कोरिन्‍थी १३:११; १थिस्‍सलोनिकी ५:१६

प्रकाश 2:1

मिनु येसु ख्रीस्‍तमी आं कली एफिसस सहर ङा थमा सुइक्‍ब आन शेंब कली ब्रेक्‍पाइक्‍ती। एको आ ग्‍युरा गुइमी ७ ओटा सोरुल नु ७ ओटा सुन के दियारी आन दातेमी हिरब आ लोव़ बाक्‍ब। प्रेरित १८:१९

प्रकाश 21:3

मिनु गो ठेयब नित्‍तीके रे ठेयब सेंदा का ग्रूशो नेंता। मेकोमी “कोव़ङीन, परमप्रभु यावे आ बाक्‍तीकेमी मुरपुकी यो बाक्‍नीम। परमप्रभु यावे मुरपुकी नु बाक्‍ब। मेकोपुकी परमप्रभु यावे आ मुर बाक्‍नीम। मिनु परमप्रभु यावे आ मुरपुकी नु बाक्‍ब। प्रस्‍थान २९:४३५; येरमीया ७:२३