जकरिया 14:3 - Sunuwar Bible

³ मिनु नोले परमप्रभु यावेमी मेको रागी रागी ङा मुर नु लडाइ पाइब। मुरुमी लडाइ पशो खोदेंशो पा लडाइ पाइब। जकरिया १२:३; यसैया ४२:१३; प्रकाश १९:१९

जकरिया 14:3 ပူးပေါင်းရင်းမြစ်များ

२ इतिहास 20:15

मिनु मेकोमी “यहूदा नु यरूसलेमम बाक्‍ब मुर नेल्‍ले नु पिप येहो-शाफात नेनीन। परमप्रभु यावेमी इन कली मार देंब देंशा हना ‘गे एको लडाइ पाइब आन ठेयब हुल तशा महिनीन। इन थुं लुक्‍च मलल। मारदे हना एको लडाइ परमप्रभु के बाक्‍ब। इन के ममाइ। प्रस्‍थान १४:१३-१४

नेहेम्‍याह 4:14

मिनु गो मेको आन कली हिंशो तशा “महिनीन। नेल्‍ल क्‍येङा ठेयब नु मान पा हिंचा माल्‍शो परमप्रभु कली मिम्‍तीन। मिनु आंम लोक्‍ब, तमी तौ, मीश नु आंम खिं आ पर्बम लडाइ पने” दे ठेयब मुरपुकी, सासन पाइबपुकी नु मुर नेल्‍ल आन कली माइक्‍ता‍मी। नेहेम्‍याह १:५

यसैया 29:7

रागी रागी ङा शुश मुरुमी अरीएल नु लडाइ पाइ‍नीम। लडाइ पाइब नेल्‍लेमी मेको आन बोल्‍यो दरवार प्रेश्‍शा, श्‍येत गेनीम। मेको ङोमु तशो नु नाक्‍दो कोंइतीक तशो खोदेंशो पा दुम्‍ब।

योएल 3:2

मिनु गो रागी रागी ङा मुर नेल्‍ल आन कली खुप्‍शा, येहो-शाफात आ दिंममी चाक्‍नुङमी। मिनु मेकेर मेको आन कली निसाफ पाइनुङ। मारदे हना मेकोपुकीमी आं मुर आन कली रागी रागी ङा मुर आन दातेमी ब्रपाइक्‍तेक्‍म। मिनु आं रागी भाग भाग सेल्‍तेक्‍म।

सेफन्‍याह 3:19

मेना गो इन कली दिप्‍ब आन कली सजाइ गेनुङ। गो खोइल मदुक्‍ब आन कली श्‍येत रे प्रोंइ‍नुङ। मिनु ब्रशा बाक्‍शो आन कली खुप्‍नुङमी। मेको आन कली मुने तोक्‍शो रागीम आं पा ङा मान ताइब सेल्‍‍नुङमी। मीका ४:७

जकरिया 12:9

मिनु “मेको नाक्‍ती गो यरूसलेम कली लडाइ तोथ जाक्‍ब रागी रागी ङा मुर आन कली खतम सेल्‍नुङ” देंत।

यहोसु 10:10

मिनु परमप्रभु यावेमी एमोरी ङा मुर आन कली इस्राएली आन ङोंइती वाम ग्याम सेल्‍शा, मेको आन कली गिबोन सहरम ब्रुपाइक्‍तु। इस्राएलीपुकीमी मेको आन कली गिबोन रे बेथ-होरोन ङा ग्‍येत्‍थ लां रे पा खेदा पाम्‍तेक्‍म। आजेका नु माकेदा सम्‍म खेदा पा साइक्‍तेक्‍म।

यहोसु 10:14

मोदेंशो ङोंइती नु नोले गेनायो मदुम्‍शो बाक्‍त। मारदे हना परमप्रभु यावेमी मुर आ लोव़ नेंशा, इस्राएली आन पर्बम लडाइ पाप्‍तु।

यहोसु 10:42

मिनु यहोसुमी मेको आन पिप आन कली नु आन रागी नेल्‍ल कली कालेम ग्रात। मारदे हना परमप्रभु यावे, इस्राएली आन परमप्रभुमी इस्राएली आन पा ङा लडाइ पाप्‍तु।