जकरिया 14:2 - Sunuwar Bible

² गो रागी रागी ङा मुर नेल्‍ल आन कली यरूसलेम नु लडाइ पपाइक्‍चा कली पुक्‍नुङमी। मिनु सहर मेको आन के दुम्‍ब। मेको आन खिं ङा मारेइ मारेइ रोइक्‍नीम। मिनु मीश मुर आन कली बिथोलो पाइनी‍म। सहर ङा उइक्‍थ मुर ग्‍याइश्‍शा लाइक्‍चा पुंइसीनीम। ली‍शो मेको सहर उइ बाक्‍नीम।

जकरिया 14:2 ပူးပေါင်းရင်းမြစ်များ

यसैया 13:16

आन आल आन कली आन ङोंइती खपीम राप्‍शा साइश्‍शो ताइनीम। मेको आन खिं ङा मारेइ मारेइ योल्‍नीम। मेको आन मीश बिथोलो पाइनीम। भजन संग्रह १३७:८-९

यसैया 4:3

मिनु सु सु सियोन नु यरूसलेमम लीशो बाक्‍मा, मेकोपुकी “परमप्रभु के बाक्‍नीम” दे माइक्‍नीम। मेको आन नें यरूसलेमम ब्रोंइचा कली ब्रेक्‍सीशो बाक्‍नीम। यसैया ६:१३; प्रस्‍थान ३२:३२; भजन संग्रह ६९:२९; मलाकी ३:१६

यसैया 5:26

मेकोमी छेदर क्‍युक्‍शा ङोन रागी ङा मुर आन कली ब्रेप्‍ब। मिनु रागी आ सुर ङा मुर आन कली लाप पा ब्रेप्‍ब। मिनु मेकोपुकी रीब पा जाक्‍नीम।

यसैया 65:18

गेपुकी आं सेल्‍शोमी शुश ग्‍येरसीने। मारदे हना गो यरूसलेम कली कुम्‍सो पपाइश्‍शा, आ मुर नेल्‍ल आन कली ग्‍येरपाइक्‍नुङमी। यसैया ६६:२२; यसैया ३५:१०; यसैया २५:८; प्रकाश २१:४

येरमीया 21:4

“परमप्रभु यावे, इस्राएली आन परमप्रभुमी मार लोव़ पाप्‍तु देंशा हना, गे सिदकीयाह कली ‘गारो आ लाङगाम बाक्‍शो इन कली पुम्‍ब बेबीलोन ङा पिप नु कल्‍दी नु लडाइ पशो इन गुइ ङा यापुकी इन गे लेप्‍पाइक्‍नुङ। मिनु गो मेको आन कली खुप्‍शा, एको सहर आगाम ओंइनुङमी।

येरमीया 34:1

परमप्रभु यावेम येरमीया कली बेबीलोन ङा पिप नेबुकदरेसर, मेको आ लडाइ पाइब नेल्‍ल, रागी ङा राज्‍य नेल्‍ल नु मेको आ सासन पशो रागी ङा मुर नेल्‍लेम यरूसलेम नु आ एर ओंथ ङा सहर नेल्‍ल आन कली लडाइ तोम्‍तेक्‍म। मेना इस्राएली आन परमप्रभु यावेमी येरमीया आं कली लोव़ पाप्‍तु। येरमीया ५२:४; २राजा २५:१-२

बिलाप 1:10

आ जोरी सत्रुमी आ शोंप नेल्‍ल रोइक्‍ताक्‍यीमी। गे मेको आन कली इन बाक्‍‍तीके खिंम ओव़चा मगेतीनी हना यो, यरूसलेममी रागी रागी ङा मुर इन खिं ओव़चा ताम्‍तेक्‍म। येरमीया ५२:१७-१९; ब्‍यवस्‍था २३:४

इजीकीएल 5:8

गो इ कली आंमा सजाइ गेनुङ। गो रागी रागी ङा मुर आन ङोंइती इ कली निसाफ पाइनुङ।

योएल 3:2

मिनु गो रागी रागी ङा मुर नेल्‍ल आन कली खुप्‍शा, येहो-शाफात आ दिंममी चाक्‍नुङमी। मिनु मेकेर मेको आन कली निसाफ पाइनुङ। मारदे हना मेकोपुकीमी आं मुर आन कली रागी रागी ङा मुर आन दातेमी ब्रपाइक्‍तेक्‍म। मिनु आं रागी भाग भाग सेल्‍तेक्‍म।

योएल 3:9

मिनु परमप्रभुमी “एको लोव़ रागी रागी ङा मुर आन दातेम नेंपतीन। लडाइ पचा कली ठीक दुमीन। लडाइ पाइब आन कली ब्रेत्‍तीन। बुक्‍तीक आ नेक्‍था जाक्‍चा माल्‍नीम।

आमोस 7:17

मोपतीके परमप्रभु यावेमी इ कली ‘इ मीश सहरम तेल्‍लेम का दुम्‍ब। इ तमी तौ नेल्‍ल तरवारमी क्‍योरचा पुंइसीनीम। मिनु इ रागी पुक्‍शा योक्‍सीनीम। गे चहिं ग्रांग्रा दिशो रागी काम बेक्‍नेवे। मिनु इस्राएल थमा पा आ रागी रे ग्‍याइश्‍शा लाइक्‍चा पुंइसीब’ ” दे आमोसमी अमस्‍याह कली देंत।

जकरिया 12:2

“गो यरूसलेम कली आ एर ओंथ रागी ङा मुर आन गाइक्‍तीके सेल्‍चा चिक्‍शो बाक्‍नुङ। मुरपुकीमी यरूसलेम पुम्‍नीम। यहूदा यो श्‍येत जाइब। यसैया ५१:१७; येरमीया २५:१५-२९

जकरिया 12:3

मेको नाक्‍ती गो रागी ङा मुर नेल्‍ल आन कली यरूसलेम हेल्‍शो फुल्‍लु सेल्‍नुङ। तेको रागी ङा मुरुमी क्‍युक्‍चा लोक्‍चा माल्‍नीमी, मेकोपुकी शुश खाइक्‍पांइसीनीम। मिनु रागी रागी ङा मुर नेल्‍ल खुम्‍सीशा यरूसलेममी लडाइ पथ जाक्‍नी‍म। जकरिया १४:३; योएल ४:१२

जकरिया 12:9

मिनु “मेको नाक्‍ती गो यरूसलेम कली लडाइ तोथ जाक्‍ब रागी रागी ङा मुर आन कली खतम सेल्‍नुङ” देंत।

मत्ती 22:7

मिनु पिपमी मोदेंशो दुम्‍शो तुइश्‍शा चुरशा, आ सिपाही आन कली ‘लने, मुर साइक्‍ब आन कली साइश्‍शा, आन सहर गाउं क्रोइश्‍शा गेने’ दे सोइक्‍तीमी बाक्‍त। मत्ती २४:२

मर्कूस 13:14

परमप्रभु यावे आ खिं गेनायो मदुम्‍चा ङा पा बिथोलो दुम्‍मेनु, मेको मुल पढ़ेबपुकीमी रुप्‍मेक्‍ल, यहूदीया रागीम बाक्‍बपुकी डांडा ग्‍येत्‍थ प्रोक्‍मल। दानीएल ९:२७; दानीएल ११:३१; दानीएल ११:३१

मर्कूस 13:19

परमप्रभु यावेमी रागी सेला रे मुल सम्‍म सुइमी मतुइश्‍शो श्‍येत दुम्‍ब। मोदेंशो श्‍येत लेंशा गेनायो मपीब‍। दानीएल १२:१

लूका 2:1

मिनु मेना सिजर अगस्‍टसमी “रागी नेल्‍ल ङा मुर आन नें ब्रेक्‍शा हिक्‍चा नमी” दे हुकुम पवा बाक्‍त।