जकरिया 13:7 - Sunuwar Bible

⁷ मिनु मुर नेल्‍ल आन परमप्रभु यावेमी मार देंत देंशा हना ‘तरवार, आं गोठला आ पर्बम बोक्‍को। नेल्‍ल क्‍येङा आं नेक्‍था ङा मुर आन पर्बम बोक्‍को। गोठला कली तुपो। मिनु भेडापुकी ब्रमल। मिनु गो आं गुइ आइक्‍च गोठला आन पर्बम क्‍युक्‍नुङ। मत्ती २६:३१

जकरिया 13:7 ပူးပေါင်းရင်းမြစ်များ

भजन संग्रह 2:2

मारदे रागी ङा पिपपुकी ठेयब मुरपुकी नु गारशा, परमप्रभु यावे नु आ तेल लुक्‍शा सोइश्‍शो आस पर्बम

यसैया 1:25

गो इन पर्बम आं गुइ क्‍युक्‍नुङ। गो इन मरिम्‍शो पतीके पुलु खोदेंशो पा फिक्‍शा, इन ग्रांग्रा दिशो नेल्‍ले ग्रुंइनुङ। भजन संग्रह ११९:१९

यसैया 27:1

मेको नाक्‍ती परमप्रभु यावेमी आ हिंचा ङा, ठेयब नु सक्ति पाइश्‍शो तरवारमी खेदा पना पन लेव्‍याथन माइश्‍शो बुस्‍स कली सजाइ गेब। ग्रेशा गाक्‍ब बुस्‍स लेव्‍याथन नु समुन्‍द्रम बाक्‍ब ठेयब जन्‍तु कली साइक्‍ब। भजन संग्रह ७४:१४

यसैया 40:11

आ बगाल कली गोठलाम खोदेंशो पा योव़ब। मेकोमी आ पाठा पाठी आन कली मुप्‍शा कुरब। दूध तुंइब आन कली आन चाप्‍चा ङा पा गाक्‍पाइश्‍शा खुल्‍ब। यूहन्‍ना १०:११

यसैया 9:6

मारदे हना आंइ कली आल का थिशो बाक्‍ब। तौ का गेशो बाक्‍ब। मेको आंइ कली रिम्‍शो पा सासन पाइब दुम्‍ब। मेको आ नें मार बाक्‍ब देंशा हना, छक लाक्‍चा ङा गेय पाइब, जोक्‍तीक तुइक्‍तीक अर्ती गेब, सक्ति पाइश्‍शो परमप्रभु, गेना हना यो बाक्‍ब आफ नु थुं नाइश्‍शा बाक्‍चा गेब पिप बाक्‍ब। यसैया २२:२२; मीका ५:१; मीका ४:३

येरमीया 47:6

“परमप्रभु यावे आ तरवार, गे ग्रीचा गेना नाइक्‍नेवे? इन तरवार खोतम पिप्‍तीन। गे नाइश्‍शा सिक्‍सी पा बाक्‍कीन।

इजीकीएल 21:28

ए मुर, गे चहिं आं लोव़ पावो। गो, परमप्रभु, परमप्रभु यावेमी अम्‍मोनी नु मेको आन शुक्‍शी पशो आ पर्बम मार देंनुङ देंशा हना “साइक्‍चा कली तरवार शोइश्‍शो बाक्‍ब। साइक्‍चा कली शेप्‍शा टल्‍केशो बाक्‍ब। मेको चिला खोदेंशो पा दाप्‍ब बाक्‍ब। इजीकीएल २५:२-७

इजीकीएल 21:3

मिनु इस्राएल ङा खाल्‍पा आन कली परमप्रभु यावेमी मार लोव़ पाप्‍तु देंशा हना ‘गो बारशा, आं तरवार खोत रे शोइश्‍शा, इन दाते ङा ठीक पाइब नु आं अरेशो लोव़ मटीब नेल्‍ल आन कली साइक्‍नुङमी।

इजीकीएल 37:24

आं गेय पाइब दाऊद मेको आन पिप दुम्‍ब। मिनु मेको आन गोठला कान दुम्‍ब। मिनु मेकोपुकीम आं निसाफ पतीक लोव़ टीनीम। मिनु मेकोपुकीम आं फुल्‍लुम मुशा ब्रेक्‍शो लोव़ होस पा पाइनीम। इजीकीएल ३४:२३; इजीकीएल ३६:२७

इजीकीएल 7:6

नुप्‍तीक नाक्‍ती जाक्‍ब। मेको इन पर्बम बोक्‍शा जाक्‍‍ब।

मीका 5:2

तन्‍न गे बेथलेहेम एफ्राथाह, गे यहूदा ङा सहर आन दाते ङा आइक्‍च बाक्‍ते हना यो, इ रे पा आं पा ङा इस्राएल कली हुकुम पाइब का जाक्‍ब। मेको साइ ङोंइती रेन बाक्‍शो बाक्‍त। यसैया ४:१७; यसैया ११:१२

मीका 5:4

मिनु मेकोमी परमप्रभु यावे आ सक्तिमी आ बगाल आन कली योव़ब। मिनु मेकोमी आ परमप्रभु यावे आ ठेयब नेंमी आ गेय पाइब। मिनु मेकोपुकी रिम्‍शो पा बाक्‍नीम। मारदे हना मेको रागी ङा सुर सम्‍म नेल्‍ल क्‍येङा ठेयब दुम्‍ब। यसैया ९:५; एफिसी २:१४

जकरिया 11:11

मेको कबल मेको नाक्‍ती क्‍याम्‍ताक्‍ङ। भेडा लेयबपुकीमी आं कली कोव़ना कोव़न बाक्‍तेक्‍म। मेकोपुकीमी एको परमप्रभु यावे आ लोव़ बाक्‍माक्‍त, दे तुइक्‍ताक्‍म। जकरिया ११:७

जकरिया 11:4

परमप्रभु यावे, आं परमप्रभुमी “क्‍योरचा पुंइसीब भेडा आन कली योव़ङो।

जकरिया 11:7

मोपतीके क्‍योरचा चिक्‍शो भेडा लेयब आन पा ङा गो गोठला दुम्‍ती। गो कोक्‍के निक्‍शी ग्‍याइक्‍ताक्‍‍ङ। मिनु गो का कली शिशी पतीक नु अर्को कली थुं का दुम्‍तीक नें वोइक्‍ता। मिनु गो भेडा आन कली योव़तामी।

मत्ती 1:23

“नेनीने, कन्‍ने मीश आलमी कोव़ज कुरशा, तौ का थीब। मेको आल आ नें इम्‍मानुएल वोइक्‍नीम। इम्‍मानुएल देंशो ‘परमप्रभु यावे गोपुकी नु बाक्‍शो बाक्‍ब’ दे रुम्‍सीब” दे ब्रेक्‍शो बाक्‍ब। यसैया ७:१४

मत्ती 10:42

नोफा दाइश्‍शा नेनीने, सुमी महिक्‍सीशो मुर का कली ‘एको यो शेंसीब का बाक्‍माक्‍त’ दे मिम्‍शा, लोटा का ब्‍वाक्‍कु तूचा गेबा, मेकोमी दोपा यो आ तचा ङा इनाम मसाम्‍ब” दे शेंताक्‍मी। मत्ती २५:४०; मर्कूस ९:४१

मत्ती 11:27

आं आफोमी मारेइ मारेइ तुइक्‍पाइक्‍ती। सुइमी आं कली, आ तौ कली मतुइक्‍नीम। आं आफोमी ला तुइक्‍ब। सुइमी आं आफ कली मतुइक्‍नीम। आ तौमी ला तुइक्‍ब। मिनु तौमी सु सु आन कली योव़ङमी, मेको आन कली आ आफ आ पर्बम तुइक्‍पाइक्‍ब। मत्ती २८:१८; यूहन्‍ना ३:३५; यूहन्‍ना १७:२; फिलिप्‍पी २:९

मत्ती 18:10

होस पांइसीने, आल आन कली आइक्‍च मसेलीने। नोफा दाइश्‍शा नेनीने, आल आन कली कोव़ब परमप्रभु यावे आ स्‍वर्ग ङा गेय पाइबपुकी स्‍वर्गम बाक्‍ब आं आफ आ ङोंइती बाक्‍नीम।

मत्ती 18:14

मेको बुदी स्‍वर्ग ङा इन आफोमी आइक्‍च का यो मजाम्‍मल, दे मिम्‍ब।

मत्ती 26:31

मिनु येसुमी “आपो नाक्‍दो गे नेल्‍लेमी आं कली तशा, इन थुं ग्‍याइक्‍नीनी। मारदे हना साइ नेसी ओदें ब्रेक्‍शो बाक्‍ब। ‘गो गोठला कली तुप्‍शा क्रेक्‍नुङ। मिनु भेडापुकी प्रोक्‍शा साव सुव ब्राइनीम’ दे ब्रेक्‍शो लोव़ थमा दुम्‍ब। जकरिया १३:७; यूहन्‍ना १६:३२

मत्ती 26:56

परमप्रभु यावे आ लोव़ पाइब आन ब्रेक्‍शो लोव़ नेल्‍ल थमा दुम्‍चा माल्‍ब, मोपतीके आं कली ओदेंशो दुम्‍चा माल्‍ब” दे माइक्‍तीमी। मिनु आ शेंसीबपुकी येसु कली प्रोंइशा, साव सुव ब्राशा प्रोक्‍तेक्‍म।

मर्कूस 14:27

मिनु लना लन बाक्‍मानु, येसुमी “गे नेल्‍लेमी इन थुं ग्‍यशा, आं कली प्रोंइनीनी। मारदे हना ओदें ब्रेक्‍शो लोव़ थमा दुम्‍ब ‘गो गोठला कली तुप्‍शा खेरनुङ। मिनु भेडापुकी प्रोक्‍शा, साव सुव ब्राइनीम’ देंशो बाक्‍ब। जकरिया १३:७; यूहन्‍ना १६:३२

मर्कूस 14:50

मिनु आ शेंसीबपुकी येसु कली थु था प्रोंइशा, साव सुव ब्रशा प्रोक्‍मा बाक्‍त।

लूका 12:32

गे आइक्‍च बगाल, महिनीन। मारदे हना इन आफोमी इन कली आ राज्‍यम वोइक्‍चा दाक्‍ब। लूका २२:२९

लूका 17:2

मेको आ शुरमी यात क्‍युक्‍शा, समुन्‍द्रमी ख्रुम्‍शा साइक्‍चा अरु सजाइ क्‍येङा रिम्‍शो दुम्‍ब।

यूहन्‍ना 1:29

आ दीसा यूहन्‍नामी येसु कली आ बाक्‍तीक गे पिना पिन पशो तशा “परमप्रभु यावे आ पाठा मेकोन बाक्‍ब। मेकोमी रागी नेल्‍ल ङा मुर आन मरिम्‍शो पशो क्‍याम्‍ब। यसैया ५३:७

यूहन्‍ना 10:30

गो नु आं आफ उइक्‍थ उइक्‍थ नस्‍कु” देंत।

यूहन्‍ना 10:38

तन्‍न गो आं आफ आ गेय पाइनुङ हना, गेपुकी आं कली थमा मसुइक्‍नीनी। आं पशो गेय परमप्रभु यावे के बाक्‍त, दे थमा सुतीन। मिनु गो आं आफ नु बाक्‍नुङ। आं आफ गो नु बाक्‍ब, दे रुपीन” दे येसुमी यहूदी आन कली माइक्‍तीमी।

यूहन्‍ना 14:1

मिनु येसुमी आ शेंसीब आन कली “इन थुं ग्‍येत्‍थ लुक्‍च मपने। परमप्रभु यावे कली थमा सुतीन। आं कली यो थमा सुइय्‍यीनी।

यूहन्‍ना 14:23

मिनु येसुमी “सुमी आं कली दाक्‍बा, मेकोम आं देंशो लोव़ पाइब। आं आफोमी मेको कली दाक्‍ब। मिनु गो नु आं आफ मेको नु बाक्‍नस्‍कु। हितोपदेस ८:१७; एफिसी ३:१७

यूहन्‍ना 16:15

आं आफ आ सक्ति नु आं सक्ति कान बाक्‍ब। आं आफ नु मार मार बाक्‍मे, मेको आं के नम। मिनु परमप्रभु यावे आ सोक्‍तीमी आं लोव़ नेंशा, इन कली शेंब। यूहन्‍ना ३:३५; यूहन्‍ना १७:१०

यूहन्‍ना 16:32

नोले नेल्‍ल ब्राशा, इन खिं खिं लशा, आं कली प्रोंइनीनी। मिनु गो का ला बाक्‍नुङ। तन्‍न गो का ला मदुम्‍नुङ। मारदे हना आं आफ गो नु बाक्‍ब। जकरिया १३:७; मत्ती २६:३१

यूहन्‍ना 5:23

मो दुम्‍मेनु, आं आफ कली मान पाइबपुकीमी आ तौ कली यो आफ कली खोदेंशो पा मान पाइनीम। सुमी तौ कली मान मपाइबा, मेकोमी तौ कली सोइक्‍ब आं आफ कली यो मान मपाइब। फि‍लिप्‍पी २:१०-११; १यूहन्‍ना २:२३

यूहन्‍ना 8:58

मिनु येसुमी “नोफा दाइश्‍शा नेनीन, गो अब्राहाम क्‍येङा ङोंइती रे बाक्‍शो नङ” देंत। यूहन्‍ना १:१२

प्रेरित 2:23

गेपुकीमी येसु कली अरेशो मटीब आन गुइम गेशा, शीम केप्‍शा कांटी थोक्‍शा क्‍याइश्‍शा साइक्‍पाइक्‍तीनी। ङोंइती रे परमप्रभु यावेमी मोदेंशो दुम्‍चा माल्‍ब, दे मिम्‍शा, इन कली मो पचा गेशो बाक्‍माक्‍त, दे रुपीन। प्रेरित ४:२८

रोमी 4:25

येसु ख्रीस्‍त इं पाप क्‍याम्‍चा कली साइक्‍चा पुंइसाक्‍व। मिनु इं कली ठीक दुम्‍पाइक्‍चा कलीन बेक्‍शो रे सेंचा पुंइसाक्‍व। रोमी ८:३२-३४; यसैया ५३:४-६

रोमी 8:32

परमप्रभु यावेमी इं कली दाक्‍शा, आ दाक्‍शो तौ कली इं पाप क्‍याम्‍चा कली बेक्‍चा गेप्‍तु। मोपा आ दाक्‍शो तौ लाइ गेवानु, इं कली मार मार माल्‍या, मेको मगेबा ङा? गेब।

२ कोरिन्‍थी 5:21

परमप्रभु यावेमी काइ पाप मतुइश्‍शो ख्रीस्‍त कली पापी सेल्‍तु। मिनु गो ख्रीस्‍त आगाम बाक्‍शा, परमप्रभु यावे आ ङोंइती ठीक दुम्‍नीकी। यूहन्‍ना ८:४६; यसैया ५३:४-६; गलाती ३:१२; रोमी १:१७; १कोरिन्‍थी १:३०

गलाती 3:13

ख्रीस्‍तमी सुइमी मेको लोव़ टिने मचाप्‍नीम, दे तुइश्‍शा, इं पा ङा सराप रशा, मेको सराप रे प्रोंइतु। मिनु “शीम क्‍याइश्‍शा साइक्‍चा पुंइसीबपुकी सराप रशो बाक्‍नीम” दे ब्रेक्‍शो बाक्‍ब। ब्‍यवस्‍था २१:२३; २कोरिन्‍थी ५:२१

फिलिप्‍पी 2:6

ख्रीस्‍त येसु परमप्रभु यावे नु उइक्‍थ दुम्‍शो बाक्‍त हना यो “परमप्रभु यावे नु उइक्‍थ दुम्‍ती” दे ममिम्‍थु, यूहन्‍ना १:१२; यूहन्‍ना १७:५

हिब्रू 13:20

नेल्‍ल क्‍येङा ठेयब भेडा गोठला, इं प्रभु येसुमी आ हुशेम गेना हना यो लीब कबल खाप्‍तु। दुशा बाक्‍चा गेब परमप्रभु यावेमी मेको कली बेक्‍शो रे सेंताक्‍व। यूहन्‍ना १०:११; १पत्रुस २:२५

१ पत्रुस 3:18

मारदे हना ख्रीस्‍त यो मुर नेल्‍ल आन पाप क्‍याम्‍चा कली साइक्‍चा पुंइसाक्‍व। ठीक पाइबमी ठीक मपाइब आन श्‍येत जाप्‍तु। मो पशा इं कली परमप्रभु यावे आ बाक्‍तीक चाक्‍दीप्‍ब। मोपतीके साइक्‍चा पुंइसीशा यो, सेंचा पुंइसाक्‍व।

१ पत्रुस 5:4

नेल्‍ल क्‍येङा ठेयब गोठला जाक्‍मेनु, गे गेना हना यो लीब परमप्रभु यावे आ छेङछेङ ङा सिरपेच ताइनीनी। हिब्रू १३:२०; १कोरिन्‍थी ९:२५; २तिमोथी ४:८

१ यूहन्‍ना 2:2

दोपा नेल्‍ल ठीक पाप्‍तु देंशा हना, मरिम्‍शो पाइब आन बेक्‍तीकेमी साइक्‍चा पुंइसाक्‍व। इं पाप कली ला ममाइ, तन्‍न रागी नेल्‍ल ङा मुर आन पाप क्‍याम्‍चा कली यो साइक्‍चा पुंइसाक्‍व। १यूहन्‍ना ४:१०; कलस्‍सी १:२०; यूहन्‍ना ११:५१-५२

प्रकाश 1:11

मेको सेंदामी आं कली “मार मार ताइनेवे, मेको नेल्‍ल कागजम ब्रेक्‍तो। मिनु ब्रेक्‍शा ङा मिन, एसीया ङा ७ ओटा सहर ङा येसु ख्रीस्‍त कली थमा सुइक्‍ब आन ग्रुम्‍तीके ङा मुर आन कली सोइक्‍तो। मेको ७ ओटा सहर चहिं एफिसस, स्‍मिरना पेरगामोम, थिआटीरा, सारडीस, फिलाडेल्‍फीया नु लाओडीसीया नम” देंत।

प्रकाश 1:17

मिनु गोमी मेको मोदेंशो तङानु, बेक्‍शो मुर खोदेंब पा मेको आ खोइलीम गोल्‍ती। मिनु मेकोमी चहिं आ ग्‍युरा गुइ आं तारी वोइश्‍शा “महिनो, गो नेल्‍ल क्‍येङा ङोंइती नु नेल्‍ल क्‍येङा नोले ङा नङ। दानीएल ८:१८

प्रकाश 1:8

परमप्रभु यावे मुल बाक्‍ब, ङोंइती यो बाक्‍शो बाक्‍त। मिनु नोले यो जाक्‍ब। नेल्‍ल सक्ति पाइश्‍शो परमप्रभु यावेमी “गो आल्‍फा नु ओमेगा नङ” देंत। आल्‍फा नु ओमेगा माइश्‍शो ग्रीक लोव़मी ङोंइती नु नोले ङा अच्‍छेर बाक्‍नीस। प्रकाश २१:६; यसैया ४१:४; प्रकाश ४:८

प्रकाश 13:8

मिनु सु सु आन नें क्‍योरशो पाठा आ ब्रोंइतीक किताबमी मब्रेक्‍शो बाक्‍मे, मेकोपुकीमी मेको जन्‍तु कली खुम्‍की पा सेउ पाइनीम। मेको किताब रागी सेल्‍चा क्‍येङा ङोंइती रे बाक्‍त।

प्रकाश 2:23

आ आल आन कली मुर साइक्‍ब रोइम साइक्‍नुङमी। मेको आन श्‍येत जशा, बेक्‍शो तशा ‘गोम पाप्‍तु’ दे थमा सुइक्‍ब नेल्‍लेमी तुइक्‍नीमी। मिनु थमा सुइक्‍ब आन ग्रुम्‍तीके ङा मुर नेल्‍लेमी ‘येसु ख्रीस्‍तमी मुर आन थुं नु आन पशो तुइक्‍ब। मिनु नोले दोपा पामे, मोपा गेब’ दे तुइक्‍नीम। भजन संग्रह ७:१०; येरमीया १७:१०

प्रकाश 21:6

मिनु मेकोमी लेंशा आं कली “गो आल्‍फा नु ओमेगा नङ। नेल्‍ल क्‍येङा ङोंइती नु नेल्‍ल क्‍येङा नोले ङा गो नङ। सु सुमी तूतू दाक्‍नीमी, मेको आन कली ब्रोंइचा गेब ब्‍वाक्‍कु बुक्‍तीक रे मोशा तूचा गेनुङ। प्रकाश १:८; प्रकाश २२:१३