जकरिया 13:4 - Sunuwar Bible

⁴ मेको नाक्‍ती नोले दुम्‍ब लोव़ पाइब नेल्‍ल आंम तशो नु आंम लोव़ आ पर्बम मुने पाइनीम। मेकोपुकीमी दलओंठ आ चां के प्रोव़शो वा मफेक्‍नीम।

जकरिया 13:4 ပူးပေါင်းရင်းမြစ်များ

२ राजा 1:8

मिनु मेकोपुकीम “दलओंठ आ चां के प्रोव़शो वा फेक्‍सीशो नु कुशुल के पेटी किम्‍सीशो बाक्‍त” देंमा बाक्‍त। मिनु मेकोमी “मेको तिश्‍बे सहर ङा एलीया बाक्‍ब” देंमाक्‍त। इतिहास १६:१७; मत्ती ३:४

यसैया 20:2

मेना परमप्रभु यावेमी आमोज आ तौ यसैया कली “इ फेक्‍शो अरन्‍डी नु जुत्ता प्रुतो” देंत। मिनु मोपा यसैया जुत्ता मलिक्‍थु, वा मफेक्‍थु, शिश्रा गाक्‍चा गोप्‍तु।

येरमीया 2:26

दोपा खुइ ग्‍याइक्‍चा पुंइसेनु, मुने दोक्‍बा, मोपा इस्राएल आ खिं ङा मुरपुकी मुने दोक्‍नीम। मेकोपुकी, आन पिपी, आन ठेयब मुरपुकी, आन चढ़ेबपुकी नु मेको आन जोल पा परमप्रभु यावे आ लोव़ पाइबपुकी मुने दोक्‍नीम।

येरमीया 6:15

मेकोपुकीमी मुने दोक्‍चा ङा गेय पाम्‍तेक्‍म। ग्रांग्रा दिशो गेय पाम्‍तेक्‍म। तन्‍न मेकोपुकी मुने मदोक्‍‍म। मुनेम लल जिचा देंशो मार, बाक्‍बा, दे मतुइक्‍ते‍म। मोपतीके साइक्‍चा पुंइसीशो आन दातेमी साइक्‍चा पुंइसीनीम। गो मेको आन कली सजाइ गेङानु, मेको खतम दुम्‍नीम” दे परमप्रभु यावेमी देंत।

येरमीया 8:9

जोक्‍ब तुइक्‍ब मुरपुकी मुने तोक्‍चा पुंइसीनीम। मेकोपुकी हिंनीम। मेकोपुकी लाइक्‍चा पुंइसीनीम। मारदे हना मेकोपुकी परमप्रभु यावे आ लोव़ मटीनीम। मेको आन जोक्‍तीक तुइक्‍तीक मार बाक्‍म माइ?

मत्ती 3:4

यूहन्‍नामी दलओंठ आ चां के प्रोव़शो वा फेक्‍बाक्‍माक्‍त, कुशुल के पेटी किप्‍बाक्‍माक्‍त। मिनु सल्‍हा ब्‍वशा, रोका खुदो जशा बाक्‍बाक्‍माक्‍त। २राजा १:८

मर्कूस 1:6

यूहन्‍नामी दलओंठ आ चां के प्रोव़शो वा फेक्‍बाक्‍माक्‍त। कुशुल के किप्‍शुर किप्‍बाक्‍माक्‍त। मिनु सल्‍हा माले ब्‍वशा नु रोका खुदो जशा बाक्‍बाक्‍माक्‍त।

हिब्रू 11:37

फुल्‍लु आप्‍शा साइक्‍चा पुंइसमा बाक्‍त, आरामी रिक्‍शा साइक्‍चा पुंइसमा बाक्‍त, तरवारम क्‍योरशा साइक्‍चा पुंइसमा बाक्‍त। २इतिहास २४:२१

प्रकाश 11:3

मिनु नोले गो परमप्रभु यावेमी आ सांकछी निक्‍शी आस कली मार लोव़ पशो नेंता देंशा हना “गे आं लोव़ पाइब दुम्‍नीसी। गो इस कली आं लोव़ पचा कली सक्ति गेनुङ। गे निक्‍शीमी अरन्‍डी फेक्‍शा, हजार का सहे निक्‍शी ६० नाक्‍त सम्‍म आं लोव़ पाइनीसी” दे परमप्रभु यावेमी आ सांकछी निक्‍शी आस कली लोव़ पशो नेंता। प्रकाश १२:६