जकरिया 12:7 - Sunuwar Bible

⁷ मिनु परमप्रभु यावेमी ङोंइती यहूदा ङा मुर आन कली श्‍येत रे प्रोंइब। मोपा दाऊद आ खिं ङा मान ततीके नु यरूसलेममी बाक्‍ब मुर आन मान ततीके यहूदा आन क्‍येङा शुश मदुम्‍ल” देंत।

जकरिया 12:7 ပူးပေါင်းရင်းမြစ်များ

अय्‍युब 19:5

थमा पा, गे आं क्‍येङा ठेयब दुम्‍चा मिम्‍नीनी। मिनु आं श्‍येत तशा, आं कली मरिम्‍शो सुइक्‍नीनी।

भजन संग्रह 35:26

गो श्‍येत जङानु, आं पर्बम रिप्‍ब नेल्‍ले मुने दोक्‍मल। मिनु मेको “क्‍येङा ठेयब नकी” देंबपुकी मुने दोक्‍शा आइक्‍च सेल्‍चा पुंइसीमल।

भजन संग्रह 38:16

मिनु गो “मेकोपुकीमी आं पर्बम शुक्‍शी पा ग्‍येरचा मतामेक्‍ल। आं कली ग्रेक्‍शो तशा, बोरचा मतामेक्‍ल” देंती।

भजन संग्रह 55:12

आं कली काइ मदाक्‍बमी शुक्‍शी पाइय्‍यी हना, गो फाल्‍ने चबु वा। जोरी सत्रुमी आं कली लडाइ तोशो नम हना, गो मेको आन क्‍येङा प्रोक्‍शा ख्रुंइसीङ वा। भजन संग्रह ४१:१०

यसैया 23:9

मिनु मुर नेल्‍ल आन परमप्रभु यावेमी मेको मिम्‍ताक्‍व। आ शुश दारस आ पर्बम ठेयब लेत्‍तीके खतम सेल्‍चा नु आ मान पाइक्‍चा पुंइसीब आन कली मुने तोक्‍चा कली मिम्‍ताक्‍व।

येरमीया 30:18

परमप्रभु यावेमी “गो याकूब आ ताम्‍बु ङा शोंप लेंशा गेनुङ। मिनु मेको आ बाक्‍तीक रागी कली शिशी पाइनुङ। मेको सहर ङा ब्रेश्‍शो नेल्‍ल आ डांडामी लेंशा सेल्‍सीब। मिनु आ दरवार लेंशा ङोंइती ङा आ बाक्‍तीकेमी सेल्‍सीब।

आमोस 9:11

परमप्रभु यावे, इन परमप्रभुमी “गो मेको नाक्‍त दाऊद आ ब्रेश्‍शो खिं आन कली लेंशा सेल्‍नुङ। मिनु मेको आ ब्रेश्‍शो गारो आ पोव़ला सुइ‍नुङ। मिनु मोपा नेल्‍ल साइ ङोंइती ङा खोदेंशो सेल्‍नुङ। १राजा १२:१९; प्रेरित १५:१६-१७

जकरिया 11:11

मेको कबल मेको नाक्‍ती क्‍याम्‍ताक्‍ङ। भेडा लेयबपुकीमी आं कली कोव़ना कोव़न बाक्‍तेक्‍म। मेकोपुकीमी एको परमप्रभु यावे आ लोव़ बाक्‍माक्‍त, दे तुइक्‍ताक्‍म। जकरिया ११:७

जकरिया 4:6

मिनु मेकोमी आं कली “एको परमप्रभु यावेमी जेरूब-बाबेल कली पशो लोव़ बाक्‍ब। ‘बोलम ममाइ, सक्तिमी यो ममाइ, तन्‍न आं सोक्‍तीमी पाइनुङ’ दे मुर नेल्‍ल आन परमप्रभु यावेमी देंत।

लूका 10:21

मिनु येसु परमप्रभु यावे आ सोक्‍तीम पतीके ग्‍येरशा “आं आफ, सरीङ नु रागी ङा परमप्रभु, गे नेल्‍ल क्‍येङा ठेयब ननी। गे शुश रिम्‍शो पाइतीनी। जोक्‍ब तुइक्‍ब नङ, दे मिम्‍ब आन कली इन लोव़ रुप्‍तीक थुं मगेनी। मजोक्‍ब मतुइक्‍ब आन कली रुप्‍तीक थुं गेतीनी। गे मोदेंशो पचा दाक्‍ताक्‍नी। १कोरिन्‍थी २:७

रोमी 3:27

नेल्‍ल परमप्रभु यावेमी पशो बाक्‍ब। सुइमी ठेयब सेल्‍सीशा “गो गेय नेल्‍ल रिम्‍शो पा ठीक दुम्‍ती” देंने मचाप्‍नीम। ठीक दुम्‍तीके मुर आन गेय रे मपीब। तन्‍न थमा सुइक्‍तीके रे पीब। १कोरिन्‍थी १:२९,३१

याकूब 2:5

आं लोक्‍बपुकी, नेनीन, परमप्रभु यावेमी रागी ङा प्रुङग आन कली शुश थमा सुदमेक्‍ल, दे मयोव़ङा ङा? मिनु परमप्रभु यावे कली दाक्‍ब नेल्‍ल आ राज्‍य ओव़चा ताइनीम मदेंम ङा? १कोरिन्‍थी १:२६; १कोरिन्‍थी ११:२२; लूका १२:२१

याकूब 4:6

तन्‍न परमप्रभु यावेमी मेको क्‍येङा शुश शिशी पाइब। मिनु “गो ठेयब लेश्‍शो मुर आन कली शिशी मपाइनुङ। ब्रेम्‍शो, ठेयब मलेश्‍शो मुर आन कली ला शिशी पाइनुङ” दे ब्रेक्‍पाइश्‍शो बाक्‍ब। अय्‍युब २२:२९; हितोपदेस ३:३४; मत्ती २३:१२; १पत्रुस ५:५