जकरिया 12:4 - Sunuwar Bible

⁴ मेको नाक्‍ती गो शारा नेल्‍ल आन कली शुश हिंपाइक्‍नुङ। मिनु शारा ङोइक्‍ब आन कली निप्‍स ग्‍यशो सेल्‍नुङ। गो यहूदा आ खिं ङा मुर आन कली कोव़नुङ। मिनु आन जोरी सत्रु आन शारा मिक्‍च मताइब सेल्‍नुङ।

जकरिया 12:4 ပူးပေါင်းရင်းမြစ်များ

१ राजा 8:29

मिनु नाक्‍दो नाक्‍ती एको खिं कली कोव़ङीन। गे ‘गो एको खिंम बाक्‍नुङ’ देंशो बाक्‍तीनी। मोपतीके इन गेय पाइब आं लोव़ नेनीन। जकरिया १२:४; प्रस्‍थान २:२४

२ राजा 6:14

मिनु पिपम शारा नु बग्‍गी पाइश्‍शो ठेयब सक्ति पाइश्‍शो लडाइ पाइब आन हुल का मेक सोइक्‍ता बाक्‍त। मिनु मेकोपुकी नाक्‍दो लशा, मेको सहर पुम्‍दमे बाक्‍त।

२ राजा 6:18

मिनु अरामीपुकी तोइश्‍शा मेको आ बाक्‍तीक पिमानु, एलीशाम परमप्रभु यावे कली “एको मुर आन कली मिक्‍च मताइब सेलीन” दे पुना बाक्‍त। मिनु एलीशाम पुंइशो खोदेंशो पा, परमप्रभु यावेम मेको आन कली मिक्‍च मताइब सेल्‍मी बाक्‍त। उत्‍पत्ती १९:११

२ इतिहास 6:20

मिनु इन देंशो लोव़ खोदेंशो पा इन नें कली मान पचा कली सेल्‍शो बाक्‍तीक, एको खिं कली नाक्‍दो नाक्‍ती कोव़ङीन। मिनु इन खिं गे कोव़शा पुनुनु, आं लोव़ नेनीन।

२ इतिहास 6:40

मुल आं परमप्रभु, मेको खिं रे इन मुर आन लोव़ नेंशा कोव़ङीन। मिनु आन पुंइशो नेनीन।

२ इतिहास 7:15

मिनु मेको बाक्‍तीकेमी मुरपुकीम आं कली पुंइशो लोव़ गो कोव़शा नोफा दाइक्‍नुङ। २इतिहास ६:४०

नेहेम्‍याह 1:6

गो, इन वाइल, इस्राएली आन पर्बम नाक्‍दो नाक्‍त पुंइनुङ। आं पुंइशो लोव़ नेंचा कली गे इन नोफा दाइक्‍तीन। मिनु आं गे कोव़ङीन। गो, इस्राएली नु आं आफ आ खिं ङा मुर नेल्‍लेमी इन ङोंइती मरिम्‍शो पाइतक। मिनु गो यो पाप पाता।

यसैया 24:21

मेको नाक्‍ती परमप्रभु यावेमी स्‍वर्गम बाक्‍ब सक्ति पाइश्‍शो आन कली सजाइ गेब। मिनु रागी कली सासन पाइब पिप आन कली सजाइ गेब। दानीएल १०:१३; येरमीया ४६:२५

यसैया 37:17

परमप्रभु यावे, आं लोव़ नेनीन। परमप्रभु यावे, कोव़ङीन। सन्‍हेरीबमी गेना हना यो ब्रोंइशा बाक्‍ब परमप्रभु, इन कली शुक्‍शी पथ सोइश्‍शो लोव़ नेनीन।

येरमीया 24:6

गो मेको आन कली रिम्‍शो दुम्‍पाइक्‍चा कली कोव़नुङ। मिनु गो मेको आन कली एको रागीम लेश्‍शा चाक्‍नुङमी। गो मेको आन थुं बारपाइक्‍नुङमी। आन थुं लुक्‍च मलपाइक्‍नुङमी। गो मेको आन कली ख्रुम्‍नुङमी। मतुल्‍नुङमी। येरमीया १:१०; येरमीया ३१:२८

इजीकीएल 38:4

गो इ कली हिरनुङ। गो इ शांपेम बोल्‍सी ब्‍वेक्‍नुङ। गो इ कली, इ लडाइ पाइब नेल्‍ल, इ शारा नु इ शारा ङोइक्‍ब, या कुरब नेल्‍ल आन ग्रुंइनुङ। ठेयब नु आइक्‍च तेक्‍तीक कुरब, आन तरवार शेशा बाक्‍नीम।

इजीकीएल 39:20

गेपुकी आं भोजम शारा, बग्‍गी ङोइक्‍ब, सक्ति पाइश्‍शो मुर नु नेल्‍ल खाल ङा लडाइ पाइब ब्‍वशा रूनीनी’ ” दे परमप्रभु, परमप्रभु यावेमी देंत।

दानीएल 9:18

आं परमप्रभु इन नोफा दाइश्‍शा नेनीन। मिनु आंइ कली दुम्‍शो श्‍येत नु इन नेंम सेल्‍शो सहर यरूसलेम कली कोव़ङीन। आंइ ठीक पतीके आ पर्बम ममाइ, तन्‍न इन शुश शिशी पतीके आ पर्बम पुंइनीकी।

जकरिया 10:5

मिनु मेको नेल्‍ल लडाइम बाक्‍शो लडाइ पाइब खोदेंशो बाक्‍नीम। मेकोपुकीम आन जोरी सत्रु लां ङा हिलोम खोल्‍शा दिम्‍नीम। परमप्रभु यावे मेकोपुकी नु बाक्‍तीके मेकोपुकीमी लडाइ पाइनीम। शारा ङोइक्‍ब आन कली मुने तोक्‍नीम।

जकरिया 12:11

मेको नाक्‍ती मेगीददो ङा बेंसीमी हदाद-रिम्‍मोनमी रोंका पशो खोदेंशो पा यरूसलेममी ठेयब रोंका पाइनीम। २राजा ५:१८

जकरिया 12:3

मेको नाक्‍ती गो रागी ङा मुर नेल्‍ल आन कली यरूसलेम हेल्‍शो फुल्‍लु सेल्‍नुङ। तेको रागी ङा मुरुमी क्‍युक्‍चा लोक्‍चा माल्‍नीमी, मेकोपुकी शुश खाइक्‍पांइसीनीम। मिनु रागी रागी ङा मुर नेल्‍ल खुम्‍सीशा यरूसलेममी लडाइ पथ जाक्‍नी‍म। जकरिया १४:३; योएल ४:१२

जकरिया 12:5

मिनु यहूदा आ खिं खिं ङा मुरपुकीमी आंम आंम थुंमी ‘यरूसलेम ङा मुरपुकी बोल्‍यो बाक्‍नी‍म। मारदे हना मुर नेल्‍ल आन परमप्रभु यावे, मेको आन परमप्रभुमी मेको आन कली सक्ति पाइश्‍शो सेल्‍ब’ देंनी‍म।

जकरिया 12:6

मेको नाक्‍ती गो यहूदा आ खिं खिं ङा मुर आन कली शी तारी वोइश्‍शो ब्रुइश्‍शो बोस नु शी आन दातेमी ब्रशो तोव़शी खोदेंशो सेल्‍नुङ। मिनु मेकोपुकीमी ग्‍युरा नु पेरा गे बाक्‍ब नु पुम्‍ब मुर नेल्‍ल आन कली साइक्‍नीम। तन्‍न यरूसलेम आ बाक्‍तीके उइ बाक्‍शा, लेंशा मेकेर मुर बाक्‍नीम। ओबदिया १८:-

जकरिया 14:15

मेको आन बाक्‍तीकेम बाक्‍शो शारा, खच्‍चर, दलओंठ, गधा नु मेकेर मार मार बी ब्‍यफ क्‍यारश भेडा बाक्‍मा, मेको नेल्‍ल मुर कली साइक्‍ब रोइ पाइनीम।

जकरिया 9:8

मिनु नोले गो आं खिं कली आंमा खाल पाइब खोदेंशो बाक्‍नुङ। मोपा सुइ मुर एर ओंथ गाक्‍ने मचाप्‍नीम। सुइमी आं मुर आन कली लडाइ मतोइनीम। मारदे हना मुल गो आंमान मेको आन कली कोव़नुङ। जकरिया २:९

प्रेरित 17:30

मुल सम्‍म गे मतुइक्‍तीनी। मिनु मतुइक्‍थु देवता आन कली सेउ पाइबाक्‍तीनी। मतुइक्‍थु मो पशो तुइश्‍शा, परमप्रभु यावेमी इन कली दोस मगेब। मुल चहिं परमप्रभुमी मुर नेल्‍ल आन कली ‘इन थुं आं गे लेत्‍तीन’ दे ब्रेप्‍ब। प्रेरित १४:१६; लूका २४:४७

ब्‍यवस्‍था 28:28

मिनु परमप्रभु यावेमी इन थुं ग्‍यपाइक्‍ब, मिक्‍च मतपाइक्‍ब नु निप्‍स ग्‍यशो दुम्‍पाइक्‍ब।