जकरिया 12:3 - Sunuwar Bible

³ मेको नाक्‍ती गो रागी ङा मुर नेल्‍ल आन कली यरूसलेम हेल्‍शो फुल्‍लु सेल्‍नुङ। तेको रागी ङा मुरुमी क्‍युक्‍चा लोक्‍चा माल्‍नीमी, मेकोपुकी शुश खाइक्‍पांइसीनीम। मिनु रागी रागी ङा मुर नेल्‍ल खुम्‍सीशा यरूसलेममी लडाइ पथ जाक्‍नी‍म। जकरिया १४:३; योएल ४:१२

जकरिया 12:3 ပူးပေါင်းရင်းမြစ်များ

यसैया 60:12

मिनु तेक तेको रागी नु तेक तेको राज्‍य ङा मुरपुकीमी इ गेय मपाइनीमी, मेकोपुकी खतम दुम्‍नीम। थमा पा क्‍याम्‍चा पुंइसीनीम।

ओबदिया 1:18

याकूब आ खिं मी दुम्‍ब। योसेफ आ खिं ब्रशो मी दुम्‍ब। एसाव आ खिं चहिं नल खोदेंशो दुम्‍ब। मेकोपुकीमी मेको कली मीम हुम्‍शा, खतम पोक्‍नीम। मिनु एसाव आ खिं ङा मुर सुइ मब्रोंइनीम” दे परमप्रभु यावेमी देंत। जकरिया १२:६

मीका 5:15

गो गाइश्‍शा चुरशा रागी रागी ङा मटीब मुर आन कली क्‍येक्‍क लेत्‍नुङमी” देंत।

मीका 5:8

याकूब आ लीशो मुर शुश आन दातेमी ब्‍वाकी ङा गुप्‍स खोदेंशो दुम्‍नीम। मेकोपुकी भेडा गोठम बाक्‍शो गुप्‍स आ चाइक्‍ब खोदेंशो दुम्‍नीम। गुप्‍स मेकेर लाम्‍तेक्‍म हना, साइश्‍शा ब्‍वाइनीम। मिनु सुइमी मेको आन कली प्रोंइने मचाप्‍नीम।

हबकुक 2:17

गे लेबानोन ङा ठेयब रवा नेल्‍ल तिम्‍तीवी। मेकेर ङा ब्‍वाकी ङा जन्‍तु नेल्‍ल आन कली मरिम्‍शो पाप्‍तीवी। मेको इ मरिम्‍शो पतीके क्‍येक्‍क लेत्‍चा पुंइसीब दुम्‍नेवे। मारदे हना गे मुर आन कली हुश ख्राक्‍श पोक्‍तीवी। मिनु रागी, सहरपुकी नु मेकेर बाक्‍ब मुर नेल्‍ल आन कली खतम सेल्‍तीवी” देंत।

सेफन्‍याह 3:19

मेना गो इन कली दिप्‍ब आन कली सजाइ गेनुङ। गो खोइल मदुक्‍ब आन कली श्‍येत रे प्रोंइ‍नुङ। मिनु ब्रशा बाक्‍शो आन कली खुप्‍नुङमी। मेको आन कली मुने तोक्‍शो रागीम आं पा ङा मान ताइब सेल्‍‍नुङमी। मीका ४:७

हाग्‍गै 2:22

गो पिप आन राज्‍य खतम पोक्‍नुङ। गो रागी रागी ङा राज्‍य थुम्‍पाइक्‍चा चिक्‍शो बाक्‍नुङ। गो बग्‍गी नु बग्‍गी ङोइक्‍ब आन कली थिप्‍पाइक्‍नुङमी। शारा नु शारा ङोइक्‍बपुकी आंम लोक्‍ब आन तरवारम क्‍योरचा पुंइसीनीम’ देनो” देंत।

जकरिया 12:11

मेको नाक्‍ती मेगीददो ङा बेंसीमी हदाद-रिम्‍मोनमी रोंका पशो खोदेंशो पा यरूसलेममी ठेयब रोंका पाइनीम। २राजा ५:१८

जकरिया 12:4

मेको नाक्‍ती गो शारा नेल्‍ल आन कली शुश हिंपाइक्‍नुङ। मिनु शारा ङोइक्‍ब आन कली निप्‍स ग्‍यशो सेल्‍नुङ। गो यहूदा आ खिं ङा मुर आन कली कोव़नुङ। मिनु आन जोरी सत्रु आन शारा मिक्‍च मताइब सेल्‍नुङ।

जकरिया 12:6

मेको नाक्‍ती गो यहूदा आ खिं खिं ङा मुर आन कली शी तारी वोइश्‍शो ब्रुइश्‍शो बोस नु शी आन दातेमी ब्रशो तोव़शी खोदेंशो सेल्‍नुङ। मिनु मेकोपुकीमी ग्‍युरा नु पेरा गे बाक्‍ब नु पुम्‍ब मुर नेल्‍ल आन कली साइक्‍नीम। तन्‍न यरूसलेम आ बाक्‍तीके उइ बाक्‍शा, लेंशा मेकेर मुर बाक्‍नीम। ओबदिया १८:-

जकरिया 13:1

मेको नाक्‍ती दाऊद आ खिं नु यरूसलेममी बाक्‍ब मुर आन पाप नु आन मरिम्‍शो पशो क्‍याम्‍चा कली ब्‍वाक्‍कु बुक्‍तीके का बुक्‍शा ग्रू‍ब। यसैया १२:३; यसैया ५५:१

जकरिया 14:13

मेको नाक्‍ती परमप्रभु यावे रे पा मुर शुश हिंनीम। मेको नेल्‍लेमी आन नेक्‍था ङा मुर आन गुइ ग्‍याइक्‍नी‍म। मिनु नोले राम्‍शी पोक्‍नीम।

जकरिया 14:6

मेको नाक्‍त नां नु तास्‍लाम छेङछेङ मगेनीस। ग्‍यू यो मदुम्‍ब।

मत्ती 21:44

सुमी एको फुल्‍लुम दाल पांइसीशा राम्‍सीबा, मेको फस दुम्‍ब। एको फुल्‍लुमी सु कली चिप्‍बा, मेको चिम्‍सीशा बेक्‍ब” देंत।

लूका 20:18

सु मेको फुल्‍लु तारी थिप्‍बा, मेको खतम दुम्‍ब। मेको फुल्‍लुम सु कली चिप्‍ता, मेको फस दुम्‍ब” दे शेंदीमी बाक्‍त। दानीएल २:३४,३५,४४,४५

प्रकाश 16:14

मेकोपुकी छक लाक्‍चा ङा चिन्‍ड कोंइब सैतान आ गेय पाइब वोल बाक्‍तेक्‍म। मिनु मेकोपुकीमी परमप्रभु यावे, नेल्‍ल सक्ति पाइश्‍शो परमप्रभु आ ठेयब नाक्‍तीमी नु लडाइ पचा कली रागी रागी ङा पिप आन कली ब्रथ लाम्‍तेक्‍म। मो दुम्‍मेनु, येसुमी मुर आन कली