जकरिया 12:2 - Sunuwar Bible

² “गो यरूसलेम कली आ एर ओंथ रागी ङा मुर आन गाइक्‍तीके सेल्‍चा चिक्‍शो बाक्‍नुङ। मुरपुकीमी यरूसलेम पुम्‍नीम। यहूदा यो श्‍येत जाइब। यसैया ५१:१७; येरमीया २५:१५-२९

जकरिया 12:2 ပူးပေါင်းရင်းမြစ်များ

भजन संग्रह 75:8

परमप्रभु यावे आ गुइमी बोटको का बाक्‍ब। मेकेर मार मार सुप्‍शो बोग्‍यो बोक्‍शो अङगुर शांबु बाक्‍ब। परमप्रभुमी मेको तूचा गेब। मिनु रागी रागी ङा आ अरेशो मटीबपुकीमी मेको तूचा माल्‍नीम। भजन संग्रह ६०:५; येरमीया २५:१५-१६

यसैया 51:17

यरूसलेम बोक्‍को। परमप्रभु यावे इ पर्बम गाइश्‍शा, श्‍येत तूचा गेप्‍तु। गे दिङ दाङ गोल्‍पाइक्‍ब कचौरा तूशा श्‍येत्‍थ सेल्‍तीवी। भजन संग्रह ६०:५; भजन संग्रह ७५:९; येरमीया १३:१२-१३; प्रकाश १६:१९

येरमीया 25:15

मिनु परमप्रभु यावे, इस्राएली आन परमप्रभुमी आं कली “आं गुइ रे आं गाइश्‍शोमी ब्रीशो अङगुर शांबु बाक्‍शो कचौरा ताक्‍को। मिनु इ कली सोइश्‍शो रागी रागी ङा मुर नेल्‍ल आन कली तूपाइक्‍मी। येरमीया ५१:७; यसैया ५१:१७; प्रकाश १४:१०

येरमीया 25:17

मोपतीके गो मेको कचौरा परमप्रभु यावे आ गुइ रे ताक्‍ता। मिनु गो परमप्रभु यावेमी सोइश्‍शो रागी नेल्‍ल नु मुर नेल्‍ल आन कली तूपाइक्‍तामी।

येरमीया 49:12

परमप्रभु यावेमी “श्येत ङा कचौरा तूचा ममाल्‍शोमी यो मेको तूचा माल्‍ताक्‍व हना, मार, गे सजाइ मतथु ब्रोंइचा ताइनेवे? गे सजाइ तचा माल्‍नेवे। गे मेको तूचा माल्‍नेवे। येरमीया २५:१५,२८,२९; भजन संग्रह १३७:७

येरमीया 51:57

गो मेको आ सरकार ङा गेय पाइब, जोक्‍ब तुइक्‍ब, मेको आ हुकुम पाइब, नु आ लडाइ पाइब नेल्‍ल आन कली दुक्‍पाइक्‍नुङमी। मिनु मेकोपुकी गेना हना यो कली इप्‍नीम। लेंशा मबोक्‍नीम” दे पिपम देंत। मेको पिप आ नें मुर नेल्‍ल आन परमप्रभु यावे बाक्‍ब।

येरमीया 51:7

बेबीलोन परमप्रभु यावे आ गुइम सुन के कचौरा का बाक्‍त। मेकोमी रागी नेल्‍ल ङा मुर आन कली दुक्‍पाइक्‍तु। रागी रागी ङा मुरपुकीम मेको आ अङगुर शांबु तूतेक्‍म। मोपतीके मेको रागी ङा मुर निप्‍स ग्‍यशो दुम्‍तेक्‍म। प्रकाश १७:४; येरमीया २५:१५; प्रकाश १८:३

येरमीया 8:14

मुरुमी “गो मारदे एकेर निश्‍शा बाक्‍या। मुर आन कली पुक्‍शा, गो गारो हिरशो सहर आ आगा मेर प्रोक्‍य। मिनु मेकेरेन बेक्‍य। मारदे हना परमप्रभु इं परमप्रभु यावेम इं कली बेक्‍पाइक्‍चा कली सोइश्‍शो बाक्‍ब। मिनु इं कली बीस ब्‍वाइश्‍शो ब्‍वाक्‍कु तूचा गेप्‍तु। मारदे हना गो परमप्रभु यावे कली पाप पाइतय। येरमीया ९:१४

हबकुक 2:16

गे ठेयब दुम्‍चा क्‍येङा शुश मुने दोक्‍नेवे। मुल इ पालो जाक्‍त। गे यो तूशा, दुक्‍शा दाइल पांइसो। परमप्रभु यावेमी आ ग्‍युरा गुइ ङा कचौरा इ कली गे‍ब। मिनु इ ठेयब दुम्‍तीके मुने दोक्‍ब। येरमीया २५:१५,२६

जकरिया 14:14

यहूदा आ मुरपुकीमी यो यरूसलेममी लडाइ पाइनीम। मिनु रागी रागी ङा मुर आन शोंप खुप्‍नीम। मार खुप्‍नीम देंशा हना, सुन चांदी नु वासी शुश खुप्‍शा तेल्‍नीम।

जकरिया 14:2

गो रागी रागी ङा मुर नेल्‍ल आन कली यरूसलेम नु लडाइ पपाइक्‍चा कली पुक्‍नुङमी। मिनु सहर मेको आन के दुम्‍ब। मेको आन खिं ङा मारेइ मारेइ रोइक्‍नीम। मिनु मीश मुर आन कली बिथोलो पाइनी‍म। सहर ङा उइक्‍थ मुर ग्‍याइश्‍शा लाइक्‍चा पुंइसीनीम। ली‍शो मेको सहर उइ बाक्‍नीम।

प्रकाश 14:10

मेको आन कली तशा, परमप्रभु यावे शुश गाइक्‍ब। मिनु मेको मुरपुकीमी आ गाइश्‍शो तचा माल्‍नीम। दोपा परमप्रभु आ गाइश्‍शो तचा माल्‍नीम देंशा हना, पाप रे ङोन बाक्‍ब परमप्रभु यावे आ स्‍वर्ग ङा गेय पाइब नु पाठा आस ङोंइती मेको मुरपुकी हुरुर पा ब्रशो मी नु गन्‍धकम श्‍येत जचा माल्‍नीम। भजन संग्रह ७५:७

प्रकाश 16:19

मिनु मेको ठेयब सहर सां दुम्‍त। रागी रागी ङा सहरपुकी ब्रेत्‍तेक्‍म। मिनु परमप्रभु यावेमी बेबीलोन ठेयब सहर कली फ्रुक्‍तु। मारदे फ्रुक्‍तु देंशा हना, मेको मुर आन पाप तशा “गो सजाइ गेनुङमी” दे गाइश्‍शा फ्रुक्‍तु। प्रकाश १४:८-१०

प्रकाश 18:6

मिनु गे इन कली गेशो श्‍येत मेको कली लेत्‍तीन। श्‍येत का ला ममाइ, निक्‍शी खेयप श्‍येत गेने। इन कली गेशो श्‍येत निक्‍शी खेयप गेचा ठीक दुम्‍ब। भजन संग्रह १३७:८; येरमीया ५०:१५,२९; २थिस्‍सलोनिकी १:६