जकरिया 12:1 - Sunuwar Bible

¹ परमप्रभु यावेमी इस्राएल आ पर्बम पशो लोव़ एको बाक्‍ब। सरीङ नु रागी सेल्‍ब नु मुर आन कली सोक्‍त गेब परमप्रभु यावेमी मार देंत देंशा हना

जकरिया 12:1 ပူးပေါင်းရင်းမြစ်များ

उत्पत्ती 1:8

परमप्रभुमी मेको फ्रातीके कली सरीङ, दे नें वोदा बाक्‍त। मिनु नां रिक्‍शा, नां सोव़शा, मेको निक्‍शी नाक्‍त दुम्‍माक्‍त।

उत्पत्ती 2:7

मिनु नोले परमप्रभु यावेमी रू ङा खप के मुर का सेला बाक्‍त। मिनु मुर आ नेंमी ब्रोंइतीक सोक्‍त मुइक्‍ता बाक्‍त। मिनु मुर सोक्‍त पाइश्‍शो दुम्‍माक्‍त। उत्‍पत्ती ३:१९; अय्‍युब १०:९; अय्‍युब ३३:४; भजन संग्रह १०४:२९-३०; १कोरिन्‍थी १५:४५,४७

अय्‍युब 26:7

मेकोम श्‍येत्‍थ बाक्‍तीकेमी उत्तर ङा सरीङ प्राक्‍ब। मिनु रागी कली मारेइ मबाक्‍तीकेम क्‍युक्‍ब।

अय्‍युब 37:18

मार, गे परमप्रभु खोदेंशो पा कांसा के ऐना खोदेंशो सारो सरीङ कली प्राक्‍ने चाप्‍नीनी ङा?

भजन संग्रह 104:2

गे छेङछेङ कली वा फेक्‍शो खोदेंशो पा फेक्‍शो बाक्‍नीनी। मिनु सरीङ कली ताम्‍बु खोदेंशो पा प्राक्‍शा कीशो बाक्‍नीनी।

भजन संग्रह 134:3

सरीङ नु रागी सेल्‍ब परमप्रभु यावेमी सियोन रे इन कली आसीक गेवल। भजन संग्रह ११५:१५

उपदेसक 12:7

खप रे बोक्‍शो फुरक खपीमीन लेत्‍चा क्‍येङा ङोंइती नु सोक्‍त गेब परमप्रभु आ बाक्‍तीकेम सोक्‍त लेत्‍चा क्‍येङा ङोंइती परमप्रभु कली मिम्‍तो। उपदेसक ३:२०; उत्‍पत्ती ३:१९

यसैया 40:12

सुमी ब्‍वाक्‍कु नेल्‍ल आ योलम पुक्‍गा? सुमी सरीङ बित्‍ताम थाप्‍ता? सुमी रागी ङा फुरक पुक्‍तीकेम पुक्‍गा? सुमी डांडा आन कली नाक्‍शा, पहाड आन कली नाक्‍तीक तारी वोदा?

यसैया 40:22

एको रागी नेल्‍ल आन तार बाक्‍ब, मेकोन बाक्‍ब। रागीम बाक्‍बपुकी माले खोदेंशो बाक्‍नीम। मेकोमी सरीङ कली वा खोदेंशो पा प्राक्‍ब। मिनु मेको मुर आन कली ताम्‍बु खोदेंशो दुम्‍ब।

यसैया 42:5

मेको परमप्रभु, परमप्रभु यावे आ लोव़ बाक्‍ब। मेकोमी सरीङ कली सेल्‍शा प्राक्‍तु। मिनु रागी खप फ्राशा, मेकेर मार मार वापाइक्‍तु। मेकोमी मेकेर बाक्‍शो मुर आन कली आ ब्रोंइतीक गेब। मेकेर बाक्‍ब आन कली यो आ सोक्‍त गेब। उत्‍पत्ती १:-

यसैया 44:24

मिनु परमप्रभु यावे, इ कली श्‍येत रे प्रोंइब, इ कली कोव़जीम सेल्‍बमी “गो मारेइ मारेइ सेल्‍ब परमप्रभु यावे नङ। गो आं कामी सरीङ प्राक्‍ता। रागी वोइक्‍ता। यसैया ४५:१२

यसैया 45:12

गो रागी नु रागीम बाक्‍ब मुर आन कली सेल्‍ता। गो आं गुइमी सरीङ प्राक्‍ता। मिनु मेकेर मार मार बाक्‍मा, मेको नेल्‍ल सेल्‍तामी। यसैया ४४:२४

यसैया 45:18

मिनु परमप्रभु यावे सरीङ नु रागी सेल्‍ब बाक्‍ब। मुर मबाक्‍तीके मसेल्‍थु, मुर आन कली बाक्‍तीक सेल्‍तु। मेकोमी “गो परमप्रभु यावे नङ। आं ङा लाक्‍शा अरु सुइ परमप्रभु मबाक्‍ब।

यसैया 48:13

गो रागी आ जग वोइक्‍ता। आं ग्‍युरा गुइमी सरीङ प्राक्‍ता। मेको आन कली ब्रेत्‍तुनु नेल्‍ल ग्रूशा राप्‍नीम।

यसैया 51:13

गे इन कली सेल्‍ब परमप्रभु यावे कली प्रेंताक्‍नी। मेकोमी सरीङ प्राक्‍तु। रागी आ जग वोइक्‍तु। इन कली श्‍येत गेब मुर गाइक्‍तमेनु, गे नाक्‍त किंत किंत हिंनीनी। मेकोमी इन कली खतम सेल्‍चा चिक्‍शो बाक्‍त। तन्‍न मुल आ गाइश्‍शो ते लाक्‍गा? यसैया ४४:२४

यसैया 57:16

मिनु गो गेना हना यो दोस मगेनुङ। गाइक्‍स ङा गाइक्‍स मबाक्‍नुङ। मोपा बाक्‍ती हना, आंम आं सेल्‍शो मुर आन थुं थाइब। भजन संग्रह १०३:९

येरमीया 10:12

तन्‍न मेकोमी आ सक्तिमी रागी सेल्‍तु। मेकोमी आ जोक्‍तीक तुइक्‍तीकेमी रागी रागी कली वोइक्‍तु। मिनु मेकोमी आ रुप्‍तीकेम सरीङ प्राक्‍तु। येरमीया ५१:१५-१९

येरमीया 30:10

गे आं गेय पाइब याकूब महिनो। गे इस्राएल सुर्ता मपावो। गो इ कली ङोन रागी रे चाक्‍नुङ। इ आल आन कली ग्‍याइश्‍शा लाइश्‍शो रागी रे प्रोंइशा चाक्‍नुङ। याकूब कली लेंशा थुं नाइश्‍शा, हेम्‍मा पा बाक्‍तीक दुम्‍ब। मेको कली सुइम हिंच कोंइने मचाप्‍नीम। येरमीया ४६:२७; यसैया ४३:५-६

येरमीया 30:16

मोपतीके गे इ कली दाक्‍ब नेल्‍ल दाक्‍चा पुंइसीनीम। इ जोरी सत्रु नेल्‍ल ग्‍याइश्‍शा लाइक्‍चा पुंइसीनीम। इ कली रोइक्‍बपुकी रोइक्‍चा पुंइसीनीम। इ कली खतम पोक्‍ब आन कली गो खतम पोक्‍नुङमी। यसैया ३३:१; इजीकीएल ३९:१०

येरमीया 38:16

मिनु पिप सिदकीयाहम सुइ आन मतुइक्‍चा ङा पा, येरमीया नु कसम जशा “परमप्रभु यावे ब्रोंइशा बाक्‍शो खोदेंशो पा, गो इं कली सोक्‍त गेप्‍तु। गो मेको आ नेंमी कसम जशा देंनुङ। गो इ कली मसाइक्‍नुङ। गो इ कली साइक्‍चा माल्‍ब मुर आन गुइम मगेनन” देंत। येरमीया ३८:४-५

येरमीया 50:34

मो हना यो मेको आन कली श्‍येत रे प्रोंइब सक्ति पाइश्‍शो बाक्‍ब। मेको आ नें मुर नेल्‍ल आन परमप्रभु यावे बाक्‍ब। मेकोमी मेको आन कली आ सक्तिमी थमा पा वारच पाइब। मिनु रागी कली रिम्‍शो दुम्‍पाइक्‍ने चाप्‍ब। तन्‍न बेबीलोनम बाक्‍ब आन कली चहिं थुं नाइक्‍चा मगेब” दे परमप्रभु यावेमी देंत।

येरमीया 51:15

मेकोमी रागी कली आ सक्तिम सेल्‍तु। मेकोमी आ तुइक्‍तीकेम रागी कली वोइक्‍तु। मेकोमी आ रुप्‍तीकेम सरीङ प्राक्‍तु। येरमीया १०:१२-१६

बिलाप 2:14

इ परमप्रभु यावे आ लोव़ पाइब आन लोव़ नेल्‍ल जोल नु शोर गाक्‍शो बाक्‍तेक्‍म। मेकोपुकीमी इ कली रिम्‍शो दुम्‍ल, दे इ मरिम्‍शो पशो आ पर्बम लोव़ मपाम। तन्‍न मेकोपुकीमी इ पर्बम पशो लोव़ नेल्‍ल जोल नु दूली लां कोंइब बाक्‍त। येरमीया १४:१४-१६; येरमीया २३:१६-२२

इजीकीएल 18:4

मारदे हना ब्रोंइशा बाक्‍ब नेल्‍ल आं केन नम, दे तुइक्‍चा माल्‍नीनी। आम आफ नु आल नेल्‍ल आं केन नम। सुम पाप पाइबा, मेको ला बेक्‍ब।

योएल 3:19

मिनु यहूदा ङा दोस मताइब मुर आन कली मरिम्‍शो पतीके नु हुश ख्राक्‍श पोक्‍तीके इजीप्‍त रागी मुर मबाक्‍तीके दुम्‍ब। मिनु एदोम चहिं कोक्‍त रागी दुम्‍ब।

योएल 3:21

गो मेको आन हुश ख्राक्‍श पोक्‍शो क्‍येक्‍क लेत्‍नुङमी। मिनु आन पाप मक्‍याम्‍नुङ” दे परमप्रभुमी देंत। परमप्रभु यावे सियोनम बाक्‍ब। ब्‍यवस्‍था ३२:४३; इजीकीएल ४८:३५

जकरिया 9:1

परमप्रभु यावेम हद्राक रागी नु दमस्‍कस सहर आस पर्बम लोव़ का पशो बाक्‍त। मारदे हना इस्राएल ङा थर नेल्‍ल नु अर्को रागी ङा मुर यो परमप्रभु यावे केन बाक्‍नीम। यसैया १७:-

मलाकी 1:1

मलाकीमी इस्राएली आन कली परमप्रभु यावे आ पशो लोव़ देंत।

गन्‍ती 16:22

मिनु मोसा नु हारूनमी खुम्‍की पा “परमप्रभु मुर नेल्‍ल आन कली ब्रोंइचा गेब परमप्रभु, मुर कामी पाप पतीके गे मुर नेल्‍ल नु गाइक्‍नीनी?” देंताक्‍स। अय्‍युब १०:१२; अय्‍युब १२:१०; २सामुएल २४:१७; गन्‍ती २७:१६

हिब्रू 12:9

एको रागी ङा इं आफोमी इं कली तुप्‍तेक्‍म हना यो, मेको आन कली मान पा आन लोव़ टीतय। मिनु गेना हना यो आ नु काथा बाक्‍चा कली स्‍वर्ग ङा आफ आ देंशो टिचा ममाल्‍नया ङा?