जकरिया 11:6 - Sunuwar Bible

⁶ मुल रे गो रागी ङा मुर आन कली शिशी मपाइ‍नुङ” दे परमप्रभु यावेमी देंत। मिनु परमप्रभुमी “गो नेल्‍ल आन कली आन नेक्‍था ङा मुर आन गुइमी नु आन पिप आन गुइमी गेनुङ। मिनु मेकोपुकीमी रागी कली खतम सेल्‍नीम। मेको आन गुइ रे सुइ आन कली मप्रोंइनुङमी।

जकरिया 11:6 ပူးပေါင်းရင်းမြစ်များ

भजन संग्रह 50:22

गे परमप्रभु कली प्रेंबपुकी तुइक्‍तीन। मो मपाइतीनी हना, गो इन कली साइक्‍नन्‍नी। मिनु इन कली सुइमी प्रोंइने मचाप्‍नीम।

यसैया 27:11

मिनु मेको आ राशी सोव़शा, जिक्‍नीम। मिनु मीश मुरपुकी जाक्‍शा, चोचा कली शी खुप्‍‍नीम। मारदे हना मेकोपुकी रुप्‍तीक मपाइश्‍शो थर ङा मुर बाक्‍नीम। मोपतीके मेको आन कली सेल्‍बमी मेको आन कली शिशी मपाइब। येरमीया ४:२२; ब्‍यवस्‍था ३२:१८

यसैया 3:5

मिनु मुरपुकी दिप्‍चा पुंइसीनीम। दिम्‍मुइनीम। आन नेक्‍था ङा मुर आन कली दिप्‍नीम। आलपुकीमी खाल्‍पी खाल्‍पा आन कली मान मपाइनीम। महिक्‍सीशो मुरपुकीमी ठेयब मुर आन कली मान मपाइनीम।

येरमीया 13:14

गो मुर आन कली जिपाइक्‍नुङमी। गो आम आफ नु आन तमी तौ आन दातेमी जिपाइक्‍नुङमी। गो मेको आन कली दाक्‍शा, शिशी पा साइक्‍तीक रे आं थुं मलेत्‍नुङ, दे परमप्रभु यावेम” देंत।

बिलाप 2:21

ठिटा नु खाल्‍पापुकी लांम गोल्‍शो बाक्‍नीम। आ ठिटी मीश मुर नु ठिटा वोंइश मुर तरवारमी साइक्‍चा पुंइसाक्‍म। गे इन गाइश्‍शो नाक्‍ती मेको आन कली शिशी मपाइक्‍थु साइक्‍तीनी।

बिलाप 5:8

वाइलपुकीमी आंइ कली हुकुम पाइनीम। आंइ कली मेको आन गुइ रे पा प्रोंइब सुइ मबाक्‍नीम।

इजीकीएल 8:18

मोपतीके गो मेको आन कली आं गाइक्‍तीकेम गेय पाइ‍नुङ। गो मेको आन कली शिशी मपथु, सुइ आन कली ब्रोंइचा मगेनुङ। मेकोपुकीम ठेयब सेंदा पा पुंइशा ग्रीतेक्‍म हना यो, मेको आन लोव़ मनेंनुङ” देंत। इजीकीएल ७:४; यसैया १:१५

इजीकीएल 9:10

मोपतीके गो मेको आन कली शिशी मपथु सुइ आन कली ब्रोंइचा मगेनुङ। मेको आन पशो खोदेंशो पा सजाइ गेनुङमी” देंत। इजीकीएल ७:४

होसे 1:6

मिनु गोमेरमी लेंशा आल कुरशा, तमी का थिप्‍तु। मिनु परमप्रभुमी होसे कली “मेको आ नें लो-रूहामा वोतो। मारदे हना गो इस्राएल कली लेंशा शिशी मपाइनुङ। मिनु मेको आन पाप मक्‍याम्‍नुङ। होसे २:३,२५

होसे 2:10

गो मेको आ दाक्‍शो मुर आन ङोंइती मेको कली शिश्रा पा आ मुने कोंइक्‍नुङ। मिनु सुइमी यो मेको कली आं गुइ रे मलाइक्‍नीम। येरमीया १३:२२

मीका 5:8

याकूब आ लीशो मुर शुश आन दातेमी ब्‍वाकी ङा गुप्‍स खोदेंशो दुम्‍नीम। मेकोपुकी भेडा गोठम बाक्‍शो गुप्‍स आ चाइक्‍ब खोदेंशो दुम्‍नीम। गुप्‍स मेकेर लाम्‍तेक्‍म हना, साइश्‍शा ब्‍वाइनीम। मिनु सुइमी मेको आन कली प्रोंइने मचाप्‍नीम।

मीका 6:14

गे जचा थोव़क जाइ‍नेवे, तन्‍न मरूनेवे। मिनु इ कोव़ज शोव़लु बेक्‍शोन बाक्‍ब। गे खेक्‍चा दा खेक्‍नेवे, तन्‍न उप्‍शा वोइक्‍ने मचाप्‍नेवे। गे मार खेक्‍नेवे, मेको नेल्‍ल लडाइम खतम दुम्‍ब।

हाग्‍गै 2:22

गो पिप आन राज्‍य खतम पोक्‍नुङ। गो रागी रागी ङा राज्‍य थुम्‍पाइक्‍चा चिक्‍शो बाक्‍नुङ। गो बग्‍गी नु बग्‍गी ङोइक्‍ब आन कली थिप्‍पाइक्‍नुङमी। शारा नु शारा ङोइक्‍बपुकी आंम लोक्‍ब आन तरवारम क्‍योरचा पुंइसीनीम’ देनो” देंत।

जकरिया 11:14

मिनु नोले गो थुं का दुम्‍तीक नें वोइश्‍शो कोक्‍के जिक्‍ता। मो पा गो यहूदा नु इस्राएल आस कली खिं का ङा दुम्‍तीक रे फ्राताक्‍ङ। इजीकीएल ३७:२२

जकरिया 11:5

मेको ग्‍याप्‍बपुकीमी भेडा क्‍योरशा सजाइ मतथु ब्रोंइशा लाइनीम। मिनु मेको आन कली लेयबपुकीमी ‘परमप्रभु ठेयब बाक्‍ब। मारदे हना गो शोंप पाइश्‍शो दुम्‍तक’ देंनीम। मिनु मेको भेडा आन गोठलामी मेको आन कली शिशी मपाइनीम। येरमीया २३:-; इजीकीएल १३:-; इजीकीएल ३४:-

जकरिया 11:9

मिनु गो मेको आन कली ‘गो इन गोठला दुम्‍ने मचाप्‍नुङ। बेक्‍शा लाइबपुकी बेक्‍म‍ल। खतम दुम्‍शा लाइबपुकी खतम दुम्‍मल। लीशोपुकीम आन श्‍ये ब्‍वमुमल’ ” देंती। येरमीया १५:२

जकरिया 14:13

मेको नाक्‍ती परमप्रभु यावे रे पा मुर शुश हिंनीम। मेको नेल्‍लेमी आन नेक्‍था ङा मुर आन गुइ ग्‍याइक्‍नी‍म। मिनु नोले राम्‍शी पोक्‍नीम।

जकरिया 8:10

मेको क्‍येङा ङोंइती मुर आन कली गाल्‍च मगेमे। बी ब्‍यफ, क्‍यारश भेडा आन कली क्‍येट यो मगेमे। मेको आन जोरी सत्रुमी पतीके आन गेय पथ लने मचाप्‍शो बाक्‍तेक्‍म। मारदे हना गो मुर आन कली साइक्‍मुपाइक्‍तामी।

मलाकी 4:6

मिनु मेकोमी आम आफ आस थुं आस आल गे नु आल आन थुं आम आफ गे लेप्‍पाइक्‍ब। मोदेंशो मदुम्‍त हना, गो रागी कली सराप पाइक्‍नुङ” दे परमप्रभु यावेमी देंत। लूका १:१७

मत्ती 10:21

लोक्‍बमी आ लोक्‍ब कली साइक्‍पाइक्‍चा गेब। आफोमी तमी तौ आन कली नु तमी तौपुकीमी यो आम आफ कली मरिम्‍शो पा साइक्‍पाइक्‍नीम। मीका ७:६

मत्ती 22:7

मिनु पिपमी मोदेंशो दुम्‍शो तुइश्‍शा चुरशा, आ सिपाही आन कली ‘लने, मुर साइक्‍ब आन कली साइश्‍शा, आन सहर गाउं क्रोइश्‍शा गेने’ दे सोइक्‍तीमी बाक्‍त। मत्ती २४:२

मत्ती 24:10

मिनु शुशेमी थमा सुइक्‍चा प्रोंइनीम। खेदा पाइब आन कली वारच पाइनीम। वारच आन दातेमी काइ मदाक्‍मुइनीम।

यूहन्‍ना 19:15

मिनु यहूदीपुकीमी “सतीन, सतीन, एको कली शीमी क्‍येप्‍शा कांटी थोक्‍तीन” दे ग्रीतेक्‍म। पिलातसमी “गो इन पिप कली शीमी क्‍येप्‍शा कांटी थोक्‍नुङा ङा?” दे माइक्‍तीमी। मिनु ठेयब चढ़ेबपुकीमी “गो आंइ के सिजर का ला पिप बाक्‍ब” देंतेक्‍म। यूहन्‍ना १८:३७

१ थिस्‍सलोनिकी 2:16

दोपा श्‍येत गेम्‍तेक्‍म देंशा हना, रागी रागी ङा मुर आन कली पाप रे ब्रोंइचा ताइनीम, दे आंइ कली लोव़ पचा मगेम। मोदेंशो पा यहूदीम आन पाप गेना हना यो तेम्‍ना तेम्‍न बाक्‍नीम। मोपतीके परमप्रभु यावेमी मेको आन कली चुरशा सजाइ गेब। मत्ती २१:३२-३३

हिब्रू 2:3

पाप आ सजाइ रे ब्रोंइतीक ठेयब गेय कली ममिम्‍ताक्‍य हना, दोपा सजाइ रे ब्रोंइने चाप्‍नया ङा? मेको ठेयब गेय ङोंइती प्रभुमी तुइक्‍पाइश्‍शो बाक्‍त। मिनु आ लोव़ नेंबपुकीमी “थमा बाक्‍ब” दे तुइक्‍पाइश्‍शो बाक्‍तेक्‍म। हिब्रू १०:२९; हिब्रू १२:२५

याकूब 2:13

शिशी मपाइबपुकीमी निसाफ पची नाक्‍त शिशी मताइनीम। निसाफ क्‍येङा शिशी ठेयब बाक्‍ब। मत्ती ५:७; मत्ती १८:३०,३४; मत्ती २५:४०,४६