जकरिया 11:5 - Sunuwar Bible

⁵ मेको ग्‍याप्‍बपुकीमी भेडा क्‍योरशा सजाइ मतथु ब्रोंइशा लाइनीम। मिनु मेको आन कली लेयबपुकीमी ‘परमप्रभु ठेयब बाक्‍ब। मारदे हना गो शोंप पाइश्‍शो दुम्‍तक’ देंनीम। मिनु मेको भेडा आन गोठलामी मेको आन कली शिशी मपाइनीम। येरमीया २३:-; इजीकीएल १३:-; इजीकीएल ३४:-

जकरिया 11:5 ပူးပေါင်းရင်းမြစ်များ

२ राजा 4:1

मिनु परमप्रभु यावे आ लोव़ पाइब का आ मीश जाक्‍शा ठेयब सेंदा पा एलीशा कली “इन गेय पाइब आं वोंइश बेक्‍त। मेको परमप्रभु यावे कली मान पा हिंब बाक्‍त, दे तुइक्‍नीनी। तन्‍न मुल मेको आ जेर जशो मुर जाक्‍शा आं आल निक्‍शी आस कली वाइल सेल्‍चा कली लाइक्‍चशो बाक्‍ब” देंमाक्‍त।

नेहेम्‍याह 5:8

मिनु गो मेको आन कली “गोपुकीमी अर्को रागीम लेयशो वाइलीम वाइल दुम्‍शो आंइ लोक्‍ब यहूदी आन कली आंइ चाप्‍शो थाप्‍शा, मुर आन गुइ रे प्रोंइतक। गेपुकी चहिं आंम इन लोक्‍ब रागी रागी ङा मुर आन कली लेयनीनी? मिनु मेकोपुकीम गो आंमान लेंशा ग्‍याप्‍चा माल्‍नीकी?” दे शुश हुइक्‍ताक्‍ङ। मिनु मेकोपुकी सिक्‍सी पा मारेइ मदेंम। लेवी २५:४७-४९

येरमीया 2:3

इस्राएल आंम परमप्रभु यावे कली आ का ला बाक्‍शो ग्‍युम्‍ली खोदेंशो बाक्‍त। मेको, आ गेय ङा ङोंइती ङा फल खोदेंशो बाक्‍त। मेको कली नेक्‍‍ब नेल्‍ल दोस ताइब दुम्‍तेक्‍म। मेको श्‍येत जाम्‍तेक्‍म’ देनो” दे माइक्‍ती। प्रस्‍थान २८:३६; आमोस ६:१; याकूब १:१८

येरमीया 50:7

मेको आन कली थिप्‍बपुकीम मेको आन कली नेक्‍तेक्‍म। मिनु मेको आन जोरी सत्रुमी ‘गो दोसी मनकी। मारदे हना मेकोपुकीमी परमप्रभु यावे कली पाप पाम्‍तेक्‍म। मेको आन ठीक पा जोतीके नु आन किकी पिपी आन आस पशो, परमप्रभु यावे बाक्‍त’ देंतेक्‍म।

इजीकीएल 34:10

परमप्रभु, परमप्रभु यावेमी इन कली ‘गो गोठला आन पर्बम लोव़ का पाइनुङ। गो आं भेडा मेको आन गुइ रे ग्रुंइनुङ। मेको आन कली आं भेडा योव़तीक रे ग्रुंइ‍नुङ। मिनु मेकोपुकीम जशा ब्‍वशा दोम्‍चा मताइ‍नीम। गो आं भेडा मेको गोठला आन शोव़ रे प्रोंइनुङमी। मोपा आं भेडापुकी मेको आन ब्‍वचा थोव़क मदुम्‍नीम’ ” देंत। येरमीया २३:२

इजीकीएल 34:21

मारदे हना गेपुकीम दा ग्‍येंशो आन कली इन फिलाम नु ब‍लाम नेम्‍ना नेम्‍न नु मचाप्‍शो आन कली ख्रुना ख्रुन एर ओंथ ब्रपाइक्‍‍नीनी।

इजीकीएल 34:6

आं भेडा लां प्रेंशा, पहाड मेर नु लाइश्‍शो डांडा मेर हिरसाक्‍म। आं भेडा रागी नेल्‍लेम ब्राम्‍तेक्‍म। मिनु सुइम मेको आन कली ममलेम। मेको आन पर्बम हिल्‍लो यो मपाम” देंशो बाक्‍ब। मत्ती ९:३६

होसे 12:8

एफ्राइममी “गो शुश क्‍येट थीब दुम्‍ती। गो शोंप पाइश्‍शो बाक्‍नुङ। आं शुश क्‍येट चेम्‍तीके ‘गे पाप पाप्‍तीवी’ दे दोस गेने मचाप्‍नीम” देंत। प्रकाश ३:१७

होसे 12:9

मिनु “गो परमप्रभु यावे, इन परमप्रभु नङ। गो इन कली इजीप्‍त रागी रे चाक्‍शो नङ। गो ङोंइती ङा चाड नाक्‍ती खोदेंशो पा इन कली लेंशा इन ताम्‍बुमी बाक्‍चा गेनुङ” देंत। होसे १३:४

आमोस 2:6

मिनु परमप्रभु यावेमी “गो इस्राएल आ ३ खेयप नु ४ खेयप मरिम्‍शो प‍शो आ पर्बम ततीके सजाइ मतेक्‍नुङ। मारदे हना मेकोपुकीमी ठीक पाइब आन कली चांदी के क्‍येटीम नु मारेइ मथीब आन कली जोर का चेपल ताक्‍शा लेयतेक्‍म। आमोस ८:६

मत्ती 23:13

सास्‍त्री नु फरिसीपुकी, गे कपटी, इन कली तशा थुं खाइक्‍ती। मारदे हना स्‍वर्ग ङा राज्‍य ओव़तीक लां तेक्‍नीनी। गे मओव़नीनी, मिनु अरु आन कली यो ओव़चा मगेनीनी।

यूहन्‍ना 10:1

मिनु येसुमी लेंशा मेको आन कली “नोफा दाइश्‍शा नेनीन, सु सु भेडा गोठ आ लाप्‍चो रे मओव़नीमी। बार रे ङोइश्‍शा ओव़नीमी, मेकोपुकी खुइ नु रोइक्‍ब नम।

यूहन्‍ना 16:2

मुरपुकीमी इन कली ग्रुम्‍तीक खिं रे तिल्‍नीम। थमा, इच्‍का नोले इन कली साइक्‍बपुकीमी ‘गो परमप्रभु यावे आ दाक्‍शो पना पन बाक्‍ती’ दे मिम्‍नीम। मत्ती १०:१७,२२; मत्ती २४:९

२ पत्रुस 2:3

मेको आन शीम पतीकेमी इन कली दूली लोव़ पा, इन क्‍येट योल्‍नीम। मेकोपुकी ङोंइती रे नरक लचा चिक्‍शो बाक्‍नीम।

प्रकाश 18:13

मिनु सिन्‍कौली, चां ख्रेक्‍तीक तेल, मस्‍ला, ब्रोव़शो रिना पाइब तेल, धूप, अङगुर शांबु, जचा तेल, थम रिम्‍शो फस, चेरब, बी ब्‍यफ, भेडा, शारा, बग्‍गी नु वाइलीम वाइल मेको मुर आन लेयतीक थोव़कपुकी बाक्‍तेक्‍म।

प्रकाश 3:17

मिनु गेपुकीमी ‘आंइ के शुश शोंप बाक्‍ब। गो शोंप पाइश्‍शो नकी। गो मारेइ ममाल्‍नीकी’ देंनीनी। तन्‍न गो इन कली श्‍येत जाइब नु प्रुङग, मिक्‍च मताइब नु हेरा शिश्रा गाक्‍शा पुंइब खोदेंशो दुम्‍शो ताता। १कोरिन्‍थी ३:१८; १कोरिन्‍थी ४:८