जकरिया 11:12 - Sunuwar Bible

¹² मिनु गो मेको आन कली “गे ठीक लाक्‍तीनी हना, आं गाल्‍च गेयीनी। ममाइ हना वोंइसीन” देंती। मिनु मेकोपुकीमी आं कली ३० चांदी के शेकेल गेम्‍तेक्‍म। शेकेल का ११.५ ग्राम चांदी के क्‍येट बाक्‍ब। मत्ती २६:१५

जकरिया 11:12 ပူးပေါင်းရင်းမြစ်များ

उत्पत्ती 23:16

मिनु अब्राहाममी एफ्रोन आ लोव़ बिस्‍से बाक्‍त। मेकोमी एफ्रोनमी हित्ती आ मुर आन ङोंइती देंशो खोदेंशो पा ४ सहे शेकेल चांदी नाक्‍शा, गेमी बाक्‍त। मेको ४ सहे शेकेल चहिं ग्‍याप्‍ब लेयब आन दातेमी मोदेंशो रू कली ठीक बाक्‍माक्‍त। शेकेल का ११.५ ग्राम चांदी बाक्‍त।

उत्पत्ती 37:28

मिदयान ङा इश्‍माएली ग्‍याप्‍ब लेयब मुर पिना पिन बाक्‍मा बाक्‍त। मिनु योसेफ कली ढोडोङगा रे फेश्‍शा, इश्‍माएली आन कली चांदी के २० शेकेलम लेयङमे बाक्‍त। मिनु मेकोपुकीमी योसेफ कली इजीप्‍त लदमे बाक्‍त। शेकेल का ११.५ ग्राम, तोला खोदेंशो बाक्‍ब। उत्‍पत्ती २५:२; लेवी २७:१-८

१ राजा 21:2

काबु नाक्‍ती आहाबमी नाबोथ कली “इ अङगुर रू आं कली गिग खाइ ख्रुम्‍चा कली गेयी। मारदे हना मेको आं खिं आ नेक्‍था बाक्‍ब। मेको आ पा ङा गो इ कली अर्को मेको क्‍येङा रिम्‍शो अङगुर रू का गेनन। क्‍येट देंनेवे हना यो, क्‍येट गेन‍न” देंमाक्‍त।

१ राजा 5:6

मोपतीके गे आं कली लेबानोन रे लाइश्‍शो रवा क्‍योरशा चाक्‍चा हुकुम गेयीनी। आं गेय पाइबपुकी, इन गेय पाइबपुकी नु गारशा गेय पाइनीम। मिनु गे इन गेय पाइब आन कली दोशो गाल्‍च गेचा देंनीनी, गो मेको गेनुङमी। सीदोनी खोदेंशो पा शी क्‍योरस जोक्‍ब एक आंइ दातेमी सुइ मबाक्‍नीम” दे लोव़ कुरब मुर सोइक्‍ता बाक्‍त।

२ इतिहास 30:4

मिनु पिप नु खुम्‍सीशो मुर नेल्‍लेमी मेको चाड मानेतीक लोव़ आ पर्बम “ठीक बाक्‍ब” देंमा बाक्‍त।

प्रस्‍थान 21:32

ब्‍यफोम सुइ आन वाइलीम वाइल आन कली ख्रुप्‍तु हना, मेको ब्‍यफ आ होव़पमी वाइलीम वाइल आन होव़प कली ३० शेकेल चांदी गेचा माल्‍ब। मिनु ब्‍यफ कली चहिं फुल्‍लु आप्‍शा साइक्‍चा माल्‍ब” देनो। शेकेल का ११.५ ग्राम, तोला खोदेंशो बाक्‍ब। ३० शेकेल चांदी ३४५ ग्राम बाक्‍ब।

येरमीया 32:9

मोपतीके गो आं बकान्‍छा आ तौ हनामेल आ अनाथोथम बाक्‍शो रू ग्‍याप्‍ता। मिनु गो मेको कली चांदी के १७ शेकेल नाक्‍शा गेता। शेकेल का ११.५ ग्राम ङा चांदी के क्येट बाक्‍ब।

लेवी 27:4

मीश मुर आ पर्बम बाक्‍त हना, मेकोम ३० शेकेल गेचा माल्‍ब। ३० शेकेल ३६० ग्राम चांदी बाक्‍ब।

मलाकी 3:5

तन्‍न मेको क्‍येङा ङोंइती “गो निसाफ पचा कली इन बाक्‍तीकेमी जाक्‍नुङ। गो टुना मुना पाइबपुकी, मुर आन मीश वोंइश नु इप्‍बपुकी, जोल पा कसम जाइबपुकी, गेय पाइब आन कली गाल्‍च मगेबपुकी, वोंइश बेक्‍शो मीश मुर, रोम रोइक्‍च, नु अर्को रागी ङा मुर आन कली निसाफ पा मगेबपुकी नु आं क्‍येङा महिंब नेल्‍ल आन कली निसाफ पथ जाक्‍नुङ” दे मुर नेल्‍ल आन परमप्रभु यावेमी देंत।

मत्ती 26:15

“येसु कली इन गुइमी ग्‍याइक्‍पाइक्‍ता हना, दोशो गेनीनी” देंमेनु, ३० टुक्रा चांदी गेमे बाक्‍त। यूहन्‍ना ११:५७; जकरिया ११:१२

मत्ती 27:10

मिनु ३० टुक्रा चांदी लाइश्‍शा, खप के ग्‍योंब सेल्‍ब आ रू ग्‍याप्‍तेक्‍म, दे परमप्रभु यावेमी लोव़ पपाइक्‍ती” दे ब्रेक्‍शो बाक्‍ब। येरमीया ३२:९, जकरिया ११:१२-१३

मत्ती 27:9

मोदेंशो आन पशोमी साइ नेसी परमप्रभु यावे आ लोव़ पाइब येरमीयामी ब्रेक्‍शो लोव़ थमा दुम्‍त। आ ब्रेक्‍शो लोव़ चहिं ओदेंशो बाक्‍ब “इस्राएल आ खिं ङा मुरपुकीमी एको मुर आ मोल ३० टुक्रा चांदी ङा बाक्‍ल देंतेक्‍म।

यूहन्‍ना 13:2

मिनु येसु नु आ शेंसीबपुकी नाक्‍दो ङा खमे जना जन बाक्‍शो बाक्‍तेक्‍म। आ शेंसीब सिमोन आ तौ इस्‍कारीयोती ङा यहूदा यो बाक्‍शो बाक्‍त। सैतानमी “येसु कली साइक्‍चा माल्‍ब आन कली वारच पावो” दे यहूदा कली मिम्‍पाइश्‍शो बाक्‍त। लूका २२:३