जकरिया 10:7 - Sunuwar Bible

⁷ मिनु एफ्राइम आ खिं ङा मुर लडाइ पाइब खोदेंशो पा बोल्‍यो दुम्‍नीम। अङगुर शांबु तूशो खोदेंशो पा ग्‍येरसीनीम। आन आलपुकीम मेको तशा शुश ग्‍येरसीनीम। मेकोपुकीमी ‘गो परमप्रभु यावे आ मुर नय’ दे शुश ग्‍येरसीनीम।

जकरिया 10:7 ပူးပေါင်းရင်းမြစ်များ

उत्पत्ती 18:19

गो अब्राहाम कली तुइक्‍नुङ, आ आल नु आ चच युइ आन कली परमप्रभु यावे आ लां गाक्‍पाइक्‍चा कली अरेब। मिनु मेकोपुकी परमप्रभु यावे आ लां खोइक्‍ब दुम्‍शा, ठीक नु रिम्‍शो पचा शेंसीशा पाइ‍नीम। परमप्रभु यावेमी अब्राहाम कली मार लोव़ देंमे, मेको नेल्‍ल दुम्‍ल” देंमाक्‍त। ब्‍यवस्‍था ६:७; ब्‍यवस्‍था ३२:४६

उत्पत्ती 43:34

मिनु योसेफ आ ङोंइती रे जचा ब्‍वचा थोव़क लाइश्‍शा, मेको आन कली ख्रेप्‍पदा बाक्‍त। बेन्‍यामीन आ भाग अरु आन क्‍येङा ५ भाग खोइ शुश बाक्‍माक्‍त। मिनु मेकोपुकी योसेफ नु जशा तूशा, ग्‍येरशा बाक्‍मा बाक्‍त।

भजन संग्रह 102:28

इन गेय पाइब आन चच युइ रिम्‍शो पा बाक्‍चा माल्‍‍नीम। मिनु आन चच युइ इन ङोंइती बोल्‍यो दुम्‍शा बाक्‍नीम।

भजन संग्रह 104:15

मिनु गे मुर आन थुं ग्‍येरपाइक्‍चा कली अङगुर सिप्‍पाइक्‍नीनी। मिनु आन कुल दारपाइक्‍चा कली तेल नु आन रां बोल्‍यो सेल्‍चा कली शोब्‍ले गेनीनी।

भजन संग्रह 13:5

तन्‍न गो “गे गेना हना यो दाक्‍ब बाक्‍नीनी” दे थमा सुइक्‍नुङ। इन वारच पा प्रोंइतीके तशा, आं थुं ग्‍येरना ग्‍येरन बाक्‍ब।

भजन संग्रह 28:7

परमप्रभु यावे आं सक्ति नु आं तेक्‍तीके बाक्‍ब। गो मेको कली थमा सुइक्‍ता। मोपा आं कली वारच पाइक्‍ती। मोपतीके गो थाम्‍पा ग्‍येरसीशो बाक्‍नुङ। गो आं कुम्‍सोमी मेको कली ठेयब सेल्‍नुङ।

भजन संग्रह 33:21

मिनु परमप्रभु आ पर्बम आंइ थुं ग्‍येरब। मारदे हना गोपुकी मेको आ नेंमी जिम्‍मा गेसाक्‍क।

भजन संग्रह 90:16

इन गेय पाइबपुकीमी इन गेय तुइक्‍तमेक्‍ल। मिनु मेको आन आल आन कली इन छेङछेङ ङा सक्ति कोंइदीन। यसैया ५:१२

यसैया 25:9

मिनु मेको नाक्‍ती मुरपुकीमी “कोव़ङीन, मेको आंइ परमप्रभु बाक्‍ब। गो मेको आ लां कोव़तक। मिनु मेकोम आंइ कली श्‍येत रे प्रोंइतु। मेको आंइ रिम्‍शा बाक्‍शो परमप्रभु यावे बाक्‍ब। गोपुकी आ प्रोंइशो तशा ग्‍येरसाक्‍क। भजन संग्रह ४८:१५

यसैया 38:19

ब्रोंइशोपुकीम ला इन कली ‘गे रिम्‍शो पाइब बाक्‍नीनी’ देंनीमी। मिनु गो मुलाक्‍ती मोदेंशो पाइनुङ। आफपुकीमी गे थमा सुइक्‍चा माल्‍शो बाक्‍नीनी, दे आन आल आन कली शेंनीम” दे हिज्‍कीयाहमी देंत।

यसैया 54:13

मिनु परमप्रभु यावेमी इ तमी तौ नेल्‍ल आन कली शेंब। मेको आन थुं नाइश्‍शा हेम्‍मा पा बाक्‍चा ताइनीम। यूहन्‍ना ६:४५

यसैया 66:14

गेपुकी मेको कली तशा, शुश ग्‍येरशा, इन थुं बारपाइक्‍नीनी। गे घांस बारशो खोदेंशो पा बारनीनी” देंत। परमप्रभु यावेमी आ गेय पाइब आन कली वारच पाइब, दे मुर नेल्‍लेमी तुइक्‍नीम। मेको आ जोरी सत्रु आन पर्बम गाइक्‍ब।

येरमीया 32:39

गो मेको आन कली थुं का दुम्‍तीक नु गाक्‍तीक लां का गेनुङमी। मेकोपुकी गेना हना यो आं कली मान पा हिंनीम। मेको आंम आन कली नु आन आल आन कली रिम्‍शो दुम्‍ब। इजीकीएल ३६:२७

इजीकीएल 37:25

मिनु मेकोपुकी आं गेय पाइब याकूब कली गेशो रागीम बाक्‍नीम। मेकेर आन किकी पिपी बाक्‍शो बाक्‍तेक्‍म। मिनु मेकेर मेको आन आल, चच युइ गेना हना यो बाक्‍नीम। मिनु आं गेय पाइब दाऊद गेना हना यो मेको आन कली सासन पाइब दुम्‍ब। लूका १:३२-३३

योएल 2:23

गे सियोन ङा मुरपुकी ग्‍येरसीन। गेपुकी परमप्रभु यावे, इन परमप्रभु आ पर्बम शुश ग्‍येरसीन। मारदे हना मेकोमी आ ठीक पतीकेम इन कली ङोंइती ङा रेउ गेशो बाक्‍त। मेकोमी इन कली शुश रेउ गेशो बाक्‍त। ङोंइती नु नोले ङा रेउ ङोंइती खोदेंशो पा गेशो बाक्‍त। येरमीया ५:२४

हबकुक 3:18

गो परमप्रभु यावे कली तुइश्‍शा ग्‍येरसी‍नुङ। मिनु आं कली श्‍येत रे प्रोंइब परमप्रभु कली ठेयब सेल्‍शा ग्‍येरसीनुङ। यसैया ६१:१०

सेफन्‍याह 3:14

सियोन आ तमी, ठेयब सेंदा पा कुम्‍सो पावो। इस्राएल, ठेयब सेंदा पा ग्रीङो। यरूसलेम आ तमी इ थुं नेल्‍लेम ग्‍येरशा सोम्‍शा बाक्‍को।

जकरिया 12:8

मेको नाक्‍ती परमप्रभु यावेमी यरूसलेममी बाक्‍ब मुर आन कली वारच पाइब। मेकेर बाक्‍ब नेल्‍ल क्‍येङा मचाप्‍ब दाऊद खोदेंशो बाक्‍नीम। मिनु दाऊद आ खिं ङा मुर परमप्रभु खोदेंशो बाक्‍नीम। मिनु परमप्रभु यावे आ स्‍वर्ग ङा गेय पाइब मेको आन ङोंइती गाक्‍ब। यसैया ३३:२४

जकरिया 9:15

मुर नेल्‍ल आन परमप्रभु यावेमी मेको आन कली राइश्‍शा प्रोंइब। मेकोमी आन जोरी सत्रु आन कली खतम पोक्‍ब। मेकोपुकीमी आन हुश अङगुर शांबु खोदेंशो पा तूनी‍म। मेकोपुकी चढ़ेतीक ङा हुश कुर पतीक बोस खोदेंशो पा ब्रीशो बाक्‍नीम। चढ़ेतीक आ एर ओंथ कुना कुना मेर फ्रशो हुश खोदेंशो बाक्‍नीम।

जकरिया 9:17

मेको आ दाक्‍तीके नु आ शिशी पतीके थम ठेयब बाक्‍ब। वोंइश आल ग्रेल्‍शो अन्‍न खोदेंशो पा शुश दुम्‍नीम। मीश आल नक अङगुर शांबु खोदेंशो पा दारशो दुम्‍नीम।

लूका 1:47

मारदे हना मेको आं कली श्‍येत रे प्रोंइब, परमप्रभु बाक्‍ब। गो ग्‍येरसीनुङ।

यूहन्‍ना 16:22

मिनु मेको खोदेंशो पा गेपुकी मुल थुं खाइश्‍शो बाक्‍नीनी। तन्‍न गो इन कली लेंशा तङानु, गेपुकी थमा पा ग्‍येरसीनीनी। मिनु इन ग्‍येरसीशो सुइमी क्‍याम्‍ने मचाप्‍नीम।

प्रेरित 13:33

मेको लोव़ साइ परमप्रभु यावेमी ब्रेक्‍पाइश्‍शो लोव़ नु गारब। मारदे हना भजन संग्रह कामी ‘गे आं तौ नवे। मुलाक्‍ती गो इ कली थीतन’ दे ब्रेक्‍शो बाक्‍ब। भजन संग्रह २:७

प्रेरित 2:26

गो ग्‍येरसीशा प्रभु कली ठेयब सेल्‍शा कुम्‍सो पाइनुङ। मारदे हना प्रभु नु काथा बाक्‍शा, गेना हना यो ब्रोंइचा ताइनुङ।

प्रेरित 2:39

मारदे हना परमप्रभु यावे आ गेशो लोव़ इन कली, इन तमी तौ चच युइ आन कली नु ङोन रागीम बाक्‍ब आन कली गेशो बाक्‍त। मिनु परमप्रभु आंइ परमप्रभु यावेमी सु सु कली ब्रेश्‍शो बाक्‍मे, मेको आन कली गेशो बाक्‍त” दे शेंदीमी बाक्‍त। योएल ३:५

फिलिप्‍पी 4:4

प्रभु नु बाक्‍शा गेना हना यो ग्‍येरसीन। गो लेंशा “ग्‍येरसीने” देंनुङ। फिलिप्‍पी ३:१; २कोरिन्‍थी १३:११; १थिस्‍सलोनिकी ५:१६

१ पत्रुस 1:8

गे मेको कली मताइतीनी हना यो, दाक्‍नीनी। मेको कली मुल सम्‍म मतथु यो, थमा सुइक्‍तीनी। गे गिश ग्‍येरना ग्‍येरन बाक्‍शो बाक्‍नीनी, देंने मचाप्‍नीनी। यूहन्‍ना २०:२९; २कोरिन्‍थी ५:७

१ सामुएल 2:1

हान्‍नाहमी “आं थुं परमप्रभु यावे नु ग्‍येरसीब। गो परमप्रभु यावे आ पर्बम आं पिया पोक्‍नुङ। गो आं जोरी सत्रु आन कली ग्राती। गेम आं कली प्रोंइतीके गो ग्‍येरसाक्‍यी। लूका १:४६-५५