जकरिया 10:1 - Sunuwar Bible

¹ परमप्रभु यावे कली नोले ङा रेउ पुनीन। परमप्रभु यावे गोस्‍स नु फश सेल्‍ब बाक्‍ब। मिनु इन कली नु रू नेल्‍ल आन कली रेउ यिपाइक्‍ब।

जकरिया 10:1 ပူးပေါင်းရင်းမြစ်များ

१ राजा 17:1

मिनु गिलाद ङा तिश्‍बे सहर ङा एलीयाम आहाब कली “परमप्रभु यावे, इस्राएली आन परमप्रभु ब्रोंइशा बाक्‍शो खोदेंशो पा, गो मेको आ ङोंइती राप्‍शा गेय पाइनुङ। इस्राएलम रेउ नु सीत मारेइ मयीब” देंमाक्‍त। १राजा ८:३५; लूका ४:२५; याकूब ५:१७; प्रकाश ११:६

अय्‍युब 29:23

मेकोपुकीम बर्खा ङा रेउ रिम्‍शो खोदेंशो पा आं कली रिम्‍ताक्‍यीमी। मिनु नोले ङा रेउ रिम्‍शो खोदेंशो आन शोव़ वोक पाक्‍शा आं लोव़ नेंतेक्‍म।

भजन संग्रह 104:13

इन इर ङा बाक्‍तीक रे रेउ यिपाइश्‍शा डांडा आन कली जिप्‍पाइक्‍नीनी। इन गेय पशोमी रागी नेल्‍ल ग्‍येरसीनीम।

भजन संग्रह 135:7

मेकोमी रागी आ सुर सुर रे गोस्‍स पोक्‍ब। मेकोमी चिला दाप्‍पाइश्‍शा, रेउ यिपाइक्‍ब। मिनु मेकोमी आ बाक्‍तीक रे फश पपाइक्‍ब। येरमीया १०:१३

भजन संग्रह 65:9

गे रागी हिरशा, रेउ यिपाइक्‍‍नीनी। गे मेको कली शुश ग्रेल्‍पाइक्‍नीनी। परमप्रभु आ खोला ब्‍वाक्‍कुम ब्रीशो बाक्‍नीम। मोपा मुर आन कली शुश अन्‍न ख्रेल्‍नीनी। मारदे हना मेकोन इन मिम्‍शो बाक्‍ब। भजन संग्रह ६७:७

भजन संग्रह 72:6

मिनु मेको घांस रिक्‍शो दिंममी रेउ यिशो खोदेंशो दुम्‍ल। रेउमी रागी कली जिप्‍पाइश्‍शो खोदेंशो दुम्‍ल।

हितोपदेस 16:15

पिप आ कुल हाक्‍शो बाक्‍त हना, ब्रोंइचा गेब। मेको आ दाक्‍शो सोव़शो रू कली रेउ खोदेंशो बाक्‍ब।

यसैया 30:23

मिनु परमप्रभुमी इन शोक्‍शो रू कली रेउ यिपाइश्‍शा, अन्‍न सिप्‍पाइक्‍ब। मिनु अन्‍न ग्रेल्‍शा, शुश जचा ताइनीनी। मेना इन बी ब्‍यफ ठेयब दिंममी जोइनीम।

यसैया 44:3

मारदे हना गो सोव़शो रागी तारी ब्‍वाक्‍कु लुक्‍नुङ। सोव़शो खपीम खोला शाइक्‍पाइक्‍नुङ। गो इ चच युइ आन तारी आं सोक्‍त मोइक्‍नुङ। इ आल आन कली आसीक गेनुङ’। यसैया ३२:१५; योएल ३:१

यसैया 5:6

गो मेको कली खतम सेल्‍नुङ। मेको कली ममुंइ‍नुङ, मरोक्‍‍नुङ। मिनु चू नु चोंक वाशा, सुम्‍नीम। गो गोस्‍स कली “रेउ मयिपतो” दे माइक्‍नुङ।

येरमीया 10:13

मेकोमी लोव़ पवानु, सरीङ रे रेउ यीब। मेकोमी रागी आ सुर रे गोस्‍स आन कली पोक्‍ब। मेकोमी रेउ नु चिला पपाइक्‍ब। मिनु फश आ बाक्‍तीक रे फश पपाइक्‍ब। भजन संग्रह १३५:७

येरमीया 14:22

रागी रागी ङा मुर आन देवी देवता आन दाते ङा तेकोइमी रेउ यिपाइक्‍ने चाप्‍नीमी ङा? मार, सरीङ आमा रेउ यिपाइक्‍ने चाप्‍बा ङा? मेको पाइब गे परमप्रभु यावे, आंइ परमप्रभु मननी ङा? मोपतीके गो इन कली आस पाइ‍नीकी। मारदे हना गे ला एको नेल्‍ल पने चाप्‍नीनी” देंती।

येरमीया 5:24

मेकोपुकीमी ‘गोपुकी परमप्रभु यावे, इं परमप्रभु कली मान पा हिंय। मेकोमी माल्‍ची ना रेउ गेब। मेकोम बर्खा नु हिंउद ङा रेउ गेब। मिनु अन्‍न रिक्‍शा खुप्‍ची ना ङा नाक्‍ती गेब’ मदेंम” देंत। ब्‍यवस्‍था ११:१४

येरमीया 51:16

मेकोमी लोव़ पवानु, सरीङमी रेउ यिशा, गरङ गुरुङ पाइब। मेकोमी रागी आ सुर रे गोस्‍स पोक्‍ब। रेउ नु काथ काथा चिला दाप्‍पाइक्‍ब। मिनु फश आ बाक्‍तीक रे ग्रुंइशा, फश पपाइक्‍ब। बजन संग्रह १३५:७

इजीकीएल 34:26

गो मेको आन कली नु आं डांडा आ एर ओंथ नेल्‍ल ङा रागी कली अरु आन कली आसीक गेब सेल्‍नुङमी। गो रेउ यिची ना मेको आन कली रेउ यिपाइक्‍नुङ। मेको रेउ आसीक खोदेंशो पा यीब। लेवी २६:४

इजीकीएल 36:37

मिनु परमप्रभु, परमप्रभु यावेमी “गो इस्राएल आ खिं ङा मुर आन पुंइशो नेंशा, मेको आन मुर आन कली क्‍यारश भेडा खोदेंशो पा शुश सेल्‍नुङमी। मीका २:१२

होसे 10:12

ठीक पतीक शोक्‍कीन। मिनु मप्रोंइचा ङा दाक्‍तीक अन्‍न खोदेंशो पा खुप्‍तीन। गे इन मवाक्‍शो रू वाक्‍तीन। मारदे हना इन परमप्रभु यावे कली माल्‍ची नाक्‍त जाक्‍त। मिनु मेको जाक्‍शा, गे इन कली पाप रे प्रोंइब। येरमीया ४:३; यसैया ५५:६

होसे 6:3

गोपुकी परमप्रभु यावे कली तुइश्‍शा, ठेयब सेल्‍य। मेको कली शुश तुइश्‍शा मान पय। मेको नां दाप्‍शो बुद पा जाक्‍ब। हिंउद ङा रेउ खोदेंशो पा जाक्‍ब। बर्खा ङा रू कली रिम्‍शो पा जिप्‍ब रेउ खोदेंशो पा जाक्‍ब” दे लोव़ पाम्‍तेक्‍म।

आमोस 4:7

मिनु “गो इन अन्‍न खुप्‍चा क्‍येङा महिना सां ङोंइती रेउ मयिपदु। गो सहर का कली रेउ यिपाइक्‍ता, अर्को सहर कली मयिपदु। मिनु रू कामी रेउ यिपाइक्‍ता, अर्को रूम मयिपदु। मिनु मेको सोव़त। १राजा १७:१

मीका 5:7

याकूब आ लीशो मुर शुश आन दातेम परमप्रभु यावे रे जाक्‍शो सीत नु घांस तार जुक्‍शो रेउ खोदेंशो दुम्‍नीम। मेकोमी “सुइ मुरुम वारच पाइनीमी कों” दे मकोव़नीम। मिनु मुर आन आस मपाइनीम।

यूहन्‍ना 16:23

मेना गेपुकी आं कली मारेइ हिल्‍लो मपाइनीनी। नोफा दाइश्‍शा नेनीन, गे आं नेंमी आं आफ कली मार मार पुंइनीनु, आं आफोमी इन कली गेब। यूहन्‍ना १४:१३-१४

१ कोरिन्‍थी 3:6

गो ख्रुम्‍ता आपोल्‍लोसमी ब्‍वाक्‍कु लुक्‍ताक्‍व। मिनु परमप्रभु यावेमी कोल्‍पाइक्‍तु। प्रेरित १८:२४-२८

ब्‍यवस्‍था 28:23

मिनु इन तारी बाक्‍शो सरीङ कांसा खोदेंशो दुम्‍ब। मिनु इन रू ङा खप फलम खोदेंशो दुम्‍ब। ब्‍यवस्‍था ११:१७

याकूब 5:7

मिनु आं दाक्‍शो लोक्‍बपुकी, नेनीने, रूमी गेय पाइब मुरुमी मेको आ ख्रुम्‍शो बाली नाली मीब, दे आ थुं नाइश्‍शा, हिंउद नु बर्खा रिम्‍शो खोदेंशो पा प्रभु आ जाक्‍चा रिम्‍दीन। लूका २१:१९; हिब्रू १०:३६