जकरिया 1:17 - Sunuwar Bible

¹⁷ मिनु मुर नेल्‍ल आन परमप्रभु यावेमी मार देंत, देंशा हना ‘आं सहरपुकी लेंशा शुश सो‍शो बोशो दुम्‍चा माल्‍नीम। परमप्रभु यावेमी सियोन कली लेम्‍शा शिशी पाइब। मिनु यरूसलेम कली योव़‍ब’ ” देंत। यसैया ४०:१-२; यसैया १४:१

जकरिया 1:17 ပူးပေါင်းရင်းမြစ်များ

२ इतिहास 6:6

तन्‍न गो आं नें कली मान पचा, दे यरूसलेम कली योव़ता। मिनु दाऊद कली आं मुर इस्राएली आन पिप दुम्‍चा कली योव़ता’ देंशो बाक्‍तीनी।

नेहेम्‍याह 11:20

मिनु लीशो इस्राएली, चढ़ेबपुकी नु लेवीपुकी यहूदा ङा सहरपुकीमी आंम आंम आन बाक्‍तीकेमी बाक्‍शो बाक्‍तेक्‍म।

नेहेम्‍याह 11:3

गाउं गाउं ङा ठेयब मुर यरूसलेम सहरम बाक्‍शो बाक्‍तेक्‍म। अरु मुरपुकी, चढ़ेबपुकी, लेवीपुकी, परमप्रभु यावे आ खिंमी गेय पाइबपुकी नु सोलोमन आ खिं ङा गेय पाइब आन चच युइ नेल्‍ल यहूदा ङा सहर सहर, गाउं गाउंम आंम आंम बाक्‍तीक उइ बाक्‍चा माल्‍बाक्‍तेक्‍म।

भजन संग्रह 69:35

मारदे हना परमप्रभुमी सियोन कली प्रोंइब। मिनु यहूदा ङा सहरपुकी लेंशा सेल्‍ब। मिनु मुरपुकी मेकेर बाक्‍शा, मेको आन के दुम्‍ब।

यसैया 14:1

मिनु परमप्रभु यावेमी याकूब कली शिशी पा, इस्राएल कली योव़शा लेंशा मेको आन कली आन रागीमी वोइक्‍ब। मिनु अर्को रागी ङा मुरपुकी याकूब आ खिं ङा मुर नु गारशा बाक्‍नीम। जकरिया १:१७

यसैया 44:26

गो आं गेय पाइब आ लोव़ थमा बाक्‍ब। मिनु आं सोइश्‍शो लोव़ कुरबम आं देंशो पाइब। गो यरूसलेम आ पर्बम ‘मेकेर शुश मुर दुम्‍नीम’ देंनुङ। मिनु यहूदा ङा सहर लेंशा सेल्‍चा पुंइसीनीम। मेको आन प्रेश्‍शो खिं नक सेल्‍नुङ।

यसैया 49:13

सरीङ, ग्‍येरसीशा कुम्‍सो पावो। रागी, ग्‍येरसो। डांडापुकी ग्‍येरशा, कुम्‍सो पने। मारदे हना परमप्रभु यावेमी आ मुर आन कली लेम्‍‍ताक्‍व। मेकोमी श्‍येत जाइब आन कली शिशी पाइब। यसैया ४४:२३

यसैया 51:12

परमप्रभुमी “गो इन कली थुं बारपाइक्‍ब नङ। गे मुर तशा, मारदे हिंनीनी? मुरपुकी घांस खोदेंशो पा बेक्‍नीम। भजन संग्रह ५६:५; मत्ती १०:२८; यसैया ४०:१,६

यसैया 51:3

परमप्रभु यावेमी सियोन आ थुं बारपाइक्‍ब। आ खतम सेल्‍शो बाक्‍तीके नेल्‍ल नक सेल्‍ब। आ मुर मबाक्‍तीके कली एदेन खोदेंशो सेल्‍ब। आ गोरशो रागी कली परमप्रभु यावे आ रू खोदेंशो सेल्‍ब। मेकेर शुश ग्‍येरनीम। “गे रिम्‍शो पाइब बाक्‍नीनी” दे कुम्‍सो पशो नेंसीब। उत्‍पत्ती २:८

यसैया 52:9

यरूसलेम ङा ब्रेश्‍शो खिं ग्‍येरशा कुम्‍सो पने। मारदे हना परमप्रभु यावेमी आ मुर आन थुं बारपाइक्‍तु। मिनु मेकोमी यरूसलेम कली श्‍येत रे प्रोंइतु।

यसैया 54:8

गो शुश गाइश्‍शा, याम का आं कुल इ ङोंइती रे ख्रुइक्‍ताक्‍ङ। तन्‍न आं गेना हना यो दाक्‍तीकेमी इ कली शिशी पाइनन” दे इ कली पाप रे प्रोंइब परमप्रभु यावेमी देंत। यसैया ६०:१०; बिलाप ३:३१-३२

यसैया 66:13

दोपा आल आ ममामी आल आ थुं बारपाइक्‍बा, मोपा गो इन कली इन थुं बारपाइक्‍नन्‍नी। गे यरूसलेम सहरमी इन थुं बारपाइक्‍चा पुंइसीनीनी। बजन संग्रह १३१:२

येरमीया 31:13

मेना ठिटी मीश मुर ग्‍येरशा सिल पाइनीम। ठिटा नु खाल्‍पा ग्‍येरनीम। गो मेको आन रोंका पतीके ग्‍येरतीकेम फाइक्‍नुङ। गो मेको आन थुं बार पाइश्‍शा, सुर्ता पतीक आ पा ङा ग्‍येरतीक थुं गेनुङमी।

येरमीया 33:13

मिनु पहाड ङा सहर, शेफेलाह, नेगेब बेन्‍यामीन आ रागी यरूसलेम आ एर ओंथ नु यहूदा ङा सहरम गोठलापुकीमी क्‍यारश भेडा लेंशा हिक्‍शा ओंइनीम” दे परमप्रभु यावेम देंत। येरमीया ३२:४४

येरमीया 33:9

मिनु एको सहर आं ङोंइती ग्‍येरपाइक्‍तीक, ठेयब सेल्‍तीके नु आं कली मान पतीके दुम्‍ब। मिनु रागी रागी ङा मुरुम गो इस्राएली आन कली मार मार रिम्‍शो पशो नेंनीम। मिनु मेको आन कली रिम्‍शो नु आन माल्‍शो क्‍येङा शुश गेशो तशा आं पर्बम हिंशा ख्रिंख्रि पाइनीम” देंत।

इजीकीएल 36:33

परमप्रभु, परमप्रभु यावेमी “मेको नाक्‍ती गो इन कली इन मरिम्‍शो पशो नेल्‍ल रे लेंशा रिम्‍शो सेल्‍नुङ। गो इन सहर आन कली लेंशा मुर बाक्‍तीक सेल्‍नुङ। मिनु ब्रेश्‍शो नेल्‍ल लेंशा सेल्‍पाइक्‍नुङ।

आमोस 9:14

गो आं मुर इस्राएली आन कली आन मार मार लेश्‍शा गे‍नुङमी। मिनु मेको आन ब्रेश्‍शो सहर कली लेंशा सेल्‍शा, मेकेर बाक्‍नीम। मेकोपुकीम अङगुर ख्रुम्‍शा, अङगुर शांबु तूनीम। मेकोपुकीम फल फुल ख्रुम्‍‍शा, मेको आन फल जाइनीम। ब्‍यवस्‍था ३०:३; यसैया ६५:२१

ओबदिया 1:20

मिनु ग्‍याइश्‍शा लाइक्‍चा पुंइसीशो हालाहम बाक्‍शो इस्राएलीपुकीमी फोनीचीआ रे चारेफाथ सम्‍म ङा रागी आन के सेल्‍नीम। मिनु यरूसलेम रे ग्‍याइश्‍शा लाइक्‍चा पुंइसीशो सेफाराद सहरम बाक्‍शो मुरपुकीम नेगेब ङा सहर आन के सेल्‍नीम।

जकरिया 1:14

मिनु स्‍वर्ग ङा गेय पाइबमी आं कली “परमप्रभु आ लोव़ नेल्‍ल आन कली नेंपतो। मिनु मुर नेल्‍ल आन परमप्रभु यावेमी ‘गो यरूसलेम नु सियोन कली शुश रुश पशो बाक्‍नुङ।

जकरिया 1:18

मिनु इर गे कोव़ङुनु, ४ ओटा ग्रोव़ ता‍ता।

जकरिया 2:12

परमप्रभु यावेमी यहूदा रागी कली आ के सेल्‍ब। मिनु यरूसलेम कली लें‍शा योव़ब। जकरिया १:१७

जकरिया 2:4

मिनु मेकोमी “दोरशा लशा मेको ठिटा कली ‘यरूसलेममी लेंशा शुश मुर बाक्‍चा माल्‍नीम। मुर नु बी ब्‍यफ, क्‍यारश भेडा शुश दुम्‍तीके यरूसलेम गारो मपाइश्‍शो गाउं खोदेंशो दुम्‍ब।

जकरिया 3:2

मिनु परमप्रभु यावेमी सैतान कली “सैतान, परमप्रभु यावेमी इ कली हुइक्‍ब। यरूसलेम कली योव़‍ब परमप्रभु यावेमी इ कली हुइक्‍ब। मार, एको मुर मी रे पा ग्रुंइ‍शो बुल्‍सी खोदेंशो ममाइ ङा?” देंत। यहूदा :९

एफिसी 1:4

मोपतीके रागी सेल्‍चा क्‍येङा ङोंइती परमप्रभु यावेमी इं कली योव़तु। मार कली योव़तु देंशा हना, गोपुकी परमप्रभु यावे आ मुर दुम्‍शा, दोस मताइब नु दाक्‍ब दुम्‍यल, दे योव़तु। रोमी ८:२८-३०; एफिसी ५:२७