जकरिया 1:16 - Sunuwar Bible

¹⁶ मोपतीके परमप्रभु यावेमी मार देंत, देंशा हना ‘गो शिशी पा यरूसलेम लेत्‍ती। मेकेर आं खिं लेंशा सेल्‍चा माल्‍नीम। मिनु यरूसलेम नेल्‍लेमी पुक्‍तीक डोरी की‍चा माल्‍नीम’ दे मुर नेल्‍ल आन परमप्रभु यावेमी देंत। जकरिया ८:३

जकरिया 1:16 ပူးပေါင်းရင်းမြစ်များ

अय्‍युब 38:5

मेको कली दोमो सेल्‍चा, दे सुम देंमे? गे तुइक्‍नेवे? मेको पुक्‍चा कली सुम डोरी कीङा। मेको गे तुइक्‍नेवे? हितोपदेस ३०:४

यसैया 12:1

मेको नाक्‍ती गेपुकीमी “परमप्रभु यावे, गे रिम्‍शो पाइब बाक्‍नीनी। गे आंइ पर्बम गाइक्‍ताक्‍नी हना यो, इन गाइक्‍चा नाइक्‍साक्‍व। मुल गे आंइ कली लेम्‍नीनी।

यसैया 34:11

तन्‍न मेकेर ठेयब चिक्‍ब नु काइश्‍श आन बाक्‍तीके दुम्‍ब। मेकेर हुहुचील नु खदपुकी बाक्‍नीम। परमप्रभुमी मेको रागी कली ग्रांग्‍ये माग्‍ये सेल्‍ब। आ ठेयब मुर मार पचा दो पचा दुम्‍नीम।

येरमीया 30:18

परमप्रभु यावेमी “गो याकूब आ ताम्‍बु ङा शोंप लेंशा गेनुङ। मिनु मेको आ बाक्‍तीक रागी कली शिशी पाइनुङ। मेको सहर ङा ब्रेश्‍शो नेल्‍ल आ डांडामी लेंशा सेल्‍सीब। मिनु आ दरवार लेंशा ङोंइती ङा आ बाक्‍तीकेमी सेल्‍सीब।

इजीकीएल 40:3

मिनु मेकोम आं कली मेकेर लदानु, गो मेकेर मुर का ताता। मेकेर कांसा खोदेंशो टल्‍केशो मुर का बाक्‍त। मेको आ गुइम सुती के डोरी नु पुक्‍तीक कोक्‍के का बाक्‍त। मेको ठेयब लाप्‍चो आ नेक्‍था राप्‍शो बाक्‍त। इजीकीएल ४७:३; जकरिया २:५ प्रकाश २१:१५

इजीकीएल 47:3

मिनु मेको पुक्‍तीक डोरी का शेशा पूर्ब गे लत। मिनु मेकोम हजार का कुबीत पुक्‍तु। मिनु नोले मेकोमी आं कली ब्‍वाक्‍कु शोक्‍‍पाइक्‍ती। मेको ब्‍वाक्‍कु दिम्‍ला सम्‍म जाक्‍शो बाक्‍त। कुबीत का ०.५ मिटर बाक्‍ब। इजीकीएल ४०:३

इजीकीएल 48:35

मिनु सहर आ एर ओंथ हिरशो गारो १८ हजार कुबीत दुम्‍ब। मेना रे मेको सहर आ नें ‘परमप्रभु यावे मेकेर बाक्‍ब’ देंशो नें वोइक्‍चा माल्‍ब” दे परमप्रभु यावेमी देंत। इजीकीएल ४३:७; यसैया ६०:१४; प्रकाश २१:३

हाग्‍गै 1:14

मिनु परमप्रभु यावेमी शाल्‍तीएल आ तौ, यहूदा रागीम हुकुम पाइब, जेरूब-बाबेल नु यहो-सादाक आ तौ, नेल्‍ल क्‍येङा ठेयब चढ़ेब, यहोसु नु लीशो मुर आन थुं कली जोंब पोक्‍ताक्‍व। मिनु मेकोपुकीमी मुर नेल्‍ल आन परमप्रभु यावे, आ खिं सेल्‍चा गोम्‍तेक्‍म।

जकरिया 10:6

गो यहूदा आ खिं ङा मुर आन कली बोल्‍यो सेल्‍नुङ। योसेफ आ खिं ङा मुर आन कली श्‍येत रे प्रोंइनुङ। मेको आन कली ङोंइती ङा खोदेंशो सेल्‍नुङ। मारदे हना गो मेको आन कली शिशी पाइनुङ। मेकोपुकी गेनायो मतिल्‍शो खोदेंशो दुम्‍नीम। मारदे हना गो परमप्रभु यावे, मेको आन परमप्रभु नङ। गो मेको आन कली लोव़ लेत्‍नुङमी।

जकरिया 2:4

मिनु मेकोमी “दोरशा लशा मेको ठिटा कली ‘यरूसलेममी लेंशा शुश मुर बाक्‍चा माल्‍नीम। मुर नु बी ब्‍यफ, क्‍यारश भेडा शुश दुम्‍तीके यरूसलेम गारो मपाइश्‍शो गाउं खोदेंशो दुम्‍ब।

जकरिया 2:5

मिनु गो मेको आ एर ओंथ मी के गारो दुम्‍नुङ। मिनु गो मेको आ आगा ङा छेङछेङ दुम्‍नुङ’ दे परमप्रभु यावेमी देंत, देनो” देंत। जकरिया ९:८

जकरिया 2:6

परमप्रभु यावेमी “जाक्‍कीन जाक्‍कीन, उत्तर ङा रागी रे प्रोक्‍शा जाक्‍कीन। मारदे हना गो इन कली एर ओंथ ङा फशेमी खोदेंशो पा फ्राता” दे परमप्रभु यावेमी देंत।

जकरिया 4:9

“जेरूब-बाबेलमी एको परमप्रभु यावे आ खिं ङा जग फुल्‍लु वोइश्‍शो बाक्‍ब। मिनु मेकोमीन मेको खिं सेल्ने थुम्‍ब। मिनु मुर नेल्‍ल आन परमप्रभु यावेमी आं कली इन कली लोव़ पथ सोइश्‍शो बाक्‍ब, दे तुइक्‍नीनी” देंती। एज्रा ३:८; एज्रा ६:१४-१६; जकरिया २:१३,१५

जकरिया 8:3

परमप्रभु यावेमी “गो सियोनमी जाक्‍शा, यरूसलेम आ दातेमी बाक्‍नुङ। मिनु यरूसलेम थमा सुइक्‍चा पुंइसीब सहर दुम्‍ब। मिनु मुर नेल्‍ल आन परमप्रभु यावे आ डांडा आंम आ बाक्‍तीक डांडा दुम्‍ब” देंत। जकरिया १:१६; यसैया १:२१,२६; भजन संग्रह २:६