तीतस 3:6 - Sunuwar Bible

⁶ मिनु परमप्रभु यावेमी आ सोक्‍त इं तारी मोइक्‍तु। दोपा मोइक्‍तु देंशा हना, इं पाप रे प्रोंइब येसु ख्रीस्‍त आ पतीकेमी मोइक्‍तु।

तीतस 3:6 ပူးပေါင်းရင်းမြစ်များ

हितोपदेस 1:23

गे आं हुइश्‍शो लोव़ नेनीन। आं मिम्‍शो इन कली देंनुङ। आं लोव़ इन कली तुइक्‍पाइक्‍नुङ।

यसैया 32:15

मिनु नोले परमप्रभु यावेमी आ सोक्‍ती इं तार मोइक्‍ब। मेना मुर मबाक्‍तीके गोरशो रागी ग्रेल्‍शो रू दुम्‍ब। मिनु मेको ग्रेल्‍शो रू ब्‍वाकी खोदेंशो दुम्‍ब। यसैया ४४:३; यसैया २९:१७

यसैया 44:3

मारदे हना गो सोव़शो रागी तारी ब्‍वाक्‍कु लुक्‍नुङ। सोव़शो खपीम खोला शाइक्‍पाइक्‍नुङ। गो इ चच युइ आन तारी आं सोक्‍त मोइक्‍नुङ। इ आल आन कली आसीक गेनुङ’। यसैया ३२:१५; योएल ३:१

इजीकीएल 36:25

गो इन तार रिम्‍शो ब्‍वाक्‍कु ब्रुइक्‍नुङ। मिनु गे इन ग्रांग्रा दिशो गेय नु इन मूर्ति पूजा पतीक ताइश्‍शा रिम्‍शो दुम्‍नीनी। इन ग्रांग्रा दिशो दुम्‍शो नेल्‍ल रे ग्रांग्रा मदिशो सेल्‍नन्‍नी। जकरिया १३:१; हिब्रू १०:२२

योएल 2:28

मिनु नोले गो आं सोक्‍त मुर नेल्‍ल आन तार मोइक्‍नुङ। मिनु इन तमी तौपुकीमी आं लोव़ पाइनीम। इन खाल्‍पापुकीमी ङोमु ताइनीम। मिनु इन वोंइश आलपुकीमी आं कोंइशो ताइनीम। गन्‍ती ११:२९; यसैया ४४:३; इजीकीएल ३९:२९; तीतस ३:५-६

यूहन्‍ना 1:16

आ शिशी पतीक गो शुश शिशी तना तन बाक्‍तक। यूहन्‍ना ३:३४; कलस्‍सी १:१९

यूहन्‍ना 16:7

नोफा दाइश्‍शा नेनीन, आं लशो इन कली रिम्‍शो दुम्‍ब। गो मलती हना, थमा सुइक्‍ब आन कली वारच पाइब मजाक्‍ब। गो लती हना, मेको कली सोइक्‍नुङ। यूहन्‍ना १४:१६,२६

यूहन्‍ना 4:10

मिनु येसुमी मेको मीश मुर कली “परमप्रभु यावेमी इ कली मार गेचा दाक्‍ब, दे तुइक्‍ताक्‍वी हना, नु ब्‍वाक्‍कु पुंइब, आं कली, सु बाक्‍नुङ, दे तुइक्‍ताक्‍वी हना, आं कली ‘ब्‍वाक्‍कु गेयी’ दे पुंइदी वा। मिनु ब्रोंइचा गेब ब्‍वाक्‍कु गेन वा” दे मदा बाक्‍त। यूहन्‍ना ७:३८-३९

यूहन्‍ना 7:37

मिनु बाली ओंइतीक चाड नुप्‍ची नाक्‍त नेल्‍ल क्‍येङा ठेयब नाक्‍ती बाक्‍त। मेना येसुमी मुर आन कली “सु सुमी तूतू दाक्‍नीमी, मेको आं गे पिशा तूङमेक्‍ल। लेवी २३:३६; यूहन्‍ना ४:१०; यसैया ५५:१; प्रकाश २२:१७

प्रेरित 10:45

पत्रुस नु काथा जाक्‍शो ख्रोइक्‍तीक चिनु ख्रोइश्‍शो थमा सुइक्‍ब यहूदीपुकीम अर्को रागी ङा मुर यो परमप्रभु यावे आ सोक्‍तीम ब्रीशो तशा छक लाक्‍मा बाक्‍त।

प्रेरित 2:33

मिनु येसु परमप्रभु यावे आ ग्‍युरा गे बाक्‍शा, आ आफ रे परमप्रभु यावे आ सोक्‍त ताक्‍शा, आंइ तारी मोइक्‍‍तु। मिनु मार मार नेंनी, मार मार तनी, मेको नेल्‍ल परमप्रभु यावे आ सोक्‍तीम पपाइश्‍शो बाक्‍माक्‍त, दे तुइक्‍तीने। यूहन्‍ना १५:२६

रोमी 2:4

मिनु गे परमप्रभु यावेमी मुर आन कली दाक्‍तीके, फाल्‍तीके नु आ गे लेत्‍नीनी कों, दे रिम्‍तीके कली आइक्‍च मिम्‍नीनी? परमप्रभु यावेमी “आन थुं आं गे लेत्‍नीमी कों” दे रिम्‍शो मतुइक्‍नीनी? २पत्रुस ३:९,१५

रोमी 5:5

मिनु मोदेंशो आस पतीकेम मुर आन कली बोल्‍यो सेल्‍ब। मारदे हना परमप्रभु यावे आ सोक्‍त आ पतीकेमी परमप्रभु यावे आ दाक्‍तीके इं थुंम मोइश्‍शो बाक्‍त। भजन संग्रह २२:६; भजन संग्रह २५:३,२०; हिब्रू ६:१८-१९

रोमी 8:2

मारदे हना येसु ख्रीस्‍त आ ब्रोंइचा गेब सोक्‍त आ अरेशो लोव़मी इन कली पाप पचा नु बेक्‍चा आ अरेशो लोव़ रे प्रोंइतु।

एफिसी 3:8

गो परमप्रभु यावे आ मुर नेल्‍ल आन क्‍येङा आइक्‍च बाक्‍नुङ। मिनु परमप्रभु यावेमी आ शिशी रे आं कली “अर्को रागी ङा मुर आन कली ख्रीस्‍त आ शिशी गिश ठेयब बाक्‍बा तुइक्‍पाइक्‍मी” दे शेंब सेल्‍ती। १कोरिन्‍थी १५:९-१०; गलाती १:१६; एफिसी १:७

एफिसी 4:2

गेपुकी ब्रेम्‍शो दुम्‍शा, सुइ नु मचुरथु, रिम्‍शो पा बाक्‍कीन। मुर आन कली फाल्‍शा, मेकोपुकी नु रिम्‍शो पा दाक्‍मुने। कलस्‍सी ३:१२-१३

१ तिमोथी 6:17

गे मुल शुश क्‍येट थीब आन कली “ठेयब लेश्‍शो मदुमीन। जाम्‍शा लाइब शोंप कली आस मपथु, परमप्रभु यावे कली आस पने। मारदे हना परमप्रभु यावेमी इं कली शुश तेम्‍शा गेब। आ गेशो तशा ग्‍येरसीन” दे माइक्‍मी। भजन संग्रह ६२:११; लूका १२:१५-२१

तीतस 1:4

तीतस, एको चिठी इ कली ब्रेक्‍ताक्‍ङ। गो निक्‍शी इस के थमा सुइक्‍तीक का दुम्‍शा, गे आं तौ खोदेंशो दुम्‍ते। इं आफ परमप्रभु यावे नु इं पाप रे प्रोंइब येसु ख्रीस्‍तमी इ कली शिशी नु थुं नाइक्‍चा गेम्‍सेक्‍ल। १तिमोथी १:२