तीतस 3:11 - Sunuwar Bible

¹¹ मोदेंशो मुर नेल्‍ल दूली नु मरिम्‍शो पाइब दुम्‍शा, आन मरिम्‍शो पतीकेमी आंम कली खतम सेल्‍ब बाक्‍नीम, दे तुइक्‍नेवे। १तिमोथी ६:४-५

तीतस 3:11 ပူးပေါင်းရင်းမြစ်များ

लूका 19:22

मिनु ठेयब मुरुमी ‘गो इ लोव़म इ कली निसाफ पाइनुङ। आं देंशो मटीब गेय पाइब बाक्‍नेवे। मार मगेङा, मेको ताक्‍नुङ। मार मशोक्‍गु, मेको खुप्‍‍नुङ। गो मरिम्‍शो मुर नङा दे गे तुइश्‍शोन नवे?

लूका 7:30

फरिसी नु सास्‍त्रीपुकीमी चहिं यूहन्‍ना आ लोव़ नेंशा “ब्‍वाक्‍कुम मख्रुम्‍पांइसीनीकी” दे परमप्रभु यावे कली थमा मसुइक्‍थु बाक्‍मा बाक्‍त। मेकोपुकीमी परमप्रभु आ पावो, दे देंशो लोव़ मपामे बाक्‍त। प्रेरित १३:४६

यूहन्‍ना 3:18

सुमी परमप्रभु यावे आ तौ कली थमा सुइक्‍बा, मेको स्‍वर्गमी निसाफ पचा मपुंइसीब। सुमी चहिं थमा मसुइक्‍बा, मेको ङोंइती रेन निसाफ पा सजाइ तचा पुंइसीब दुम्‍शो बाक्‍ब। मारदे हना मेकोमी परमप्रभु यावे आ कांइचीक तौमी पाप रे प्रोंइब, दे थमा मसुइश्‍शो बाक्‍ब। यूहन्‍ना ५:२४

प्रेरित 13:46

मिनु पावल नु बारनाबासमी यो महिंथु ठेयब थुं पा “अरु आन क्‍येङा ङोंइती इन कली परमप्रभु यावे आ लोव़ नेंपाइक्‍चा माल्‍शो। गेपुकीमी चहिं मनेंनीनी, नोफा मदाइक्‍नीनी, थमा मसुइक्‍नीनी। इन मोदेंशो पशोमी गेना हना यो ब्रोंइशा बाक्‍चा मताइनीनी। जाम्‍शा लाइनीकी, दे तुइक्‍तीने। मुल ङा मेरे इन कली शेंचा प्रोंइशा, अर्को रागी ङा मुर आन कली शेंथ गाक्‍नस्‍कु। प्रेरित ३:२५-२६; मत्ती १०:५-६

प्रेरित 15:24

गोपुकी नु बाक्‍ब का निक्‍शी इन बाक्‍तीकेमी जाक्‍शा, इन थुं क्‍याल्‍तेक्‍म देंशो लोव़ नेंतक। मेको आंइ सोइश्‍शो मबाक्‍नीम।

प्रेरित 23:25

मिनु हुकुम पाइब कली चिठी ब्रेक्‍ता बाक्‍त।

रोमी 3:19

अरेशो लोव़ अरेशो टीब आन कली ब्रेक्‍शो बाक्‍ब। मेको लोव़ मटिम्‍तेक्‍म हना, सिक्‍सी पचा माल्‍नीम। यहूदी नु रागी ङा मुर नेल्‍ल पापी दुम्‍तेक्‍म। मोपतीके परमप्रभु यावेमी मुर नेल्‍ल आन कली निसाफ पाइब। रोमी २:१२; गलाती ३:२२

२ तिमोथी 2:14

एको लोव़ मेको आन कली फ्रुक्‍पाइक्‍मी। परमप्रभु यावे आ ङोंइती मेको आन कली “लोव़ आ पर्बम मजिने” दे माइक्‍मी। मारदे हना मेको मरिम्‍शो दुम्‍ब, नेंबपुकी यो वाम ग्‍याम दुम्‍नीम। १तिमोथी ६:४; तीतस ३:९

तीतस 1:11

मोदेंशो मुर आन कली ब्‍वालेइ पपाइक्‍चा माल्‍नीम। मारदे हना खिं खिं ङा मुर नेल्‍ल आन कली जिपाइक्‍नीमी। मिनु क्‍येट चेम्‍चा कली शेंनीमी।

तीतस 1:14

मिनु थमा सुइक्‍बपुकीमी यहूदी आन कथा नु मुरुम सेल्‍शो अरेशो लोव़ नेंचा मदुम्‍ब। मेको थमा लां प्रोंइब बाक्‍नीम। १तिमोथी ४:७; २तिमोथी ४:४

हिब्रू 10:26

मिनु मुल मार देंनुङ देंशा हना, ख्रीस्‍तम सेल्‍शो नक लां तुइश्‍शा यो मेको लां मखोइक्‍नुङ देंतय हना, मोदेंशो चहिं नेल्‍ल क्‍येङा ठेयब पाप बाक्‍ब। मेको पाप चहिं मारेइ चढ़ेशोमी मक्‍याम्‍सीथु लीशा बाक्‍ब। हिब्रू ६:४-८; गन्‍ती १५:३०