तीतस 2:8 - Sunuwar Bible

⁸ गे रिम्‍शो लोव़ शेंताक्‍वी हना, सुइमी इ कली दोस गेने मचाप्‍नीम। मिनु इ कली मदाक्‍बमी यो इ पर्बम मारेइ मरिम्‍शो लोव़ पचा मताइनीम। मिनु आन मुने दोक्‍नीम।

तीतस 2:8 ပူးပေါင်းရင်းမြစ်များ

नेहेम्‍याह 5:9

मिनु लेंशा “इन पशो मरिम्‍शो बाक्‍ब। आंइ जोरी सत्रुपुकीमी आंइ कली शुक्‍शी मपपाइक्‍थु, आंइ परमप्रभु कली मान पा हिंशा, गेय पचा ममाल्‍नीनी ङा?

यसैया 66:5

परमप्रभु यावे आ लोव़ क्‍येङा हिंशा, ख्रिंख्रि पाइबपुकीम “आं लोव़ नेनीन। इन लोक्‍बपुकीमी गेपुकी आं मुर दुम्तीके इन कली काइ मदाक्‍थु, तिल्‍नीम। मेकोपुकीमी ‘परमप्रभु यावे कली ठेयब सेलल। मिनु गो इन ग्‍येरशा बाक्‍शो तकल’ देंनीम। तन्‍न मेकोपुकी मुने दोक्‍नीम। लूका ६:२२

मर्कूस 12:17

मिनु येसुमी “सिजर आ मार मार बाक्‍मा, मेको सिजर कली गेने। परमप्रभु यावे आ मार मार बाक्‍मा, मेको परमप्रभु यावे कली गेने” दे माइक्‍मी बाक्‍त। मिनु नेल्‍ल छक लाक्‍मा बाक्‍त। रोमी १३:१७

मर्कूस 12:28

मिनु सास्‍त्री कामी सदुकीपुकीमी येसु नु लोव़ पशो नेंशा, येसुमी मेको आन लोव़ लेन्‍ने चाप्‍बाक्‍त, दे रुप्‍शा ङा मिन, येसु आ नेक्‍था जाक्‍शा “ए शेंब, परमप्रभु यावे आ अरेशो लोव़ तेको नेल्‍ल क्‍येङा ङोंइती ङा बाक्‍बा?” दे हिल्‍लो पवा बाक्‍त।

मर्कूस 12:32

मिनु सास्‍त्रीमी “शेंब, गे थमान ठीक लोव़ पाइतीनी। परमप्रभु यावे कानाइ बाक्‍ब। आ ङा लाक्‍शा सुइ मबाक्‍ब। लूका २०:३९-४०

मर्कूस 12:34

मिनु येसुमी “एकोमी निप्‍स खाप्‍शो लोव़ पाइबाक्‍त” दे रुप्‍शा “गे परमप्रभु यावे आ राज्‍य रे ङोन मबाक्‍नी बाक्‍त” दे मदा बाक्‍त। में ङा मेरे हिंशा, सुइमी लोव़ हिल्‍लो मपामे बाक्‍त। प्रेरित २६:२७-२९

लूका 13:17

मोदेंशो लोव़ पवानु, आ कली मरिम्‍शो देंब मुर मुने दोक्‍माक्‍त। मेकेर बाक्‍ब मुर नेल्‍ल येसु आ पशो रिम्‍शो गेय तशा, थाम्‍पा ग्‍येरसमा बाक्‍त।

२ थिस्‍सलोनिकी 3:14

मिनु सु सुमी आंइ ब्रेक्‍शो लोव़ मटीमे, मेको आन कली तुइश्‍शा वोतीन। मिनु मेकोपुकी नु मबाक्‍कीन। मोदेंशो पशो तशा, मेको मुरपुकी मुने दोक्‍नीम।

१ तिमोथी 5:14

मोपतीके वोंइश बेक्‍शो ठिटी मीश मुरपुकीमी ग्‍युंबे पा, आल थिशा, आन खिं ङा गेय पामेक्‍ल। मो पाम्‍तेक्‍म हना, मरिम्‍शो पा गाक्‍चा मताइनीम। अरुमी यो थमा सुइक्‍ब आन पर्बम मरिम्‍शो लोव़ पचा मताइनीम। १तिमोथी २:१५; १कोरिन्‍थी ७:९

१ तिमोथी 6:3

सुमी अरु शेंतीक शेंबा, मेकोमी इं प्रभु येसु ख्रीस्‍त आ थमा लोव़ नु आ शेंतीके नु मगारचा ङा शेंब। मेको आं देंशो थमा लोव़ चहिं परमप्रभु यावे कली मिम्‍ब नु दाक्‍ब थुं रे बाक्‍ब। २तिमोथी १:१३

तीतस 3:14

मिनु इं मुरपुकीमी यो रिम्‍शो गेय पचा कली शेंसीचा माल्‍नीमी। मोपा शुश श्‍येत जाइब आन कली वारच पशा, फल सिप्‍ब रवा खोदेंशो दुम्‍नीम। तीतस २:१४; मत्ती ७:१९

१ पत्रुस 2:12

थमा मसुइक्‍ब आन दातेमी रिम्‍शो पने। मेकोपुकीमी इन पर्बम “मरिम्‍शो पाइब बाक्‍नीम” दे मरिम्‍शो लोव़ पाम्‍तेक्‍म हना यो, इन रिम्‍शो पतीक तशा, परमप्रभु यावे नु ग्रुम्‍ची ना मेकोपुकीमी परमप्रभु यावे कली ठेयब सेल्‍मेक्‍ल। मत्ती ५:१६

१ पत्रुस 2:15

परमप्रभु यावे आ दाक्‍शो मार बाक्‍ब देंशा हना, इन रिम्‍शो पतीकेमी मतुइक्‍ब नु निप्‍स मपाइश्‍शो आन कली सिक्‍सी पपतीन। १पत्रुस ३:१६; तीतस २:८

१ पत्रुस 3:16

इन थुं ङा मिम्‍तीक कली पाप रे ङोन वोतीन। इन कली शुक्‍शी पाइबपुकी ख्रीस्‍त आ नेंमी रिम्‍शो पशो तशा, मुने दोक्‍मल। १पत्रुस ४:६