तीतस 2:6 - Sunuwar Bible

⁶ मोदेंशो पा गे इ क्‍येङा आल वोंइश मुर आन कली “गेय पचा क्‍येङा ङोंइती मिम्‍चा माल्‍ब” दे शेंचा माल्‍नेवे।

तीतस 2:6 ပူးပေါင်းရင်းမြစ်များ

अय्‍युब 29:8

ठिटापुकीम आं कली तशा, लां प्रोंइशा गेतीमी। मिनु खूशोपुकी आं कली तशा मान पा राप्‍तेक्‍म।

भजन संग्रह 148:12

वोंइश आल नु मीश आल, खाल्‍पा खाल्‍पी नु आल नेल्‍लेमी परमप्रभु यावे कली ठेयब सेलीन।

उपदेसक 11:9

ए ठिटा मुर, गे ठिटा बाक्‍ङेनु ग्‍येरसो। इ थुंमी गे ठिटा बाक्‍ङेनु ग्‍येरपदल। इ त‍शो नु इ थुंमी मिम्‍शो आस नोले खोतो। तन्‍न परमप्रभुमी मेको नेल्‍ल तुइश्‍शा निसाफ पाइब, दे मिम्‍तो। उपदेसक २:२४

उपदेसक 12:1

इ ठिटा बाक्‍ना बाक्‍न इ कली सेल्‍ब कली मिम्‍तो। श्‍येत जतीक नाक्‍ती नु इ खूशो दुम्‍तीक बर्स जाक्‍मेनु “गो मेको नाक्‍त मदाक्‍नुङ” देंचा क्‍येङा ङोंइती मिम्‍तो।

योएल 2:28

मिनु नोले गो आं सोक्‍त मुर नेल्‍ल आन तार मोइक्‍नुङ। मिनु इन तमी तौपुकीमी आं लोव़ पाइनीम। इन खाल्‍पापुकीमी ङोमु ताइनीम। मिनु इन वोंइश आलपुकीमी आं कोंइशो ताइनीम। गन्‍ती ११:२९; यसैया ४४:३; इजीकीएल ३९:२९; तीतस ३:५-६

१ थिस्‍सलोनिकी 5:6

मोपतीके अरु खोदेंशो पा गो मइप्‍य, सासीशा “प्रभु यीब” दे मिम्‍ना मिम्‍न बाक्‍य। १पत्रुस ५:८

१ तिमोथी 5:1

शेंब खाल्‍पा आन कली महुइक्‍तो, तन्‍न आंम आफ कली खोदेंशो पा लोव़ पावो। ठिटा वोंइश मुर आन कली लोक्‍ब खोदेंशो मिम्‍तो। लेवी १९:३२; तीतस २:२

१ पत्रुस 5:5

मिनु गे ठिटापुकी, शेंब खाल्‍पा आन देंशो लोव़ टिने। गे नेल्‍ल ब्रेम्‍शो थुं पाइश्‍शो दुम्‍शा, गेय पमुने। मारदे हना परमप्रभु यावेमी ठेयब लेश्‍शो मुर आन कली मकोव़ब, ब्रेम्‍शो थुं पाइश्‍शो मुर आन कली ला शिशी पाइब। एफिसी ५:२१; अय्‍युब २२:२९; हितोपदेस ३:३४; मत्ती २३:१२; याकूब ४:६

१ यूहन्‍ना 2:13

आम आफपुकी, गो इन कली मारदे ब्रेक्‍ना ब्रेक्‍न बाक्‍ती देंशा हना, गे मेको ङोंइती रे बाक्‍ब कली तुइक्‍नीनी। मोपतीके गो इन कली ब्रेक्‍ना ब्रेक्‍न बाक्‍ती। ठेयब वोंइश आलपुकी, गो इन कली मारदे ब्रेक्‍ना ब्रेक्‍न बाक्‍ती देंशा हना, गे सैतान कली ग्रातीनी। मोपतीके गो इन कली ब्रेक्‍ना ब्रेक्‍न बाक्‍ती। मिनु आं तमी तौपुकी, गो इन कली मारदे ब्रेक्‍ताक्‍ङ देंशा हना, गे इं आफ परमप्रभु यावे कली तुइक्‍नीनी। मोपतीके गो इन कली ब्रेक्‍ताक्‍ङ। यूहन्‍ना १:१