तीतस 2:3 - Sunuwar Bible

³ मिनु खाल्‍पी आन कली मार शेंचा माल्‍नेवे देंशा हना, खाल्‍पीपुकी रिम्‍शो थमा सुइक्‍ब दुम्‍चा माल्‍नीम। हेंथे लोव़ पचा मदुम्‍ब। शुश शांबु तूचा मदुम्‍ब। खाल्‍पीपुकी रिम्‍शो गेय शेंब दुम्‍चा माल्‍नीमी।

तीतस 2:3 ပူးပေါင်းရင်းမြစ်များ

रोमी 1:29

मिनु आन थुं पापम ब्रीशो दुम्‍तेक्‍म। मिनु मार पाम्‍तेक्‍म देंशा हना, मारेइ मारेइ मरिम्‍शो ला पमुम्‍तेक्‍म, शिंम दुम्‍तेक्‍म, थुं चोमुम्‍तेक्‍मे, रुश पमुम्‍तेक्‍मे, मुर साइक्‍तेक्‍मे, जिम्‍तेक्‍मे, जोल पाम्‍तेक्‍मे, ख्रुइश्‍शा मुर आन लोव़ पाम्‍तेक्‍म।

रोमी 16:2

फिबी दिदीमी थमा सुइक्‍ब शुश आन कली वारच पाप्‍तु। आं कली यो शुश वारच पाइक्‍ती। मोपतीके फिबी दिदी कली प्रभु आ नेंमी मान पतीने। मार मार माल्‍दा, मेको गेशा वारच पतीने।

एफिसी 5:3

मोपतीके गेपुकी परमप्रभु यावे आ मुर दुम्‍शा, इन दातेमी तेल्‍लेम पचा, ग्रांग्रा दिचा ङा गेय पचा नु शिंम पचा आ पर्बम लोव़ सम्‍म यो मपने। मेको परमप्रभु यावे आ मुर आन कली रिम्‍शो दुम्‍ब। कलस्‍सी ३:५

१ तिमोथी 3:11

आ मीश यो रिम्‍शो बाक्‍शा, डुलेथ मगाक्‍थु, गेय पचा ङोंइती मिम्‍ब बाक्‍चा माल्‍ब। मेको आ गेय नेल्‍ले रिम्‍शो पा पचा माल्‍ब। तीतस २:३

१ तिमोथी 3:8

थमा सुइक्‍ब आन ग्रुम्‍तीक खिं ङा गेय पाइबपुकी यो रिम्‍शो मुर बाक्‍चा माल्‍नीम। लोव़ क्‍याल्‍ब, शुश राकसी शांबु तूब नु क्‍येट ला मिम्‍बमी मोदेंशो गेय पने मचाप्‍नीम। प्रेरित ६:३; फिलिप्‍पी १:१

१ तिमोथी 5:23

ङोंइती ङा खोदेंशो पा ब्‍वाक्‍कु ला मतूङो। इ कोव़ज रोइ पतीके इच्‍का अङगुर शांबु ब्‍वाइश्‍शा तूङो।

तीतस 1:7

मोदेंशो थमा सुइक्‍ब आन कली कोव़ब परमप्रभु यावे आ खिं ङा गेय पाइब दुम्‍शा, दोस गेचा मपुंइसीब बाक्‍चा माल्‍ब। मिनु ठेयब लेश्‍शो, शुश गाइक्‍ब, राकसी शांबु तूशा दुक्‍ब, चुरशा गुइ प्रोंइब नु शिंम मुरुम मेको गेय पने मचाप्‍नीम। १कोरिन्‍थी ४:१; २तिमोथी २:२४

तीतस 2:4

मोदेंशो पा खाल्‍पीपुकीमी आन क्‍येङा आल मीश मुर आन कली आन वोंइश नु आन आल आन कली दाक्‍चा माल्‍ब, दे शेंचा माल्‍नीम।

हिब्रू 5:12

मुल गेपुकी अरु आन कली शेंब दुम्‍चा माल्‍शो ननी। तन्‍न इन कली कका परमप्रभु यावे आ ङोंइती ङा लोव़ लेंशा शेंचा माल्‍ताक्‍नी। मुल खमे जाइब खोदेंशो दुम्‍चा माल्‍शो ननी। तन्‍न दूध तूब आल खोदेंशो बाक्‍नीनी। १कोरिन्‍थी ३:१-३; १पत्रुस २:२

प्रकाश 2:20

तन्‍न इन कली लोव़ का पचा माल्‍नुङ। मार लोव़ पचा माल्‍नुङ देंशा हना, गे इजेबेल माइश्‍शो मीश मुर कली इन ग्रुम्‍तीकेमी बाक्‍चा गेतीनी। इजेबेलमी ‘गो परमप्रभु यावेमी तुइक्‍पाइश्‍शो लोव़ पाइब नङ’ देंखु पा, आं गेय पाइब आन कली मरिम्‍शो पचा शेंताक्‍मी। मार मरिम्‍शो पचा शेंताक्‍मी देंशा हना, तेल्‍लेम पचा नु मूर्ति कली चढ़ेशो थोव़क जचा ब्‍वचा दुम्‍ब, दे शेंताक्‍मी। २राजा ९:२२