तीतस 2:10 - Sunuwar Bible

¹⁰ खुइ पचा मदुम्‍ब, नेल्‍ल गेयमी थम रिम्‍शो पाइब दुम्‍चा माल्‍नीम। मोदेंशो रिम्‍शो गेय पा इं कली पाप रे प्रोंइब परमप्रभु यावे आ शेंतीके रिम्‍शो लोव़ बाक्‍ब, दे कोंइनीमी। मेको शेंचा माल्‍नेवे।

तीतस 2:10 ပူးပေါင်းရင်းမြစ်များ

भजन संग्रह 101:6

गो रागी ङा थमा सुइक्‍चा पुंइसीब मुर आन कली दाक्‍शा कोव़नुङ। मिनु गो नु बाक्‍चा गेनुङमी। सु सु दोस मततीक लां गाक्‍नीमी, मेको आन कली आं गेय पाइ‍ब सेल्‍नुङमी। हितोपदेस २२:११

यसैया 12:2

थमा पा, परमप्रभु आं कली पाप रे प्रोंइब बाक्‍ब। गो मेको कली थमा सुइश्‍शा महिंनुङ। मारदे हना परमप्रभु यावे आं कली सक्ति नु बोल गेब बाक्‍ब। मेको आं कली श्‍येत रे प्रोंइब बाक्‍ब” दे कुम्‍सो पाइनीनी। प्रस्‍थान १५:२

मत्ती 24:45

होव़पमी आ खिं कोव़ब कली जची जाक्‍मेनु, जचा गेचा, दे अरेशा वोइक्‍चा पुंइसीशो खोदेंशो रिम्‍शो थुं पाइश्‍शो गेय पाइब सु बाक्‍बा?

मत्ती 5:16

मेको ब्रशो बत्ती खोदेंशो पा गेमी इन रिम्‍शो गेय रे पा इन छेङछेङ मुर आन कली कोंइदीने। मिनु इन रिम्‍शो पशो तशा, स्‍वर्गमी बाक्‍ब इन आफ कली ठेयब सुइश्‍शा मान पाइनीम। फि‍लिप्‍पी २:१४-१५; यूहन्‍ना १५:८; एफिसी ५:८-९

लूका 1:47

मारदे हना मेको आं कली श्‍येत रे प्रोंइब, परमप्रभु बाक्‍ब। गो ग्‍येरसीनुङ।

लूका 1:80

मिनु यूहन्‍ना कोल्‍शा, परमप्रभु यावे आ सोक्‍तीम बोल्‍यो दुम्‍शा, खिं रे गाक्‍शा, मुर मबाक्‍तीके गोरशो रागीमी जाक्‍दीश्‍शा, इस्राएल ङा मुर आन कली परमप्रभु यावे आ लोव़ मशेंदीमी सम्‍म मेकेर बाक्‍माक्‍त। मत्ती ३:१

लूका 16:10

मिनु लेंशा “सुमी थम आइक्‍च गेय कली रिम्‍शो पा पाइबा, मेकोमी ठेयब गेय यो रिम्‍शो पा पाइब। सुम आइक्‍च गेय, दे मरिम्‍शो पा पाइबा, मेकोमी ठेयब गेय यो मरिम्‍शो पा पाइ‍ब। लूका १९:१७

यूहन्‍ना 12:6

यहूदामी प्रुङग आन कली शिशी पा मिम्‍शा ममाइ, तन्‍न क्‍येट कुरशा, क्‍येट खुइ पना पन बाक्‍बाक्‍माक्‍त। यूहन्‍ना १३:२९

१ कोरिन्‍थी 4:2

मोदेंशो पा शेंबपुकी थमा सुइक्‍चा माल्‍शो मुर दुम्‍चा माल्‍नीम। लूका १२:४२

एफिसी 4:1

गो प्रभु आ पर्बम ग्‍याइक्‍चा पुंइसीब, इन कली अरेनुङ। गेपुकी परमप्रभु यावे आ ब्रेश्‍शो दुम्‍शो बाक्‍नीनी। मोपतीके परमप्रभु यावे कली शिरशो गेय पने।

फिलिप्‍पी 1:27

गे इन नाक्‍त किंत किंत ङा पतीकेमी ख्रीस्‍त आ ग्‍येरपाइक्‍ब लोव़ कली शिरशो दुम्‍शा बाक्‍कीन। गो गेपुकी नु बाक्‍ती हना यो, मबाक्‍ती हना यो, इन सोक्‍त का दुम्‍शा, इन थुं का दुम्‍शा, ग्‍येरपाइक्‍ब लोव़ ङा थमा सुइक्‍तीके गेय पा वारच पमुने।

फिलिप्‍पी 4:8

आं लोक्‍बपुकी, आं नेल्‍ल क्‍येङा नोले ङा लोव़ मार बाक्‍ब देंशा हना, तेको थमा बाक्‍बा, तेको शिरशो बाक्‍बा, तेको ठीक बाक्‍बा, तेको ग्रांग्रा मदिशो बाक्‍बा, तेको दाक्‍चा ङा बाक्‍बा, तेको रिम्‍शो लोव़ बाक्‍बा, तेको नेल्‍ल क्‍येङा रिम्‍शो नु दोस गेचा मपुंइसीब बाक्‍बा, तेको “रिम्‍शो पाइब” दे माइक्‍चा पुंइसीब बाक्‍बा, मेको आ पर्बम मिम्‍तीन।

१ तिमोथी 1:1

ख्रीस्‍त आ सोइश्‍शो गो पावल नङ। इं कली पाप रे प्रोंइब परमप्रभु यावेमी “ख्रीस्‍त येसु आ सोइश्‍शो दुमो” दे माइक्‍ती। इं कली ब्रोंइचा गेनुङ, दे कबल पाइब ख्रीस्‍त येसुमी यो मोन माइक्‍ती। कलस्‍सी १:२७

१ तिमोथी 5:17

ग्रुम्‍तीके खिंमी श्‍येत पा लोव़ पाइब नु शेंब खाल्‍पा आन कली निक्‍शी खेयप मान पा क्‍येट गेचा माल्‍नीम। प्रेरित १४:२३; रोमी १२:८

१ तिमोथी 6:1

वाइलीम वाइल नेल्‍लेमी आन होव़प मान ताक्‍चा शिरशो बाक्‍नीम, दे मिम्‍चा माल्‍नीम। मोपा मुरपुकीमी परमप्रभु यावे आ नें नु आ शेंतीके आइक्‍च मसेल्‍नीम। एफिसी ६:५; तीतस २:९-१०

१ तिमोथी 6:3

सुमी अरु शेंतीक शेंबा, मेकोमी इं प्रभु येसु ख्रीस्‍त आ थमा लोव़ नु आ शेंतीके नु मगारचा ङा शेंब। मेको आं देंशो थमा लोव़ चहिं परमप्रभु यावे कली मिम्‍ब नु दाक्‍ब थुं रे बाक्‍ब। २तिमोथी १:१३

तीतस 1:3

आ दाक्‍शो ना मुर आन कली आ लोव़ तुइक्‍पाइक्‍तु। दोपा तुइक्‍पाइक्‍तु देंशा हना, इं मरिम्‍शो गेय रे प्रोंइब परमप्रभु यावेम “आं लोव़ शेंदीमी” देंत। एफिसी १:९-१०

तीतस 3:4

तन्‍न पाप रे प्रोंइब परमप्रभु यावे आ रिम्‍शो पतीके, आ दाक्‍तीके नु शिशी जाक्‍त। तीतस २:११

१ पत्रुस 2:12

थमा मसुइक्‍ब आन दातेमी रिम्‍शो पने। मेकोपुकीमी इन पर्बम “मरिम्‍शो पाइब बाक्‍नीम” दे मरिम्‍शो लोव़ पाम्‍तेक्‍म हना यो, इन रिम्‍शो पतीक तशा, परमप्रभु यावे नु ग्रुम्‍ची ना मेकोपुकीमी परमप्रभु यावे कली ठेयब सेल्‍मेक्‍ल। मत्ती ५:१६

१ पत्रुस 3:16

इन थुं ङा मिम्‍तीक कली पाप रे ङोन वोतीन। इन कली शुक्‍शी पाइबपुकी ख्रीस्‍त आ नेंमी रिम्‍शो पशो तशा, मुने दोक्‍मल। १पत्रुस ४:६

२ यूहन्‍ना 1:9

सुम चहिं ख्रीस्‍त आ थमा शेंतीके लोव़ प्रोंइबा, मेको परमप्रभु यावे नु थुं का मबाक्‍ब। सुम चहिं ख्रीस्‍त आ थमा शेंतीक लोव़ मप्रोंइबा, मेको आफ नु तौ निम्‍फा नु थुं का ङा बाक्‍ब। १यूहन्‍ना २:२३

१ सामुएल 22:14

मिनु अहीमेलेकमी “इन गेय पाइब नेल्‍लेमी थमा सुइक्‍चा पुंइसीशो इन चांइवा, इन गेय पाइब दुम्‍शो, इन खिंम मान पाइक्‍चा पुंइसीब दाऊद बाक्‍ब। १सामुएल १८:२२,२७

१ सामुएल 26:23

परमप्रभु यावेम ठीक पाइब नु थमा सुइक्‍चा पुंइसीब मुर आन कली इनाम गेब। मिनु मुलाक्‍ती परमप्रभु यावेमी इन कली आं गुइमी गेप्‍तु। तन्‍न गो परमप्रभु यावे आ तेल लुक्‍शो कली साइक्‍ने मबिस्‍सीङ।