तीतस 1:6 - Sunuwar Bible

⁶ मिनु ग्रुम्‍तीक खिं ङा शेंब खाल्‍पापुकी सु सु दुम्‍ने चाप्‍नीमी देंशा हना, काइ दोस गेचा मपुंइसीब नु मीश का ला पाइश्‍शो वोंइश मुर बाक्‍चा माल्‍ब। मेको आ तमी तौ थमा सुइक्‍ब बाक्‍चा माल्‍नीम। हेंथे गाक्‍ब नु मटीब आल आन आफ ग्रुम्‍तीक खिं ङा शेंब खाल्‍पा दुम्‍ने मचाप्‍नीम। १तिमोथी ३:१-७

तीतस 1:6 ပူးပေါင်းရင်းမြစ်များ

उत्पत्ती 18:19

गो अब्राहाम कली तुइक्‍नुङ, आ आल नु आ चच युइ आन कली परमप्रभु यावे आ लां गाक्‍पाइक्‍चा कली अरेब। मिनु मेकोपुकी परमप्रभु यावे आ लां खोइक्‍ब दुम्‍शा, ठीक नु रिम्‍शो पचा शेंसीशा पाइ‍नीम। परमप्रभु यावेमी अब्राहाम कली मार लोव़ देंमे, मेको नेल्‍ल दुम्‍ल” देंमाक्‍त। ब्‍यवस्‍था ६:७; ब्‍यवस्‍था ३२:४६

हितोपदेस 28:7

सुमी परमप्रभु यावे आ अरेशो टीबा, मेको जोक्‍ब तुइक्‍ब तौ बाक्‍ब। सु चहिं शुश जाइब नु दुक्‍ब मुर आ वारच दुम्‍बा, मेकोमी आ आफ कली मुने तोक्‍ब।

इजीकीएल 44:22

मेको चढ़ेबपुकीमी आन वोंइश बेक्‍शो नु प्रोंइचा पुंइसीशो मीश मुर ग्‍युंबे पचा मदुम्‍नीम। मेकोपुकीम इस्राएल आ खिं मुर रे जरमेशो कन्‍ने मीश आल नु आन वोंइश बेक्‍शो चढ़ेब आन मीश कली ला ग्‍युंबे पने चाप्‍नीम।

लेवी 21:14

आ वोंइश बेक्‍शो मीश मुर, आ वोंइश प्रोंइशो मीश मुर, ग्रांग्रा दिशो कि तेल्‍लेम मीश मुर चाक्‍ने मचाप्‍ब। मिनु मेकोमी आ जात ङा कन्‍ने मीश आल ग्‍युंबे पचा माल्‍ब।

लेवी 21:7

गे चढ़ेबपुकीमी तेल्‍लेम मीश मुर, ग्रांग्रा दिशो मीश मुर नु आ वोंइशेमी प्रोंइशो मीश मुर चाक्‍चा मदुम्‍ब। मारदे हना गेपुकी परमप्रभु आ मुर बाक्‍नीनी।

मलाकी 2:15

परमप्रभुम मेको निक्‍शी आस कली कान मसेला ङा? मेको आस सोक्‍त नु गिंम परमप्रभु यावे के बाक्‍नीस। मारदे मेको निक्‍शी आस कली कान सेल्‍तु देंशा हना, आस आल परमप्रभु आ मुर दुम्‍मल, दे कान सेल्‍तु। मोपतीके गेपुकी आंम थुं आ पर्बम होस पा, सुइमी आंम ठिटा बाक्‍‍ची ना ङा मीश कली मप्रोनीन।

लूका 1:5

यहूदीया रागीम हेरोद पिप आ पालामी अबीयाह आ हुल ङा जकरिया नें पाइश्‍शो चढ़ेब का बाक्‍माक्‍त। आ मीश हारून आ खिं ङा चढ़ेब आ तमी बाक्‍माक्‍त। आ नें एलीशीबा बाक्‍माक्‍त। १इतिहास २४:१०,१९

एफिसी 5:18

राकसी शांबुमी मदुक्‍कीन। मारदे हना दुक्‍ब मुरपुकी ग्‍येत्‍थ मलाइनीम। तन्‍न गेपुकी परमप्रभु यावे आ सोक्‍तीम ब्रीशो दुमीन। लूका २१:२४

१ थिस्‍सलोनिकी 5:14

आंइ लोक्‍बपुकी, गेय मपाइब आन कली अरेपने। हिंब मुर आन थुं बारपतीन। मचाप्‍‍ब आन कली वारच पने। नेल्‍ल आन कली फाल्‍शा बाक्‍कीन। २थिस्‍सलोनिकी ३:१५

१ तिमोथी 1:9

ठीक पाइब आन कली मब्रेक्‍शो बाक्‍ब, दे यो तुइक्‍नय। तन्‍न परमप्रभु यावे आ अरेशो लोव़ मपाइब, मटीब, परमप्रभु कली ममिम्‍ब नु मरिम्‍शो पाइब आन कली ब्रेक्‍शो बाक्‍ब। परमप्रभु यावे रे ङोन बाक्‍ब, रागी कली ला मिम्‍ब, आम आफ कली साइक्‍ब, आंम ममा कली साइक्‍ब नु मुर आन कली साइक्‍ब आन कली ब्रेक्‍शो बाक्‍ब। १कोरिन्‍थी ६:९-११

१ तिमोथी 3:12

थमा सुइक्‍ब आन ग्रुम्‍तीके खिंमी गेय पाइब मीश का आ वोंइश दुम्‍चा माल्‍ब। मेकोमी आ आल नु आंम खिं ङा मुर नेल्‍ल आन कली रिम्‍शो पा कोव़ब दुम्‍‍चा माल्‍ब।

तीतस 1:10

परमप्रभु यावे आ शें‍शो लोव़ मटीबपुकी शुश बाक्‍नीमी। शोर गाक्‍‍शो लोव़ पाइब नु हेंथे लां शेंब बाक्‍नीम। मेको शुश ख्रोइक्‍तीक चिनु पाइश्‍शो इस्राएली बाक्‍नीम।

१ सामुएल 2:11

मिनु नोले एल्‍काना आ खिं ङा मुरपुकी नु रामाह लेम्‍माक्‍त। मेको वोंइश आल चहिं परमप्रभु यावे कली चढ़ेब एली आ ङोंइती बाक्‍शा, परमप्रभु यावे आ गेय पवा बाक्‍त।

१ सामुएल 2:22

मिनु एली थम खूशो दुम्‍माक्‍त। आ तौ निक्‍शीमी इस्राएली आन कली दोदेंशो पाम्‍से, मेको नेल्‍ल नेना बाक्‍त। मेकोमी आ तौ ग्रुम्‍तीक ताम्‍बु आ ङोंइती गेय पाइब मीश मुरपुकी नु इप्‍शो, यो नेना बाक्‍त। प्रस्‍थान ३८:८